| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠮᠠᠨᠤ ᠤᠯᠤᠰ ᠪᠣᠯ ᠣᠯᠠᠨ ᠦᠨᠳᠦᠰᠦᠲᠡᠨᠢᠶᠡᠷ ᠪᠦᠷᠢᠯᠳᠦᠭᠰᠡᠨ ᠶᠡᠬᠡ ᠭᠡᠷ ᠪᠦᠯᠢᠶᠦᠮ᠃ ᠡᠨᠡ ᠶᠡᠬᠡ ᠭᠡᠷ ᠪᠦᠯᠢᠳᠦ᠂ ᠬᠢᠲᠠᠳ ᠦᠨᠳᠦᠰᠦᠲᠡᠨᠡᠴᠡ ᠭᠠᠳᠠᠨᠠ᠂ ᠪᠠᠰᠠ ᠬᠡᠳᠦᠨ ᠠᠷᠪᠠᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨ ᠪᠠᠢᠨᠠ᠃ ᠲᠡᠳᠡ ᠰᠣᠶᠤᠯ ᠪᠣᠯᠪᠠᠰᠤᠷᠠᠯᠤᠨ ᠬᠥᠭᠵᠢᠯᠦᠨ ᠬᠡᠮᠵᠢᠶᠡᠪᠡᠷ ᠠᠳᠠᠯᠢ ᠪᠤᠰᠤ ᠪᠣᠯᠪᠠᠴᠤ ᠴᠥᠮ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡᠲᠡᠢᠶᠦᠮ᠃ ᠦᠨᠳᠦᠰᠦᠲᠡᠨ ᠪᠦᠷᠢ ᠰᠣᠶᠤᠯ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠲᠠᠯᠠᠳᠤ ᠴᠥᠮ ᠬᠤᠪᠢ ᠨᠡᠮᠡᠷᠢᠪᠡᠨ ᠣᠷᠤᠭᠤᠯᠵᠤ᠂ ᠡᠬᠡ ᠣᠷᠤᠨᠤᠪᠠᠨ᠂ ᠳᠡᠯᠡᠬᠡᠢᠶᠢᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠡᠷᠳᠡᠨᠢᠰᠦᠨ ᠰᠠᠩᠢ ᠪᠠᠶᠠᠯᠢᠭᠵᠢᠭᠤᠯᠤᠭᠰᠠᠨᠶᠤᠮ᠃ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠪᠣᠯ ᠮᠠᠨᠤ ᠤᠯᠤᠰᠤᠨ ᠴᠥᠭᠡᠨ ᠲᠣᠭᠠᠲᠤ ᠦᠨᠳᠦᠰᠦᠲᠡᠨ ᠨᠤᠭᠦᠳᠦᠨ ᠳᠣᠲᠤᠷᠠᠬᠢ ᠨᠡᠯᠢᠶᠡᠳ ᠶᠡᠬᠡ ᠦᠨᠳᠦᠰᠦᠲᠡᠨ ᠪᠣᠯᠬᠤ ᠪᠥᠭᠡᠳ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠲᠠᠯᠠᠪᠠᠷ ᠬᠢ ᠬᠤᠪᠢ ᠨᠡᠮᠡᠷᠢᠨᠢᠴᠦ ᠮᠥᠨ ᠨᠡᠯᠢᠶᠡᠳ ᠶᠡᠬᠡ ᠪᠠᠢᠳᠠᠭᠶᠤᠮ᠃
ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠢ ᠬᠥᠭᠵᠢᠭᠦᠯᠦᠭᠰᠡᠨ ᠲᠠᠯᠠᠪᠠᠷ ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠣᠯᠠᠨ ᠲᠠᠯᠠᠶᠢᠨ ᠬᠤᠪᠢ ᠨᠡᠮᠡᠷᠢᠲᠡᠢ ᠪᠠᠢᠬᠤ ᠲᠤᠬᠠᠢ ᠪᠢᠳᠡ ᠲᠣᠪᠴᠢ ᠲᠠᠨᠢᠯᠴᠠᠭᠤᠯᠭᠠ ᠬᠢᠶᠡ᠃
ᠴᠢᠩᠭᠢᠰ ᠬᠠᠭᠠᠨᠤ ᠣᠴᠢ ᠬᠥᠪᠡᠭᠦᠨ ᠮᠥᠩᠬᠡ ᠪᠣᠯ ᠡᠷᠳᠡᠮᠲᠡᠢ ᠬᠥᠮᠦᠨ ᠪᠠᠢᠵᠠᠢ᠃ 《ᠭᠧᠣᠮᠸᠲᠷᠢᠶᠢᠨ ᠤᠭ ᠵᠣᠬᠢᠶᠠᠯ》 ᠭᠡᠳᠡᠭ ᠨᠣᠮ ᠲᠡᠷᠡ ᠦᠶᠡᠳᠦ ᠠᠷᠠᠪᠠᠴᠠ ᠮᠠᠨᠤ ᠤᠯᠤᠰᠲᠤ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠵᠡᠢ᠃ ᠡᠨᠡ ᠨᠣᠮᠢ ᠤᠭᠨᠢ ᠡᠷᠲᠡᠨᠦ ᠭᠷᠧᠭᠦᠨ ᠡᠸᠦᠺᠯᠢᠳᠧ ᠪᠢᠴᠢᠭᠰᠡᠨᠶᠦᠮ᠃ ᠠᠭᠤᠯᠭᠠᠨᠢ ᠠᠩᠬᠠ ᠵᠡᠷᠭᠡᠶᠢᠨ ᠭᠧᠣᠮᠸᠲᠷᠢ ᠪᠣᠯᠤᠨᠠ᠃ ᠡᠨᠡ ᠨᠣᠮ ᠳᠤᠮᠳᠠᠳᠤ ᠵᠠᠭᠤᠨᠤ ᠦᠶᠡᠳᠦ ᠠᠷᠠᠪ ᠪᠠ ᠢᠷᠠᠨ ᠵᠡᠷᠭᠡ ᠭᠠᠵᠠᠷ ᠣᠷᠤᠨᠢᠶᠠᠷ ᠤᠯᠠᠮᠵᠢᠯᠠᠭᠳᠠᠵᠤ᠂ ᠪᠠᠰᠠ ᠠᠷᠠᠪ ᠬᠡᠯᠡ ᠳᠡᠭᠡᠷᠡ ᠣᠷᠴᠢᠭᠤᠯᠤᠭᠳᠠᠭᠰᠠᠨ᠂ ᠳᠠᠷᠠᠭᠠᠨᠢ ᠮᠠᠨᠤ ᠤᠯᠤᠰᠲᠤ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠪᠠᠢᠵᠠᠢ᠃ ᠮᠠᠨᠤ ᠤᠯᠤᠰᠲᠤ᠂ ᠮᠥᠩᠬᠡ ᠡᠨᠡ ᠨᠣᠮᠢ ᠬᠠᠮᠤᠭ ᠲᠡᠷᠢᠭᠦᠨᠳᠦ ᠰᠤᠷᠤᠯᠴᠠᠨ ᠰᠤᠳᠤᠯᠵᠤ᠂ ᠲᠡᠭᠦᠨᠦ ᠳᠣᠲᠤᠷᠠᠬᠢ ᠡᠳᠦᠢ ᠲᠡᠳᠦᠢ ᠵᠢᠷᠤᠭ ᠢᠯᠡᠷᠬᠡᠢᠯᠡᠯᠳᠦ ᠲᠠᠢᠯᠪᠤᠷᠢ ᠬᠢᠭᠡᠳ᠂ ᠮᠠᠨᠤ ᠤᠯᠤᠰᠤᠨ 《ᠭᠧᠣᠮᠸᠲᠷᠢᠶᠢᠨ ᠤᠭ ᠵᠣᠬᠢᠶᠠᠯ》ᠢ ᠰᠤᠳᠤᠯᠤᠭᠰᠠᠨ ᠠᠩᠬᠠᠳᠠᠭᠴᠢ ᠬᠥᠮᠦᠨ ᠪᠣᠯᠵᠠᠢ᠃
ᠮᠣᠩᠭᠤᠯᠴᠤᠳᠤᠨ ᠳᠣᠲᠤᠷᠠ ᠬᠠᠮᠤᠭ ᠰᠢᠯᠭᠠᠷᠠᠭᠰᠠᠨ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠲᠠᠨ ᠪᠣᠯ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨᠤ ᠦᠶᠡᠶᠢᠨ ᠮᠢᠩᠭᠠᠨᠲᠤ ᠪᠣᠯᠤᠨᠠ᠃ ᠡᠨᠡ ᠬᠥᠮᠦᠨ ᠬᠣᠷᠢᠨ ᠬᠡᠳᠦᠲᠡᠢᠡᠴᠡᠪᠡᠨ ᠠᠪᠤᠭᠠᠳ᠂ ᠴᠢᠩ ᠤᠯᠤᠰᠤᠨ ᠵᠠᠰᠠᠭᠤᠨ ᠭᠠᠵᠠᠷᠠᠴᠠ ᠪᠠᠢᠭᠤᠯᠤᠭᠰᠠᠨ ᠣᠳᠤᠨ ᠣᠷᠤᠨᠤ ᠤᠬᠠᠭᠠᠨ ᠪᠠ ᠵᠢᠷᠤᠬᠠᠢ ᠵᠡᠷᠭᠡᠶᠢ ᠰᠤᠳᠤᠯᠬᠤ ᠪᠠᠢᠭᠤᠯᠭᠠᠳᠤ ᠠᠯᠪᠠ ᠬᠠᠭᠠᠵᠤ᠂ ᠡᠩᠬᠡ ᠠᠮᠤᠭᠤᠯᠠᠩᠤᠨ ᠲᠠᠪᠢᠨ ᠬᠣᠶᠠᠳᠤᠭᠠᠷ ᠣᠨ (1713 ᠣᠨ)ᠡᠴᠡ ᠲᠡᠭᠷᠢ ᠲᠡᠳᠭᠦᠭᠴᠢᠶᠢᠨ ᠠᠷᠪᠠᠨ ᠳᠣᠯᠤᠳᠤᠭᠠᠷ ᠣᠨ (1752 ᠣᠨ) ᠬᠦᠷᠲᠡᠯᠡ ᠴᠢᠩ ᠤᠯᠤᠰᠤᠨ ᠵᠠᠰᠠᠭᠤᠨ ᠭᠠᠵᠠᠷᠠᠴᠠ ᠰᠢᠨᠵᠢᠯᠡᠬᠦ ᠤᠬᠠᠭᠠᠨᠤ ᠭᠤᠷᠪᠠᠨ ᠨᠣᠮ - 《ᠬᠥᠭᠵᠢᠮ ᠤᠯᠠᠷᠢᠯᠤᠨ ᠰᠤᠷᠪᠤᠯᠵᠢ》᠂ 《 ᠣᠳᠤᠨ ᠣᠷᠤᠨᠤ ᠬᠥᠳᠡᠯᠭᠡᠭᠡᠨᠦ ᠰᠤᠳᠤᠯᠤᠯᠤᠨ ᠬᠤᠷᠢᠶᠠᠩᠭᠤᠢᠶᠢᠨ ᠵᠠᠯᠭᠠᠮᠵᠢ》 ᠪᠠ 《ᠣᠳᠤᠨ ᠣᠷᠤᠨᠤ ᠬᠡᠮᠵᠢᠯᠦᠨ ᠰᠤᠳᠤᠯᠤᠯ》ᠢ ᠡᠷᠬᠢᠯᠡᠨ ᠨᠠᠢᠷᠠᠭᠤᠯᠬᠤ ᠠᠵᠢᠯᠳᠤ ᠣᠷᠤᠯᠴᠠᠵᠤ ᠤᠳᠤᠷᠢᠳᠤᠭᠰᠠᠨ ᠪᠥᠭᠡᠳ ᠵᠠᠷᠢᠮ ᠣᠳᠤᠨ ᠣᠷᠤᠨᠤ ᠬᠦᠰᠦᠨᠦᠭᠲᠦᠶᠢ ᠵᠣᠬᠢᠶᠠᠬᠤ ᠤᠭ ᠶᠣᠰᠤ ᠪᠠ ᠬᠡᠷᠡᠭᠯᠡᠬᠦ ᠠᠷᠭᠠᠶᠢᠨ ᠲᠠᠯᠠᠪᠠᠷ ᠬᠠᠮᠤᠭᠤᠨ ᠶᠡᠬᠡ ᠮᠡᠳᠡᠯᠭᠡᠲᠡᠢ᠂ ᠬᠠᠮᠤᠭᠤᠨ ᠴᠠᠭᠠᠷᠠᠭᠰᠠᠨ ᠬᠥᠮᠦᠨ ᠪᠠᠢᠵᠠᠢ᠃ ᠲᠡᠭᠷᠢ ᠲᠡᠳᠭᠦᠭᠴᠢᠶᠢᠨ ᠬᠣᠷᠢᠨ ᠳᠥᠷᠪᠡᠳᠦᠭᠡᠷ ᠣᠨ (1759 ᠣᠨ)ᠳᠤ ᠮᠢᠩᠭᠠᠨᠲᠤ ᠣᠨᠴᠠᠪᠠᠷ ᠳᠡᠪᠰᠢᠭᠦᠯᠦᠭᠳᠡᠵᠦ ᠣᠳᠤᠨ ᠣᠷᠤᠨᠢ ᠰᠢᠨᠵᠢᠯᠡᠬᠦ ᠶᠠᠮᠤᠨᠤ ᠰᠠᠢᠳ (ᠭᠣᠣᠯ ᠡᠷᠬᠢᠯᠡᠭᠴᠢ)ᠪᠡᠷ ᠲᠣᠮᠢᠯᠠᠭᠳᠠᠭᠠᠳ ᠣᠳᠤᠨ ᠣᠷᠤᠨᠤ ᠰᠢᠨᠵᠢᠯᠡᠯᠦᠨ ᠰᠤᠳᠤᠯᠭᠠᠶᠢᠨ ᠬᠠᠮᠤᠭ ᠠᠵᠢᠯᠢ ᠤᠳᠤᠷᠢᠳᠬᠤ ᠪᠣᠯᠵᠠᠢ᠃ ᠲᠡᠭᠷᠢ ᠲᠡᠳᠭᠦᠭᠴᠢᠶᠢᠨ ᠬᠣᠷᠢᠨ ᠨᠢᠭᠡᠳᠦᠭᠡᠷ ᠣᠨ (1756 ᠣᠨ) ᠪᠠ ᠬᠣᠷᠢᠨ ᠳᠥᠷᠪᠡᠳᠦᠭᠡᠷ ᠣᠨ(1759 ᠣᠨ)ᠳᠤ ᠴᠢᠩ ᠤᠯᠤᠰᠤᠨ ᠵᠠᠰᠠᠭᠤᠨ ᠭᠠᠵᠠᠷᠠᠴᠠ ᠬᠣᠶᠠᠷ ᠤᠳᠠᠭᠠ ᠬᠡᠮᠵᠢᠨ ᠵᠢᠷᠤᠬᠤ ᠠᠩᠭᠢ ᠪᠠᠢᠭᠤᠯᠵᠤ᠂ ᠰᠢᠨᠵᠢᠶᠠᠩᠳᠤ ᠣᠴᠢᠭᠤᠯᠤᠭᠠᠳ ᠭᠠᠵᠠᠷᠤᠨ ᠵᠢᠷᠤᠭ ᠵᠢᠷᠤᠭᠤᠯᠵᠤ᠂ ᠪᠠᠰᠠ ᠨᠡᠯᠢᠶᠡᠳ ᠬᠡᠳᠦᠨ ᠭᠠᠵᠠᠷᠤᠨ 《ᠨᠠᠷᠠᠨ ᠮᠠᠨᠳᠤᠬᠤ᠂ ᠨᠠᠷᠠᠨ ᠵᠢᠷᠭᠠᠬᠤ᠂ ᠡᠳᠦᠷ ᠰᠥᠨᠢ᠂ ᠤᠯᠠᠷᠢᠯᠤᠨ ᠭᠡᠮ》 ᠵᠡᠷᠭᠡᠶᠢ ᠬᠡᠮᠵᠢᠭᠦᠯᠵᠡᠢ᠃ ᠡᠨᠡ ᠬᠣᠶᠠᠷ ᠤᠳᠠᠭᠠᠶᠢᠨ ᠭᠣᠣᠯᠯᠠᠭᠴᠢ ᠪᠣᠯᠵᠤ᠂ ᠰᠢᠨᠵᠢᠯᠡᠭᠡᠨᠦ ᠠᠩᠭᠢᠶᠢᠨ ᠳᠣᠲᠤᠷᠠᠪᠠᠨ ᠭᠣᠣᠯ ᠬᠠᠷᠢᠭᠤᠴᠠᠯᠭᠠᠲᠠᠨ ᠾᠧ ᠭᠦᠸᠧ ᠽᠦᠩᠢ ᠭᠠᠷᠭᠠᠪᠠᠯ ᠳᠠᠷᠠᠭᠠᠳᠤᠨᠢ ᠮᠢᠩᠭᠠᠨᠲᠤ ᠪᠠᠢᠵᠠᠢ᠃ ᠡᠨᠡ ᠡᠷᠳᠡᠮᠲᠡᠨ ᠪᠦᠬᠦ ᠰᠢᠨᠵᠢᠯᠡᠭᠡᠨᠦ ᠠᠩᠭᠢᠪᠠᠨ ᠳᠠᠭᠠᠭᠤᠯᠵᠤ ᠬᠣᠶᠠᠳᠠᠬᠢ ᠤᠳᠠᠭᠠ ᠰᠢᠨᠵᠢᠶᠠᠩ ᠣᠷᠤᠭᠰᠠᠨᠶᠤᠮ᠃ ᠲᠡᠷᠡ ᠦᠶᠡᠰ ᠮᠢᠩᠭᠠᠨᠲᠤ ᠨᠢᠭᠡᠨᠲᠡ ᠳᠠᠯᠠ ᠬᠦᠷᠦᠭᠰᠡᠨ ᠨᠠᠰᠤᠲᠠᠨ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠰᠠᠯᠬᠢᠨ ᠰᠢᠭᠤᠷᠭᠠᠨᠳᠤ ᠬᠠᠯᠠᠰᠢᠷᠠᠯᠦᠭᠡᠢ᠂ ᠡᠬᠡ ᠣᠷᠤᠨᠤᠪᠠᠨ ᠪᠠᠷᠠᠭᠤᠨ ᠪᠡᠶᠡᠶᠢᠨ ᠥᠷᠭᠡᠨ ᠠᠭᠤᠳᠠᠮ ᠬᠢᠵᠠᠭᠠᠷ ᠨᠤᠲᠤᠭᠢᠶᠠᠷ ᠲᠣᠭᠤᠷᠢᠨ ᠶᠠᠪᠤᠵᠤ᠂ ᠬᠠᠮᠲᠤ ᠣᠯᠠᠨᠲᠠᠢᠪᠠᠨ ᠴᠤᠭᠭᠠᠷ᠂ ᠡᠳᠦᠢ ᠲᠡᠳᠦᠢ ᠬᠦᠴᠢᠷ ᠪᠡᠷᠬᠡᠰᠢᠶᠡᠯᠢ ᠳᠠᠪᠠᠵᠤ᠂ ᠬᠡᠮᠵᠢᠨ ᠵᠢᠷᠤᠬᠤ ᠡᠭᠦᠷᠭᠡᠪᠡᠨ ᠢᠯᠠᠯᠲᠠᠲᠠᠢᠪᠠᠷ ᠪᠡᠶᠡᠯᠡᠭᠦᠯᠵᠡᠢ᠃
ᠬᠣᠶᠠᠷ ᠤᠳᠠᠭᠠᠶᠢᠨ ᠪᠣᠳᠠᠲᠤ ᠬᠡᠮᠵᠢᠯᠲᠡᠪᠡᠷ ᠰᠢᠨᠵᠢᠶᠠᠩ ᠣᠷᠤᠨᠤ ᠪᠦᠬᠦ ᠵᠢᠷᠤᠭ ᠵᠢᠷᠤᠭᠳᠠᠵᠤ᠂ ᠮᠢᠩᠭᠠᠨᠲᠤᠶᠢᠨ ᠶᠡᠬᠡ ᠵᠢᠳᠭᠦᠯᠴᠦ ᠡᠭᠦᠨᠳᠦ ᠪᠠᠭᠲᠠᠯᠴᠠᠵᠠᠢ᠃
ᠮᠢᠩᠭᠠᠨᠲᠤ ᠮᠠᠨᠤ ᠤᠯᠤᠰᠤᠨ ᠲᠣᠭᠠᠨᠤ ᠤᠬᠠᠭᠠᠨᠤ ᠲᠡᠦᠬᠡᠨᠳᠦ ᠪᠠᠰᠠ ᠵᠣᠬᠢᠬᠤ ᠪᠠᠢᠷᠢᠶᠢ ᠡᠵᠡᠯᠡᠬᠦ ᠶᠣᠰᠤᠲᠠᠢ᠃ ᠮᠠᠨᠤ ᠤᠯᠤᠰᠤᠨ ᠠᠷᠪᠠᠨ ᠨᠠᠢ᠍ᠮᠠᠳᠤᠭᠠᠷ ᠵᠠᠭᠤᠨᠤ ᠦᠶᠡᠶᠢᠨ ᠲᠣᠭᠠᠨᠤ ᠤᠬᠠᠭᠠᠨᠤ ᠰᠢᠯᠭᠠᠷᠠᠭᠰᠠᠨ ᠡᠷᠳᠡᠮᠲᠡᠨ ᠪᠠᠢᠭᠰᠠᠨᠶᠤᠮ᠃ ᠲᠤᠬᠠᠢᠶᠢᠨ ᠦᠶᠡᠳᠦ᠂ ᠧᠦ᠋ᠷᠣᠫᠠᠠᠴᠠ ᠲᠣᠭᠠᠨᠤ ᠤᠬᠠᠭᠠᠨᠤ ᠭᠤᠷᠪᠠᠨ ᠲᠣᠮᠢᠶᠠ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠡᠳᠡᠭᠡᠷᠨᠢ ᠣᠨᠤᠯᠤᠨ ᠪᠠᠲᠤᠯᠠᠯᠲᠠᠦᠭᠡᠢ ᠪᠠᠢᠵᠠᠢ᠃ ᠣᠨᠤᠯᠤᠨ ᠪᠠᠲᠤᠯᠠᠯᠲᠠᠦᠭᠡᠢ ᠪᠣᠯ ᠲᠡᠭᠦᠨᠦ ᠵᠥᠪ ᠡᠰᠡᠬᠦᠶᠢ ᠬᠥᠮᠦᠰᠲᠦ ᠢᠲᠡᠭᠡᠭᠦᠯᠵᠦ ᠴᠢᠳᠠᠬᠤᠦᠭᠡᠢ ᠭᠡᠵᠦ ᠦᠵᠡᠭᠡᠳ᠂ ᠮᠢᠩᠭᠠᠨᠲᠤ ᠡᠨᠡ ᠭᠤᠷᠪᠠᠨ ᠲᠣᠮᠢᠶᠠᠶᠢ ᠪᠠᠲᠤᠯᠠᠬᠤᠪᠠᠷ ᠴᠢᠷᠮᠠᠢᠪᠠ᠃ ᠢᠯᠭᠠᠷᠠᠯ ᠴᠣᠮᠬᠠᠳᠭᠠᠯᠤᠨ ᠠᠷᠭᠠᠪᠠᠷ ᠪᠣᠯ ᠡᠳᠡᠭᠡᠷ ᠲᠣᠮᠢᠶᠠᠶᠢ ᠨᠡᠯᠢᠶᠡᠳ ᠠᠮᠠᠷᠬᠠᠨ ᠪᠠᠲᠤᠯᠠᠵᠤ ᠴᠢᠳᠠᠨᠠ᠃ ᠭᠡᠲᠡᠯᠡ ᠢᠯᠭᠠᠷᠠᠯ ᠴᠣᠮᠬᠠᠳᠭᠠᠯᠤᠨ ᠠᠷᠭᠠ ᠲᠡᠷᠡ ᠦᠶᠡᠳᠦ ᠮᠠᠨᠤ ᠤᠯᠤᠰᠲᠤ ᠪᠠᠰᠠ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠭᠡᠳᠦᠢ ᠪᠠᠢᠭᠰᠠᠨᠶᠤᠮ᠃ ᠴᠢᠩᠭᠢᠭᠡᠳ ᠡᠨᠡ ᠡᠷᠳᠡᠮᠲᠡᠨ ᠭᠤᠴᠢᠭᠠᠳ ᠵᠢᠯ ᠰᠢᠬᠠᠭᠤ ᠰᠤᠳᠤᠯᠵᠤ᠂ ᠡᠴᠦᠰᠲᠡᠭᠡᠨ 《ᠲᠣᠭᠤᠷᠢᠭᠤᠨ ᠣᠭᠲᠤᠯᠤᠯᠤᠨ ᠦᠷᠭᠦᠯᠵᠢᠯᠡᠮᠡᠯ ᠬᠠᠷᠢᠴᠠᠭᠠᠲᠤᠶᠢᠨ ᠠᠷᠭᠠ》 ᠭᠡᠳᠡᠭ ᠨᠢᠭᠡᠨ ᠵᠦᠢᠯᠦᠨ ᠠᠷᠭᠠᠶᠢ ᠰᠤᠳᠤᠯᠤᠨ ᠣᠯᠵᠤ᠂ ᠡᠭᠦᠨᠢᠶᠡᠷᠢᠶᠡᠨ ᠥᠨᠥᠬᠢ ᠭᠤᠷᠪᠠᠨ ᠲᠣᠮᠢᠶᠠᠶᠢ ᠬᠦᠷᠦᠯᠴᠡᠬᠦᠢᠴᠡ ᠨᠠᠷᠢᠨ ᠨᠢᠭᠲᠠᠪᠠᠷ ᠪᠠᠲᠤᠯᠠᠵᠤ ᠴᠢᠳᠠᠭᠰᠠᠨᠢᠶᠠᠷ ᠪᠠᠷᠠᠬᠤᠦᠭᠡᠢ᠂ ᠪᠠᠲᠤᠯᠠᠬᠤ ᠶᠠᠪᠤᠴᠠᠳᠠᠭᠠᠨ ᠪᠠᠰᠠ ᠥᠭᠡᠷᠡ ᠵᠢᠷᠭᠤᠭᠠᠨ ᠲᠣᠮᠢᠶᠠᠶᠢ ᠡᠭᠦᠳᠴᠡᠢ᠃ ᠲᠡᠭᠦᠨᠦ ᠡᠭᠦᠳᠦᠭᠰᠡᠨ ᠵᠠᠷᠢᠮ ᠲᠣᠮᠢᠶᠠᠨᠢ ᠲᠡᠷᠡ ᠦᠶᠡᠶᠢᠨ ᠡᠸᠦᠷᠦ᠋ᠫᠡᠡᠴᠡ ᠬᠣᠵᠢᠭᠳᠠᠭᠰᠠᠨᠦᠭᠡᠢ ᠪᠠᠢᠨᠠ᠃ ᠮᠢᠩᠭᠠᠨᠲᠤ ᠥᠪᠡᠷᠦᠨ ᠰᠤᠳᠤᠯᠭᠠᠶᠢᠨ ᠪᠦᠲᠦᠭᠡᠯᠢᠶᠡᠨ ᠡᠮᠬᠢᠯᠡᠨ ᠪᠢᠴᠢᠵᠦ᠂ ᠡᠬᠡ ᠨᠣᠣᠷᠠᠭᠢᠨᠢ ᠲᠤᠭᠤᠷᠪᠢᠨ ᠭᠠᠷᠭᠠᠭᠰᠠᠨ ᠪᠣᠯᠪᠠᠴᠤ ᠪᠦᠷᠢᠨ ᠭᠦᠢᠴᠡᠳᠭᠡᠵᠦ ᠵᠠᠪᠳᠤᠭᠰᠠᠨᠦᠭᠡᠢᠪᠠᠷ ᠶᠢᠷᠲᠢᠨᠴᠦᠡᠴᠡ ᠠᠩᠭᠢᠵᠢᠷᠠᠵᠠᠢ᠃ ᠨᠠᠰᠤ ᠪᠠᠷᠠᠬᠤᠠᠴᠠᠪᠠᠨ ᠡᠮᠦᠨᠡᠬᠡᠨ ᠬᠥᠪᠡᠭᠦᠨ ᠮᠢᠩ ᠰᠢᠨᠢᠶᠡᠨ ᠳᠡᠷᠭᠡᠳᠡᠪᠡᠨ ᠳᠠᠭᠤᠳᠠᠵᠤ ᠠᠪᠴᠢᠷᠠᠭᠠᠳ: 《ᠴᠢ ᠬᠠᠮᠲᠤ ᠰᠤᠷᠤᠭᠴᠢ ᠴᠧᠨ ᠵᠢᠢ ᠰᠢᠨᠲᠡᠢᠪᠡᠨ ᠬᠠᠮᠵᠢᠯᠴᠠᠭᠠᠳ᠂ ᠡᠭᠦᠨᠢ ᠡᠷᠬᠡᠪᠰᠢ ᠵᠠᠯᠭᠠᠨ ᠭᠦᠢᠴᠡᠳᠭᠡᠭᠡᠷᠡᠢ》 ᠭᠡᠵᠦ ᠭᠡᠷᠢᠶᠡᠰᠯᠡᠵᠡᠢ᠃ ᠮᠢᠩ ᠰᠢᠨ ᠪᠣᠯᠤᠨ ᠴᠧᠨ ᠵᠢᠢ ᠰᠢᠨ ᠵᠡᠷᠭᠡ ᠰᠤᠷᠤᠭᠴᠢᠳ ᠡᠨᠡᠬᠦ ᠭᠡᠷᠢᠶᠡᠰᠢ ᠦᠨᠳᠦᠰᠦᠯᠡᠨ᠂ ᠤᠭ ᠵᠣᠬᠢᠶᠠᠯᠢ ᠭᠦᠢᠴᠡᠳᠭᠡᠨ ᠪᠢᠴᠢᠵᠦ᠂ ᠮᠢᠩᠭᠠᠨᠲᠤᠶᠢᠨ ᠤᠭ ᠰᠠᠨᠠᠭᠠᠪᠠᠷ 《ᠲᠣᠭᠤᠷᠢᠭᠤᠨ ᠣᠭᠲᠤᠯᠤᠯᠤᠨ ᠨᠢᠭᠲᠠ ᠬᠡᠮᠵᠢᠶᠡᠨᠦ ᠳᠥᠲᠡ ᠠᠷᠭᠠ》 ᠭᠡᠰᠡᠨ ᠨᠡᠷᠡᠪᠡᠷ ᠬᠡᠪᠯᠡᠭᠦᠯᠵᠡᠢ᠃ ᠡᠨᠡ ᠨᠣᠮ ᠦᠶᠡ ᠤᠯᠠᠷᠢᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠡᠳᠦᠭᠡᠳᠦᠷ ᠬᠦᠷᠴᠡᠢ᠃
ᠮᠢᠩᠭᠠᠨᠲᠤᠶᠢᠨ ᠡᠭᠦᠳᠦᠭᠰᠡᠨ 《ᠲᠣᠭᠤᠷᠢᠭᠤᠨ ᠣᠭᠲᠤᠯᠤᠯᠤᠨ ᠦᠷᠭᠦᠯᠵᠢᠯᠡᠮᠡᠯ ᠬᠠᠷᠢᠴᠠᠭᠠᠲᠤᠶᠢᠨ ᠠᠷᠭᠠ》ᠨᠢ 18 _ 19 ᠳ᠋ᠤᠭᠡᠷ ᠵᠠᠭᠤᠨᠠ ᠮᠠᠨᠤ ᠤᠯᠤᠰᠲᠤ ᠮᠠᠰᠢ ᠶᠡᠬᠡ ᠨᠥᠯᠦᠭᠡ ᠦᠵᠡᠭᠦᠯᠵᠦ᠂ ᠲᠤᠭᠲᠠᠭᠰᠠᠨ ᠬᠡᠮᠵᠢᠶᠡᠨ ᠳᠣᠲᠤᠷᠠ ᠢᠯᠭᠠᠷᠠᠯ ᠴᠣᠮᠬᠠᠳᠭᠠᠯᠤᠨ ᠦᠢᠯᠡᠳᠦᠯᠢ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃
ᠮᠣᠩᠭᠤᠯᠴᠤᠳ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠲᠠᠯᠠᠪᠠᠷ ᠶᠡᠬᠡᠬᠡᠨ ᠠᠵᠢᠯ ᠬᠢᠵᠦ᠂ ᠬᠤᠪᠢ ᠨᠡᠮᠡᠷᠢ ᠣᠷᠤᠭᠤᠯᠤᠭᠰᠠᠨᠶᠤᠮ᠃ ᠶᠤᠸᠠᠨ ᠤᠯᠤᠰᠤᠨ ᠦᠶᠡᠳᠦ᠂ ᠲᠡᠳᠡ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠳᠤ ᠠᠩᠬᠠᠷᠤᠯ ᠲᠠᠯᠪᠢᠵᠤ ᠶᠤᠸᠠᠨ ᠤᠯᠤᠰᠤᠨ ᠱ᠌ᠢᠽᠦ ᠬᠠᠭᠠᠨ ᠬᠤᠪᠢᠯᠠᠢᠶᠢᠨ ᠴᠣᠬᠤᠯᠠᠪᠤᠷᠢᠲᠠᠢᠪᠠᠷ ᠳᠡᠭᠡᠳᠦ ᠨᠡᠢᠰᠯᠡᠯ (ᠣᠳᠣᠶᠢᠨ ᠥᠪᠦᠷ ᠮᠣᠩᠭᠤᠯᠤᠨ ᠥᠪᠡᠷᠲᠡᠭᠡᠨ ᠵᠠᠰᠠᠬᠤ ᠣᠷᠤᠨᠤ ᠰᠢᠯᠤᠭᠤᠨ ᠬᠥᠬᠡ ᠬᠣᠰᠢᠭᠤᠨᠳᠤ ᠪᠠᠢᠵᠠᠢ) ᠪᠠ ᠶᠡᠬᠡ ᠨᠡᠢᠰᠯᠡᠯ (ᠣᠳᠣᠶᠢᠨ ᠪᠡᠭᠡᠵᠢᠩ ᠬᠣᠲᠠᠳᠤ ᠪᠠᠢᠵᠠᠢ) ᠡᠨᠡ ᠬᠣᠶᠠᠷᠲᠤ ᠣᠳᠤᠨ ᠣᠷᠤᠨᠤ ᠰᠢᠨᠵᠢᠯᠡᠭᠡᠨᠦ ᠬᠣᠷᠢᠶᠠ ᠪᠠᠢᠭᠤᠯᠵᠠᠢ᠃ ᠡᠭᠦᠨᠡ ᠶᠡᠬᠡ ᠨᠡᠢᠰᠯᠡᠯᠳᠡᠬᠢ ᠬᠣᠷᠢᠶᠠᠨᠢ ᠬᠡᠮᠵᠢᠶᠡᠪᠡᠷ ᠲᠤᠩ ᠶᠡᠬᠡ᠂ ᠪᠡᠯᠡᠳᠭᠡᠮᠵᠢᠪᠡᠷ ᠪᠦᠷᠢᠨ ᠲᠡᠭᠦᠯᠳᠡᠷ ᠪᠠᠢᠭᠰᠠᠨᠶᠤᠮ᠃ ᠲᠣᠭᠲᠠᠬᠤᠶᠢᠨ ᠡᠷᠬᠢᠯᠡᠨ ᠨᠠᠢᠷᠠᠭᠤᠯᠤᠭᠰᠠᠨ 《ᠶᠤᠸᠠᠨ ᠤᠯᠤᠰᠤᠨ ᠲᠡᠦᠬᠡ》 ᠵᠡᠷᠭᠡ ᠨᠣᠮ ᠪᠢᠴᠢᠭᠲᠦ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠲᠤᠬᠠᠢ ᠠᠭᠤᠯᠭᠠ ᠮᠠᠰᠢ ᠨᠠᠷᠢᠨ ᠪᠢᠴᠢᠭᠳᠡᠭᠰᠡᠨ ᠪᠠᠢᠨᠠ᠃ ᠴᠢᠩ ᠤᠯᠤᠰᠤᠨ ᠣᠳᠤᠨ ᠣᠷᠤᠨᠢ ᠰᠢᠨᠵᠢᠯᠡᠬᠦ ᠶᠠᠮᠤᠨᠳᠤ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯ᠂ ᠤᠯᠠᠷᠢᠯ ᠬᠤᠪᠢᠶᠠᠬᠤ ᠠᠷᠭᠠᠶᠢᠨ ᠲᠠᠯᠠᠶᠢᠨ ᠰᠤᠳᠤᠯᠭᠠᠨᠤ ᠠᠵᠢᠯ ᠬᠢᠵᠦ ᠪᠠᠢᠭᠰᠠᠨ ᠮᠣᠩᠭᠤᠯᠴᠤᠳ ᠮᠢᠩᠭᠠᠨᠲᠤᠠᠴᠠ ᠭᠠᠳᠠᠨᠠ ᠪᠠᠰᠠ ᠴᠥᠭᠡᠨ ᠪᠤᠰᠤ ᠪᠠᠢᠭᠰᠠᠨ ᠪᠥᠭᠡᠳ ᠵᠠᠷᠢᠮᠨᠢ ᠲᠡᠨᠳᠡ ᠬᠡᠳᠦᠨ ᠠᠷᠪᠠᠨ ᠵᠢᠯ ᠠᠵᠢᠯᠯᠠᠵᠠᠢ᠃
ᠬᠥᠬᠡᠬᠣᠲᠠᠶᠢᠨ ᠲᠠᠪᠤᠨ ᠰᠤᠪᠤᠷᠭᠠᠲᠤ ᠰᠦᠮᠡᠶᠢᠨ ᠠᠷᠤ ᠬᠠᠨᠠᠨᠳᠤ ᠣᠳᠤᠨ ᠣᠷᠤᠨᠤ ᠮᠣᠩᠭᠤᠯ ᠵᠢᠷᠤᠭ ᠰᠡᠢᠯᠦᠭᠰᠡᠨ ᠨᠢᠭᠡᠨ ᠴᠢᠯᠠᠭᠤᠨ ᠰᠡᠢᠯᠦᠮᠡᠯ ᠪᠠᠢᠨᠠ᠃ ᠪᠠᠷᠤᠭᠴᠠᠭᠠᠯᠠᠵᠤ ᠪᠣᠳᠤᠪᠠᠯ᠂ ᠡᠨᠡ ᠵᠢᠷᠤᠭ ᠴᠢᠩ ᠤᠯᠤᠰᠤᠨ ᠲᠡᠭᠷᠢ ᠲᠡᠳᠭᠦᠭᠴᠢᠶᠢᠨ ᠡᠬᠢᠨᠦ ᠦᠶᠡᠳᠦ ᠰᠡᠢᠯᠦᠭᠳᠡᠭᠰᠡᠨ ᠪᠣᠯᠤᠯᠲᠠᠢ᠃ ᠡᠨᠡ ᠵᠢᠷᠤᠭ ᠠᠭᠤᠯᠭᠠᠪᠠᠷ ᠮᠠᠰᠢ ᠪᠠᠶᠠᠯᠢᠭ᠂ ᠤᠮᠠᠷᠠᠳᠤ ᠲᠤᠢᠯᠢᠶᠠᠷ ᠲᠥᠪ ᠪᠣᠯᠭᠠᠨ᠂ ᠤᠯᠠᠭᠠᠨ ᠵᠠᠮᠢ ᠲᠣᠭᠤᠷᠢᠭ ᠬᠡᠯᠪᠡᠷᠢᠲᠡᠢᠪᠡᠷ ᠵᠢᠷᠤᠭᠤᠨ ᠲᠥᠪᠲᠦ ᠵᠢᠷᠤᠵᠤ᠂ ᠰᠢᠷᠠ ᠵᠠᠮᠢ ᠵᠤᠤᠪᠠᠩ ᠬᠡᠯᠪᠡᠷᠢᠲᠡᠢᠪᠡᠷ ᠵᠢᠷᠤᠵᠤ᠂ ᠤᠯᠠᠭᠠᠨ ᠵᠠᠮᠲᠠᠢ ᠣᠭᠲᠤᠯᠤᠯᠴᠠᠭᠤᠯᠵᠠᠢ᠃ ᠰᠢᠷᠠ ᠵᠠᠮᠢ ᠡᠢᠮᠦ ᠬᠡᠯᠪᠡᠷᠢᠲᠡᠢ ᠵᠢᠷᠤᠬᠤᠨᠢ ᠲᠤᠰᠭᠠᠯᠲᠠᠶᠢᠨ ᠶᠣᠰᠤᠨᠲᠠᠢ ᠨᠡᠢᠴᠡᠬᠦ ᠪᠥᠭᠡᠳ ᠮᠠᠨᠤ ᠤᠯᠤᠰᠤᠨ ᠲᠡᠦᠬᠡᠨ ᠳᠡᠭᠡᠷᠡ ᠬᠣᠪᠤᠷ ᠲᠣᠬᠢᠶᠠᠯᠳᠤᠨᠠ᠃
ᠡᠭᠦᠨᠡᠴᠡ ᠭᠠᠳᠠᠨᠠ᠂ ᠪᠠᠰᠠ ᠬᠣᠷᠢᠨ ᠨᠠᠢ᠍ᠮᠠᠨ ᠣᠳᠤᠨ ᠣᠷᠤᠨᠤ ᠬᠤᠪᠢᠶᠠᠷᠢᠯᠠᠯ ᠪᠠ ᠲᠡᠭᠷᠢᠶᠢᠨ ᠣᠶᠤᠳᠠᠯᠢ ᠵᠢᠷᠤᠵᠤ ᠭᠠᠷᠭᠠᠭᠰᠠᠨ ᠪᠥᠭᠡᠳ ᠬᠣᠷᠢᠨ ᠨᠠᠢ᠍ᠮᠠᠨ ᠣᠳᠤᠨ᠂ ᠰᠢᠷᠠ ᠵᠠᠮᠤᠨ ᠠᠷᠪᠠᠨ ᠬᠣᠶᠠᠷ ᠣᠷᠳᠤᠨ᠂ ᠬᠣᠷᠢᠨ ᠳᠥᠷᠪᠡᠨ ᠤᠯᠠᠷᠢᠯᠤᠨ ᠨᠡᠷᠡᠶᠢ ᠬᠠᠳᠠᠨ ᠰᠡᠢᠯᠦᠭᠰᠡᠨ ᠪᠠᠢᠨᠠ᠃ ᠨᠡᠩ ᠴᠢᠬᠤᠯᠠᠨᠢ ᠠᠰᠢᠳᠠᠶᠢᠨ ᠣᠳᠤᠳᠢ ᠰᠡᠢᠯᠦᠨ ᠲᠡᠮᠳᠡᠭᠯᠡᠭᠰᠡᠨ ᠶᠠᠪᠤᠳᠠᠯ ᠪᠣᠯᠤᠨᠠ᠃ ᠲᠡᠦᠬᠡᠨ ᠳᠡᠭᠡᠷᠡ ᠨᠢᠭᠡᠨᠲᠡ ᠮᠡᠳᠡᠭᠳᠡᠭᠡᠳ ᠪᠠᠢᠭᠰᠠᠨ ᠠᠰᠢᠳᠠᠶᠢᠨ ᠣᠳᠤᠳ ᠪᠠ ᠠᠷᠪᠠᠨ ᠳᠣᠯᠤᠳᠤᠭᠠᠷ ᠵᠠᠭᠤᠨᠤ ᠦᠶᠡᠶᠢᠨ ᠣᠳᠤᠨ ᠳᠡᠰᠦᠨ ᠵᠢᠷᠤᠬᠤ ᠠᠷᠭᠠᠶᠢ ᠲᠡᠮᠳᠡᠭᠯᠡᠵᠦ ᠭᠠᠷᠭᠠᠭᠰᠠᠨᠠᠴᠠ ᠭᠠᠳᠠᠨᠠ᠂ ᠲᠡᠭᠷᠢ ᠲᠡᠳᠭᠦᠭᠴᠢᠶᠢᠨ ᠡᠬᠢᠨᠦ ᠵᠢᠯᠦᠳᠲᠦ ᠬᠡᠮᠵᠢᠨ ᠲᠣᠳᠤᠷᠬᠠᠢᠯᠠᠭᠰᠠᠨ ᠮᠢᠩᠭᠠ ᠭᠠᠷᠤᠢ ᠠᠰᠢᠳᠠᠶᠢᠨ ᠣᠳᠤᠳᠢ ᠨᠡᠮᠡᠵᠦ ᠣᠷᠤᠭᠤᠯᠤᠭᠠᠳ᠂ ᠲᠡᠷᠡ ᠦᠶᠡᠶᠢᠨ ᠮᠠᠨᠤ ᠤᠯᠤᠰᠤᠨ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠰᠢᠨᠡ ᠠᠮᠵᠢᠯᠲᠠ ᠪᠦᠲᠦᠭᠡᠯᠢ ᠬᠠᠷᠠᠭᠤᠯᠪᠠ᠃ ᠡᠨᠡ ᠵᠢᠷᠤᠭᠲᠤ ᠬᠠᠳᠠᠯᠲᠠ ᠬᠢᠬᠦᠳᠡᠭᠡᠨ ᠴᠥᠮ ᠮᠣᠩᠭᠤᠯ ᠥᠰᠦᠭᠢ ᠬᠡᠷᠡᠭᠯᠡᠵᠦ᠂ ᠥᠨᠴᠦᠭᠢ ᠭᠷᠡᠲᠦ᠋ᠰᠯᠡᠬᠦ᠂ ᠥᠷᠭᠡᠷᠢᠭᠢ ᠳ᠋ᠤᠭᠠᠷᠯᠠᠬᠤ ᠵᠡᠷᠭᠡᠳᠡᠭᠡᠨ ᠲᠥᠪᠡᠳ ᠲᠣᠭᠠᠨᠤ ᠥᠰᠦᠭᠢ ᠬᠡᠷᠡᠭᠯᠡᠵᠡᠢ᠃ ᠡᠨᠡ ᠪᠣᠯ ᠮᠠᠨᠤ ᠤᠯᠤᠰᠲᠤ ᠣᠯᠳᠠᠭᠰᠠᠨ ᠮᠣᠩᠭᠤᠯ ᠥᠰᠦᠭᠲᠡᠢ ᠴᠤᠷᠤᠨ ᠭᠠᠭᠴᠠ ᠣᠳᠤᠨ ᠣᠷᠤᠨᠤ ᠵᠢᠷᠤᠭ ᠪᠣᠯᠤᠨᠠ᠃
ᠮᠣᠩᠭᠤᠯᠢᠶᠠᠷ ᠨᠠᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ᠪᠤᠶᠤ ᠥᠭᠡᠷᠡ ᠬᠡᠯᠡ ᠳᠡᠭᠡᠷᠡᠡᠴᠡ ᠣᠷᠴᠢᠭᠤᠯᠤᠭᠰᠠᠨ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠲᠤᠬᠠᠢ ᠨᠣᠮ ᠥᠨᠥ ᠪᠣᠯᠲᠠᠯᠠ ᠴᠥᠭᠡᠨ ᠪᠤᠰᠤ ᠤᠯᠠᠮᠵᠢᠯᠠᠭᠳᠠᠵᠤ ᠢᠷᠡᠵᠡᠢ᠃ ᠵᠢᠱ᠌ᠢᠶᠠᠯᠠᠪᠠᠯ ᠮᠢᠩᠭᠠᠨᠲᠤᠶᠢᠨ ᠣᠷᠤᠯᠴᠠᠭᠠᠲᠠᠢᠪᠠᠷ ᠨᠠᠢᠷᠠᠭᠤᠯᠤᠭᠰᠠᠨ 《ᠬᠥᠭᠵᠢᠮ ᠤᠯᠠᠷᠢᠯᠤᠨ ᠤᠭ ᠰᠤᠷᠪᠤᠯᠵᠢ》ᠳᠡᠬᠢ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠬᠡᠰᠡᠭ ᠪᠠ ᠲᠣᠭᠠᠨᠤ ᠤᠬᠠᠭᠠᠨᠤ ᠬᠡᠰᠡᠭ (ᠨᠡᠢᠲᠡ ᠭᠤᠷᠪᠠᠨ ᠬᠡᠰᠡᠭ᠂ ᠨᠥᠭᠦᠭᠡ ᠨᠢᠭᠡ ᠬᠡᠰᠡᠭᠨᠢ ᠬᠥᠭᠵᠢᠮᠦᠨ ᠣᠨᠤᠯ)ᠨᠢ ᠮᠣᠩᠭᠤᠯ ᠬᠡᠯᠡ ᠳᠡᠭᠡᠷᠡ ᠣᠷᠴᠢᠭᠤᠯᠤᠭᠳᠠᠵᠠᠢ᠃ ᠥᠪᠦᠷ ᠮᠣᠩᠭᠤᠯᠤᠨ ᠨᠣᠮᠤᠨ ᠰᠠᠩ ᠵᠡᠷᠭᠡ ᠭᠠᠵᠠᠷᠲᠤ ᠨᠡᠯᠢᠶᠡᠳ ᠬᠡᠳᠦᠨ ᠵᠦᠢᠯᠦᠨ ᠮᠣᠩᠭᠤᠯ ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯᠤᠨ ᠨᠣᠮ ᠬᠠᠳᠠᠭᠠᠯᠠᠭᠳᠠᠵᠤ ᠪᠠᠢᠨᠠ᠃ ᠲᠡᠳᠡᠭᠡᠷᠦᠨ ᠳᠣᠲᠤᠷᠠ 《ᠣᠳᠤᠨ ᠣᠷᠤᠨᠤ ᠰᠤᠳᠤᠯᠤᠯ》 ᠬᠡᠮᠡᠬᠦ ᠨᠣᠮ ᠨᠡᠢᠲᠡ ᠬᠣᠶᠠᠷ ᠳᠡᠪᠲᠡᠷ ᠪᠠᠢᠨᠠ᠃ ᠨᠢᠭᠡᠳᠦᠭᠡᠷ ᠳᠡᠪᠲᠡᠷᠨᠢ 《ᠲᠡᠭᠷᠢᠳᠦᠷ ᠵᠣᠷᠴᠢᠬᠤᠢ ᠳᠠᠭᠤᠯᠠᠯ》 ᠪᠣᠯᠤᠨᠠ᠃ ᠡᠭᠦᠨᠢ ᠮᠠᠨᠤ ᠤᠯᠤᠰᠤᠨ ᠤᠯᠠᠮᠵᠢᠯᠠᠯᠲᠤ 《ᠭᠤᠷᠪᠠᠨ ᠬᠦᠷᠢᠶᠡ ᠬᠣᠷᠢᠨ ᠨᠠᠢ᠍ᠮᠠᠨ ᠣᠳᠤᠨ》ᠤ ᠵᠢᠭᠰᠠᠭᠠᠯᠲᠠᠶᠢᠨ ᠠᠷᠭᠠᠪᠠᠷ ᠪᠢᠴᠢᠵᠡᠢ᠃ ᠪᠠᠰᠠ ᠮᠣᠩᠭᠤᠯ ᠬᠠᠳᠠᠯᠲᠠᠲᠠᠢ ᠣᠳᠤᠳᠤᠨ ᠵᠢᠷᠤᠭᠤᠳ ᠪᠠᠢᠨᠠ᠃ ᠲᠡᠳᠡᠭᠡᠷᠦᠨ ᠳᠣᠲᠤᠷᠠ ᠪᠦᠬᠦ ᠲᠡᠭᠷᠢᠶᠢᠨ ᠣᠳᠤᠳᠤᠨ ᠵᠢᠷᠤᠭᠨᠢ ᠬᠠᠮᠤᠭᠤᠨ ᠦᠨᠡ ᠴᠡᠨᠡᠲᠡᠢ ᠠᠭᠤᠯᠭᠠᠨᠤᠭᠤᠳᠤᠨ ᠬᠢᠨᠢ ᠨᠢᠭᠡ ᠪᠣᠯᠤᠨᠠ᠃ ᠪᠦᠬᠦ ᠲᠡᠭᠷᠢᠶᠢᠨ ᠣᠳᠤᠳᠤᠨ ᠵᠢᠷᠤᠭᠢ ᠰᠢᠷᠠ ᠵᠠᠮᠢᠶᠠᠷ ᠵᠠᠭᠠᠭ ᠪᠣᠯᠭᠠᠨ ᠡᠮᠦᠨᠡᠲᠦ ᠤᠮᠠᠷᠠᠳᠤ ᠬᠣᠶᠠᠷ ᠬᠠᠭᠠᠰ ᠪᠥᠮᠪᠦᠷᠴᠡᠭᠲᠦ ᠬᠤᠪᠢᠶᠠᠨ ᠵᠢᠷᠤᠵᠠᠢ᠃ ᠡᠨᠡ ᠰᠢᠷᠠ ᠵᠠᠮᠤᠨ ᠪᠠᠢᠷᠢᠰᠢᠯᠤᠨ ᠰᠢᠰᠲᠧᠮ ᠪᠣᠯᠬᠤᠨᠢ ᠢᠯᠡᠬᠡᠨ ᠪᠤᠢ᠃ ᠡᠭᠦᠨᠦ ᠬᠠᠮᠲᠤ᠂ ᠵᠢᠷᠤᠭ ᠪᠦᠷᠢ ᠳᠡᠭᠡᠷᠡᠨᠢ ᠪᠠᠰᠠ ᠤᠯᠠᠭᠠᠨ ᠤᠷᠲᠤᠷᠢᠭ ᠪᠠ ᠤᠯᠠᠭᠠᠨ ᠲᠤᠢᠯ ᠵᠢᠷᠤᠭᠳᠠᠭᠰᠠᠨ ᠪᠠᠢᠨᠠ᠃ ᠡᠨᠡᠴᠦ ᠰᠢᠨᠡ ᠣᠨᠴᠠᠯᠢᠭ ᠪᠣᠯᠤᠨᠠ᠃
ᠮᠣᠩᠭᠤᠯ ᠦᠨᠳᠦᠰᠦᠲᠡᠨ ᠡᠮ ᠡᠮᠨᠡᠯᠭᠡᠶᠢᠨ ᠲᠠᠯᠠᠪᠠᠷ ᠮᠠᠰᠢ ᠣᠯᠠᠨ ᠬᠤᠪᠢ ᠨᠠᠮᠠᠢ ᠣᠷᠤᠭᠤᠯᠵᠠᠢ᠃ ᠲᠡᠳᠡ᠂ ᠲᠤᠰ ᠦᠨᠳᠦᠰᠦᠲᠡᠨᠦᠪᠡᠨ ᠠᠮᠢᠳᠤᠷᠠᠯᠤᠨ ᠣᠨᠴᠠᠯᠢᠭᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠴᠥᠭᠡᠨ ᠪᠤᠰᠤ ᠡᠭᠦᠳᠦᠯᠲᠡ ᠬᠢᠭᠰᠡᠨᠶᠦᠮ᠃ ᠲᠡᠭᠦᠨᠦ ᠳᠣᠲᠤᠷᠠ ᠭᠠᠳᠠᠷ ᠡᠮᠨᠡᠯᠭᠡ ᠪᠠ ᠶᠠᠰᠤᠨᠤ ᠡᠮᠨᠡᠯᠭᠡᠶᠢᠨ ᠲᠠᠯᠠᠪᠠᠷᠬᠢ ᠪᠦᠲᠦᠭᠡᠯᠨᠢ ᠭᠣᠣᠯ ᠪᠣᠯᠵᠤ ᠪᠠᠢᠨᠠ᠃ ᠮᠣᠩᠭᠤᠯᠴᠤᠳ᠂ ᠠᠯᠢ ᠬᠡᠳᠦᠢᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨᠤ ᠳᠡᠭᠡᠳᠦ ᠬᠠᠭᠠᠰᠲᠤ᠂ ᠭᠠᠳᠠᠷ ᠰᠢᠷᠬᠠᠠᠴᠠ ᠪᠣᠯᠵᠤ ᠤᠬᠠᠭᠠᠨ ᠠᠯᠳᠠᠭᠰᠠᠨ ᠬᠥᠮᠦᠨᠢ ᠲᠡᠮᠡᠭᠡ ᠵᠡᠷᠭᠡ ᠪᠣᠳᠠ ᠮᠠᠯᠤᠨ ᠬᠡᠪᠡᠯᠢᠳᠦ ᠬᠢᠵᠦ ᠲᠦᠷᠭᠡᠨ ᠠᠪᠤᠷᠠᠬᠤ ᠠᠷᠭᠠᠶᠢ ᠬᠡᠷᠡᠭᠯᠡᠵᠦ ᠪᠠᠢᠭᠰᠠᠨ ᠪᠥᠭᠡᠳ ᠡᠨᠡᠨᠢ ᠬᠣᠵᠢᠮ ᠤᠷᠲᠤ ᠤᠳᠠᠭᠠᠨ ᠤᠯᠠᠮᠵᠢᠯᠠᠭᠳᠠᠵᠠᠢ᠃ 17 ᠳ᠋ᠤᠭᠠᠷ ᠵᠠᠭᠤᠨᠤ ᠠᠯᠳᠠᠷᠲᠤ ᠮᠣᠩᠭᠤᠯ ᠡᠮᠴᠢ ᠮᠡᠷᠭᠡᠨ ᠭᠠᠳᠠᠷ ᠡᠮᠨᠡᠯᠭᠡᠳᠦ ᠣᠨᠴᠠ ᠭᠠᠷᠮᠠᠭᠠᠢ ᠪᠠᠢᠭᠰᠠᠨᠶᠤᠮ᠃ ᠠᠲᠤᠭᠠᠷ ᠲᠠᠬᠢᠷ ᠪᠣᠯᠤᠭᠰᠠᠨ ᠭᠡᠮᠢ ᠵᠠᠰᠠᠬᠤᠳᠠᠭᠠᠨ ᠡᠨᠡ ᠡᠮᠴᠢ ᠤᠷᠢᠳᠠᠪᠠᠷ ᠬᠠᠯᠠᠭᠤᠨ ᠤᠰᠤᠨ ᠠᠭᠤᠷᠢᠶᠠᠷ ᠵᠢᠩ ᠪᠠᠷᠢᠵᠤ ᠳᠠᠷᠠᠭᠠᠨᠢ ᠭᠡᠮᠲᠦᠭᠰᠡᠨ ᠭᠠᠵᠠᠷᠢ ᠵᠢᠵᠢᠭ ᠠᠯᠤᠬᠠᠪᠠᠷ ᠲᠣᠭᠰᠢᠬᠤᠶᠢᠨ ᠬᠠᠮᠲᠤ᠂ ᠱᠠᠷᠴᠢᠭᠢᠨᠠᠬᠤ ᠳᠠᠭᠤ ᠭᠠᠷᠳᠠᠯᠠ ᠪᠠᠷᠢᠵᠤ ᠥᠭᠬᠦ ᠠᠷᠭᠠᠶᠢ ᠬᠡᠷᠡᠭᠯᠡᠨ᠂ ᠡᠳᠡᠭᠡᠭᠡᠴᠢᠬᠡᠳᠡᠭ ᠪᠠᠢᠵᠠᠢ᠃ ᠮᠡᠷᠭᠡᠨ ᠡᠮᠨᠡᠯᠭᠡᠶᠢᠨ ᠮᠡᠷᠭᠡᠵᠢᠯᠢᠶᠡᠷ ᠮᠠᠰᠢ ᠥᠨᠳᠦᠷ ᠪᠠᠢᠭᠰᠠᠨᠢᠶᠠᠷᠢᠶᠠᠨ 《ᠴᠣᠷᠵᠢ》 (ᠠᠯᠳᠠᠷᠲᠤ ᠡᠷᠳᠡᠮᠲᠡᠨ ᠭᠡᠰᠡᠨ ᠤᠳᠭᠠᠲᠠᠢ) ᠴᠣᠯᠠ ᠣᠯᠵᠠᠢ᠃ ᠡᠯᠡ ᠦᠨᠳᠦᠰᠦᠲᠡᠨᠦ ᠣᠯᠠᠨ ᠲᠦᠮᠡᠨ ᠪᠠᠰᠠ ᠲᠡᠭᠦᠨᠢ 《ᠪᠤᠷᠬᠠᠨ ᠡᠮᠴᠢ ᠬᠤᠸᠠ ᠲᠦᠸᠧ》 ᠬᠡᠮᠡᠨ ᠮᠠᠭᠲᠠᠵᠠᠭᠠᠵᠤ ᠪᠠᠢᠵᠠᠢ᠃ ᠴᠢᠩ ᠤᠯᠤᠰᠤᠨ ᠦᠶᠡᠶᠢᠨ ᠵᠠᠷᠢᠮ ᠮᠣᠩᠭᠤᠯ ᠡᠮᠴᠢ ᠴᠢᠮᠦᠭᠡᠨ ᠶᠠᠰᠤᠨᠤ ᠪᠡᠷᠳᠡᠯᠢ ᠵᠠᠰᠠᠬᠤᠳᠠᠭᠠᠨ ᠮᠥᠰᠦᠪᠡᠷ ᠮᠢᠨᠴᠦᠷᠡᠭᠦᠯᠬᠦ ᠠᠷᠭᠠᠶᠢ ᠬᠡᠷᠡᠭᠯᠡᠭᠰᠡᠨᠨᠢ ᠮᠠᠨᠤ ᠤᠯᠤᠰᠤᠨ ᠡᠮᠨᠡᠯᠭᠡᠶᠢᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠪᠠᠰᠠᠴᠤ ᠨᠢᠭᠡᠨ ᠴᠢᠬᠤᠯᠠ ᠪᠦᠲᠦᠭᠡᠯ ᠪᠣᠯᠤᠨᠠ᠃
ᠮᠣᠩᠭᠤᠯ ᠬᠡᠯᠡᠪᠡᠷ ᠬᠡᠪᠯᠡᠭᠳᠡᠭᠰᠡᠨ ᠡᠮᠨᠡᠯᠭᠡᠶᠢᠨ ᠨᠣᠮ ᠮᠠᠰᠢ ᠠᠷᠪᠢᠨ ᠪᠠᠢᠳᠠᠭ᠃ ᠥᠨᠥ ᠪᠢᠳᠡᠨᠦ ᠮᠡᠳᠡᠵᠦ ᠪᠠᠢᠬᠤᠪᠠᠷ ᠬᠡᠳᠦᠨ ᠠᠷᠪᠠᠨ ᠵᠦᠢᠯ ᠪᠠᠢᠨᠠ᠃ ᠡᠳᠡᠭᠡᠷᠦᠨ ᠳᠣᠲᠤᠷᠠ 《ᠠᠨᠠᠭᠠᠬᠤ ᠤᠬᠠᠭᠠᠨᠤ ᠪᠦᠷᠢᠨ ᠪᠢᠴᠢᠭ》᠂ 《ᠡᠮᠦᠨ ᠵᠣᠷ》᠂ 《ᠰᠤᠳᠠᠯ ᠪᠠᠷᠢᠬᠤ》 ᠵᠡᠷᠭᠡᠨᠢ ᠮᠠᠰᠢ ᠠᠯᠳᠠᠷᠲᠠᠢ ᠪᠦᠲᠦᠭᠡᠯᠦᠳ ᠪᠣᠯᠤᠨᠠ᠃ ᠡᠳᠡᠭᠡᠷᠨᠢ ᠮᠣᠩᠭᠤᠯ ᠡᠮ ᠡᠮᠨᠡᠯᠭᠡᠶᠢᠨ ᠲᠤᠷᠰᠢᠯᠭᠠᠶᠢᠨ ᠳ᠋ᠦᠩᠨᠡᠯᠲᠡ ᠪᠠ ᠣᠨᠤᠯᠤᠨ ᠰᠤᠳᠤᠯᠤᠯ ᠪᠣᠯᠬᠤ ᠪᠥᠭᠡᠳ ᠮᠠᠨᠤ ᠤᠯᠤᠰᠤᠨ ᠡᠷᠲᠡᠨᠦ ᠡᠮ ᠡᠮᠨᠡᠯᠭᠡᠶᠢᠨ ᠨᠣᠮ ᠪᠢᠴᠢᠭᠦᠳᠦᠨ ᠳᠣᠲᠤᠷᠠᠬᠢ ᠴᠢᠬᠤᠯᠠ ᠪᠦᠷᠢᠯᠳᠦᠬᠦᠨᠨᠢ ᠪᠣᠯᠵᠤ ᠪᠠᠢᠨᠠ᠃ ᠮᠣᠩᠭᠤᠯᠴᠤᠳ ᠪᠠᠰᠠ ᠠᠬᠠ ᠳᠡᠭᠦᠦ ᠦᠨᠳᠦᠰᠦᠲᠡᠨ ᠨᠤᠭᠦᠳᠦᠨᠢᠶᠡᠨ ᠡᠮ ᠡᠮᠨᠡᠯᠭᠡᠶᠢᠨ ᠲᠠᠯᠠᠶᠢᠨ ᠪᠦᠲᠦᠭᠡᠯᠢ ᠰᠤᠷᠴᠤ ᠠᠪᠬᠤᠶᠢ ᠬᠢᠴᠢᠶᠡᠵᠦ 《ᠮᠣᠩᠭᠤᠯ ᠲᠥᠪᠡᠳᠢ ᠬᠠᠷᠢᠴᠠᠭᠤᠯᠤᠭᠰᠠᠨ ᠠᠨᠠᠭᠠᠬᠤ ᠤᠬᠠᠭᠠᠨ》ᠢ ᠨᠠᠢᠷᠠᠭᠤᠯᠵᠤ ᠭᠠᠷᠭᠠᠭᠰᠠᠨ ᠪᠥᠭᠡᠳ ᠲᠥᠪᠡᠳ ᠡᠮᠨᠡᠯᠭᠡᠶᠢᠨ ᠠᠯᠳᠠᠷᠲᠤ ᠪᠦᠲᠦᠭᠡᠯ 《ᠠᠨᠠᠭᠠᠬᠤ ᠤᠬᠠᠭᠠᠨᠤ ᠳᠥᠷᠪᠡᠨ ᠦᠨᠳᠦᠰᠦ》 ᠪᠠ ᠬᠢᠲᠠᠳ ᠦᠨᠳᠦᠰᠦᠲᠡᠨᠦ ᠯᠢ ᠱᠢ ᠵᠧᠨᠦ ᠠᠯᠳᠠᠷᠲᠤ ᠪᠦᠲᠦᠭᠡᠯ 《ᠬᠢᠲᠠᠳ ᠡᠮᠦᠨ ᠲᠣᠪᠴᠢᠶᠠ》ᠶᠢ ᠤᠷᠢᠳ ᠬᠣᠵᠢᠳ ᠮᠣᠩᠭᠤᠯ ᠬᠡᠯᠡᠨ ᠳᠡᠭᠡᠷᠡ ᠣᠷᠴᠢᠭᠤᠯᠵᠤ ᠭᠠᠷᠭᠠᠵᠠᠢ᠃ ᠮᠣᠩᠭᠤᠯᠴᠤᠳ ᠮᠠᠯ ᠡᠮᠨᠡᠯᠭᠡᠳᠦ ᠨᠡᠩᠴᠦ ᠳᠡᠮᠲᠡᠢ᠃ ᠡᠮᠨᠡᠬᠦ ᠪᠠ ᠵᠠᠰᠠᠬᠤ ᠲᠠᠯᠠᠪᠠᠷ ᠬᠢ ᠮᠡᠷᠭᠡᠵᠢᠯᠢᠶᠡᠷ ᠮᠠᠰᠢ ᠥᠨᠳᠦᠷ ᠲᠤᠯᠠ ᠡᠮᠨᠡᠵᠦ ᠲᠤᠰᠠᠯᠠᠬᠤᠳᠤ ᠶᠡᠬᠡ ᠰᠠᠢᠨ ᠪᠠᠢᠵᠠᠢ᠃
ᠮᠧᠬᠠᠨᠢᠭ ᠲᠣᠨᠤᠭ ᠦᠢᠯᠡᠳᠬᠦ ᠲᠠᠯᠠᠪᠠᠷ ᠮᠣᠩᠭᠤᠯᠴᠤᠳ ᠪᠠᠰᠠ ᠪᠦᠲᠦᠭᠡᠯᠦᠳᠲᠡᠢ᠃ ᠴᠢᠩᠭᠢᠰ ᠬᠠᠭᠠᠨᠤ ᠦᠶᠡᠳᠦ᠂ ᠮᠣᠩᠭᠤᠯ ᠳᠠᠷᠬᠠᠴᠤᠳᠤᠨ ᠬᠢᠭᠰᠡᠨ ᠨᠤᠮᠤ ᠰᠤᠮᠤ ᠪᠡᠬᠢ ᠨᠠᠷᠢᠯᠢᠭ ᠪᠠᠢᠵᠠᠢ᠃ ᠶᠤᠸᠠᠨ ᠤᠯᠤᠰᠤᠨ ᠱ᠌ᠢᠽᠦ ᠬᠠᠭᠠᠨᠤ ᠦᠶᠡᠶᠢᠨ ᠨᠠᠮᠬᠠᠢ ᠭᠡᠳᠡᠭ ᠮᠣᠩᠭᠤᠯ ᠨᠣᠶᠠᠨ ᠣᠳᠤᠨ ᠣᠷᠤᠨᠤ ᠰᠢᠨᠵᠢᠯᠡᠭᠡᠨᠦ ᠬᠡᠳᠦ ᠬᠡᠳᠦᠨ ᠪᠠᠭᠠᠵᠢᠶᠢ ᠦᠢᠯᠡᠳᠬᠦᠳᠦ ᠣᠷᠤᠯᠴᠠᠵᠠᠢ᠃ ᠶᠤᠸᠠᠨ ᠤᠯᠤᠰᠤᠨ ᠱᠦᠨ ᠳ᠋ᠢ ᠬᠠᠭᠠᠨ ᠲᠣᠭᠤᠨᠲᠡᠮᠦᠷ ᠪᠠᠰᠠ ᠮᠧᠬᠠᠨᠢᠭ ᠲᠣᠨᠤᠭ ᠦᠢᠯᠡᠳᠬᠦ ᠮᠡᠳᠡᠯᠭᠡᠲᠡᠢ ᠬᠥᠮᠦᠨ ᠪᠠᠢᠭᠰᠠᠨᠶᠤᠮ᠃ ᠲᠡᠭᠦᠨᠦ ᠲᠥᠯᠦᠪᠯᠡᠨ ᠵᠣᠬᠢᠶᠠᠭᠰᠠᠨ 《ᠭᠣᠭᠤᠵᠢᠭᠤᠷ ᠴᠠᠭ》ᠨᠢ ᠵᠢᠷᠭᠤᠭᠠ ᠳᠣᠯᠤᠭᠠᠨ ᠲᠣᠬᠤᠢ ᠥᠨᠳᠦᠷ ᠪᠠᠢᠳᠠᠭ᠂ ᠳᠠᠭᠠᠯᠳᠤᠪᠤᠷᠢ ᠲᠥᠬᠦᠭᠡᠷᠦᠮᠵᠢᠨᠢ 《ᠴᠠᠭ ᠮᠥᠴᠡᠶᠢᠨ ᠬᠥᠪᠦᠭᠦᠷ》 - 《ᠬᠠᠰ ᠥᠬᠢᠨ》ᠢ ᠴᠠᠭ ᠲᠤᠬᠠᠢᠳᠤᠨᠢ ᠬᠥᠪᠦᠭᠦᠯᠦᠨ ᠭᠠᠷᠭᠠᠵᠤ ᠴᠢᠳᠠᠳᠠᠭ ᠪᠠᠢᠭᠰᠠᠨ᠃ ᠡᠭᠦᠨᠡᠴᠡ ᠭᠠᠳᠠᠨᠠ ᠪᠠᠰᠠ ᠬᠥᠭᠦᠷᠭᠡᠶᠢᠨ ᠳᠣᠬᠢᠭᠤᠷ ᠵᠡᠷᠭᠡ ᠴᠠᠭᠤᠨ ᠳᠣᠬᠢᠶᠠᠨᠤ ᠲᠥᠬᠦᠭᠡᠷᠦᠮᠵᠢ ᠪᠠᠢᠭᠰᠠᠨᠶᠤᠮ᠃ ᠡᠳᠡᠭᠡᠷᠨᠢ ᠴᠥᠮ ᠳᠡᠭᠡᠷᠡ ᠦᠶᠡᠶᠢᠨᠢᠶᠡᠨ ᠣᠳᠤᠨ ᠣᠷᠤᠨᠤ ᠰᠢᠨᠵᠢᠯᠡᠭᠡᠨᠦ ᠪᠠᠭᠠᠵᠢᠨᠤᠭᠤᠳᠤᠨ ᠰᠠᠭᠤᠷᠢ ᠳᠡᠭᠡᠷᠡ ᠵᠣᠬᠢᠶᠠᠭᠳᠠᠭᠰᠠᠨ ᠴᠠᠭᠤᠨ ᠳᠣᠬᠢᠶᠠᠨᠤ ᠠᠦ᠋ᠲ᠋ᠣ᠋ ᠲᠥᠬᠦᠭᠡᠷᠦᠮᠵᠢ ᠨᠤᠭᠦᠳᠶᠦᠮ᠃
ᠮᠣᠩᠭᠤᠯᠴᠤᠳ ᠪᠤᠰᠤᠳ ᠲᠠᠯᠠᠪᠠᠷ ᠪᠠᠰᠠ ᠣᠯᠠᠨ ᠰᠤᠳᠤᠯᠤᠯᠲᠠ ᠬᠢᠵᠦ᠂ ᠴᠥᠭᠡᠨ ᠪᠤᠰᠤ ᠪᠦᠲᠦᠭᠡᠯ ᠭᠠᠷᠭᠠᠵᠠᠢ᠃ ᠵᠢᠱ᠌ᠢᠶᠠᠯᠠᠪᠠᠯ᠂ ᠦᠵᠦᠮᠦᠨ ᠠᠷᠢᠬᠢ ᠨᠡᠷᠡᠬᠦ ᠮᠡᠷᠭᠡᠵᠢᠯᠢ ᠵᠦᠩᠶᠤᠸᠠᠨ ᠣᠷᠤᠨᠳᠤ ᠳᠡᠯᠭᠡᠷᠡᠭᠦᠯᠵᠡᠢ᠃ ᠠᠯᠳᠠᠷᠲᠤ ᠤᠷᠠᠨ ᠵᠣᠬᠢᠶᠠᠯᠴᠢ ᠫᠦ ᠰᠦᠩ ᠯᠢᠩ ᠲᠠᠷᠢᠶᠠᠯᠠᠩᠤᠨ ᠤᠯᠠᠷᠢᠯᠤᠨ ᠲᠤᠬᠠᠢ ᠵᠣᠬᠢᠶᠠᠯᠢ ᠵᠣᠬᠢᠶᠠᠭᠰᠠᠨ ᠪᠠᠢᠨᠠ᠃ ᠪᠠᠰᠠ ᠵᠢᠱ᠌ᠢᠶᠠᠯᠠᠪᠠᠯ ᠭᠡᠷ ᠪᠠᠷᠢᠯᠭᠠ᠂ ᠤᠰᠤᠨ ᠠᠰᠢᠭᠯᠠᠯᠲᠠ᠂ ᠨᠣᠣᠰᠤᠨ ᠨᠡᠬᠡᠮᠡᠯᠦᠨ ᠮᠡᠷᠭᠡᠵᠢᠯ ᠵᠡᠷᠭᠡ ᠲᠠᠯᠠᠪᠠᠷ ᠮᠣᠩᠭᠤᠯᠴᠤᠳ ᠴᠥᠮ ᠬᠤᠪᠢ ᠨᠡᠮᠡᠷᠢᠪᠡᠨ ᠣᠷᠤᠭᠤᠯᠤᠭᠰᠠᠨᠶᠤᠮ᠃