| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠡᠬᠡ ᠭᠤᠳᠤᠮᠵᠢᠨᠳᠤ ᠭᠠᠷᠲᠠᠯᠠ ᠬᠦᠢᠲᠡᠨ ᠵᠢᠪᠠᠷ ᠪᠡᠶᠡᠶᠢᠨᠢ ᠴᠢᠩᠭᠠ ᠲᠡᠪᠡᠷᠢᠨ ᠣᠷᠢᠶᠠᠵᠤ ᠬᠣᠭᠤᠯᠠᠢᠳᠤᠨᠢ ᠨᠡᠪᠲᠡᠷᠡᠨ ᠬᠠᠮᠠᠷᠢ ᠬᠠᠭᠠᠷᠢᠵᠤ ᠳᠣᠲᠤᠷ ᠠᠮᠢᠰᠭᠤᠯᠢ ᠲᠦᠷ ᠵᠠᠭᠤᠷᠠ ᠪᠥᠭᠯᠡᠯᠡ᠃ ᠡᠬᠡ ᠵᠣᠭᠰᠤᠨ ᠡᠰᠢ ᠲᠡᠰᠢᠪᠡᠨ ᠬᠠᠷᠠᠪᠠᠯ: ᠡᠮᠦᠨᠡᠬᠢ ᠭᠤᠳᠤᠮᠵᠢᠨ ᠪᠤᠯᠤᠩ ᠳᠡᠭᠡᠷᠡ ᠨᠢᠭᠡᠨ ᠰᠡᠭᠰᠡᠭᠡᠷ ᠮᠠᠯᠠᠭᠠᠢᠲᠠᠢ ᠬᠥᠯᠦᠰᠦᠨᠦ ᠲᠡᠷᠭᠡᠴᠢ ᠵᠣᠭᠰᠤᠨ᠂ ᠠᠯᠤᠰᠲᠤ ᠨᠢᠭᠡᠨ ᠠᠲᠤᠷᠢᠵᠤ ᠪᠥᠭᠲᠦᠢᠭᠰᠡᠨ ᠬᠥᠮᠦᠨ ᠠᠯᠬᠤᠯᠠᠬᠤ ᠪᠥᠭᠡᠳ ᠲᠡᠭᠦᠨᠦ ᠡᠮᠦᠨᠡ ᠨᠢᠭᠡᠨ ᠴᠡᠷᠢᠭ ᠴᠢᠬᠢᠪᠡᠨ ᠨᠤᠬᠤᠯᠠᠨ ᠭᠦᠶᠦᠨ ᠬᠠᠷᠠᠢᠨᠠ᠃
《ᠡᠨᠡ ᠴᠡᠷᠢᠭᠢ ᠪᠠᠷᠤᠭ ᠳᠡᠯᠭᠡᠭᠦᠷᠲᠦ ᠲᠣᠮᠢᠯᠠᠨ ᠢᠷᠡᠭᠦᠯᠦᠭᠰᠡᠨ ᠪᠠᠢᠬᠤ ᠳ᠋ᠠ !》 ᠭᠡᠵᠦ ᠡᠬᠡ ᠪᠣᠳᠤᠭᠠᠳ ᠬᠥᠯᠦᠨ ᠳᠣᠣᠷᠠ ᠰᠠᠶᠢᠬᠠᠨ ᠣᠷᠤᠭᠰᠠᠨ ᠴᠠᠰᠤ ᠠᠶᠠᠯᠭᠤᠲᠠᠢᠪᠠᠷ ᠱᠠᠵᠢᠭᠢᠨᠠᠬᠤᠶᠢ ᠳᠤᠷᠠᠲᠠᠢᠪᠠᠷ ᠴᠢᠩᠨᠠᠨ ᠴᠢᠨᠠᠭᠰᠢᠪᠠᠨ ᠣᠳᠤᠯᠠ᠃ ᠭᠠᠯ ᠲᠡᠷᠭᠡᠨᠦ ᠥᠷᠲᠡᠭᠡᠳᠦ ᠡᠬᠡ ᠡᠷᠲᠡ ᠬᠦᠷᠴᠡᠢ᠃ ᠡᠬᠡᠶᠢᠨ ᠰᠠᠭᠤᠬᠤ ᠭᠠᠯ ᠲᠡᠷᠭᠡᠨᠢ ᠶᠠᠪᠤᠬᠤ ᠪᠣᠯᠤᠭᠠᠦᠭᠡᠢ ᠪᠠᠢᠭᠰᠠᠨᠴᠤ ᠠᠭᠤᠷ ᠤᠲᠤᠭᠠᠳᠤ ᠤᠲᠤᠭᠠᠲᠤᠭᠳᠠᠵᠤ ᠲᠣᠭᠤᠰᠤ ᠲᠣᠷᠲᠤᠭ ᠪᠣᠯᠤᠭᠰᠠᠨ ᠭᠤᠷᠪᠠᠳᠤᠭᠠᠷ ᠳᠡᠰᠦᠨ ᠲᠡᠷᠭᠡ ᠬᠦᠯᠢᠶᠡᠬᠦ ᠭᠡᠷᠲᠦ ᠣᠯᠠᠨ ᠬᠥᠮᠦᠨ ᠴᠢᠬᠢᠯᠳᠦᠨᠡ᠃ ᠲᠡᠮᠦᠷ ᠵᠠᠮᠤᠨ ᠠᠵᠢᠯᠴᠢᠳ ᠬᠦᠢᠲᠡᠨᠡᠴᠡ ᠵᠠᠢᠯᠠᠨ ᠡᠨᠳᠡ ᠢᠷᠡᠵᠦ ᠬᠥᠯᠦᠰᠦᠨᠦ ᠲᠡᠷᠭᠡᠴᠢᠨ ᠪᠠ ᠮᠠᠭᠤ ᠬᠤᠪᠴᠠᠰᠤᠲᠠᠢ ᠲᠡᠨᠦᠭᠦᠯᠴᠢᠨᠡᠷᠴᠦ ᠳᠤᠯᠠᠭᠠᠴᠠᠬᠤᠪᠠᠷ ᠢᠷᠡᠵᠡᠢ᠃ ᠪᠠᠰᠠ ᠵᠠᠷᠢᠮ ᠠᠶᠠᠨᠴᠢᠳ᠂ ᠬᠡᠳᠦᠨ ᠲᠠᠷᠢᠶᠠᠴᠢᠳ᠂ ᠡᠯᠪᠡᠩᠭᠦᠨ ᠰᠢᠨᠧᠯᠲᠡᠢ ᠲᠠᠷᠭᠤᠨ ᠬᠤᠳᠠᠯᠳᠤᠭᠠᠴᠢᠨ᠂ ᠴᠣᠬᠤᠷ ᠥᠬᠢᠨᠢᠶᠡᠨ ᠳᠠᠭᠠᠭᠤᠯᠤᠭᠰᠠᠨ ᠬᠠᠷᠠ ᠯᠠᠮᠠᠲᠠᠨ᠂ ᠳᠥᠷᠪᠡ ᠲᠠᠪᠤᠨ ᠴᠡᠷᠢᠭ᠂ ᠪᠤᠵᠢᠭᠢᠨᠠᠯᠳᠤᠨ ᠦᠢᠮᠡᠯᠳᠦᠭᠰᠡᠨ ᠬᠣᠲᠠᠶᠢᠨ ᠪᠣᠷᠤᠴᠤᠤᠯ ᠪᠠᠢᠨᠠ᠃ ᠡᠨᠡ ᠬᠥᠮᠦᠰ ᠲᠠᠮᠠᠬᠢ ᠲᠠᠲᠠᠨ᠂ ᠡᠯᠳᠡᠪ ᠬᠣᠶᠠᠷᠢ ᠶᠠᠷᠢᠯᠴᠠᠨ᠂ ᠴᠠᠢ ᠠᠷᠢᠬᠢ ᠤᠤᠭᠤᠵᠠᠭᠠᠨᠠ᠂ ᠵᠢᠵᠢᠭ ᠬᠣᠭᠤᠯᠠᠨ ᠭᠡᠷᠦᠨ ᠡᠭᠦᠳᠡᠨᠳᠦ ᠨᠢᠭᠡ ᠬᠥᠮᠦᠨ ᠲᠠᠴᠢᠭᠢᠨᠠᠨ ᠢᠨᠢᠶᠡᠬᠦ ᠪᠥᠭᠡᠳ ᠬᠥᠮᠦᠰᠦᠨ ᠲᠣᠯᠤᠭᠠᠢ ᠳᠡᠭᠡᠭᠦᠷ ᠤᠲᠤᠭᠠ ᠤᠨᠢᠶᠠᠷᠲᠤᠨ ᠮᠠᠨᠠᠷᠠᠨᠠ᠃ ᠲᠡᠷᠭᠡ ᠬᠦᠯᠢᠶᠡᠬᠦ ᠭᠡᠷᠦᠨ ᠡᠭᠦᠳᠡ ᠨᠡᠭᠡᠭᠡᠭᠳᠡᠬᠦᠳᠡᠭᠡᠨ ᠬᠢᠬᠤᠨᠠᠨ ᠳᠤᠤᠭᠠᠷᠴᠤ ᠴᠢᠩᠭᠠ ᠬᠠᠭᠠᠬᠤᠳᠤ ᠰᠢᠯ ᠳᠣᠷᠭᠢᠭᠠᠳ ᠲᠠᠷ ᠲᠠᠷ ᠲᠠᠷᠴᠢᠭᠢᠨᠠᠨᠠ᠃ ᠲᠠᠮᠠᠬᠢ ᠪᠣᠯᠤᠨ ᠳᠠᠪᠤᠰᠤᠯᠠᠭᠰᠠᠨ ᠵᠢᠭᠠᠰᠤᠨᠤ ᠦᠮᠡᠬᠡᠢ ᠦᠨᠦᠷ ᠬᠠᠮᠠᠷ ᠤᠷᠤᠭᠤ ᠴᠣᠷᠭᠢᠨᠠ᠃
ᠡᠬᠡ ᠡᠭᠦᠳᠡᠨᠳᠦ ᠦᠵᠡᠭᠳᠡᠬᠦᠢᠴᠡ ᠭᠠᠵᠠᠷ ᠰᠠᠭᠤᠵᠤ ᠬᠦᠯᠢᠶᠡᠯᠡ᠃ ᠬᠠᠭᠠᠯᠭᠠ ᠣᠩᠭᠤᠢᠬᠤᠳᠤ ᠶᠠᠰᠤ ᠶᠠᠩᠭᠢᠨᠠᠮᠠ ᠬᠦᠢᠲᠡᠨ ᠵᠢᠪᠠᠷ ᠨᠢᠭᠤᠷ ᠥᠭᠡᠳᠡ ᠰᠡᠷᠴᠢᠭᠢᠨᠡᠬᠦᠨᠢ ᠠᠶᠠᠲᠠᠢᠬᠠᠨ ᠰᠠᠨᠠᠭᠳᠠᠵᠤ ᠬᠦᠢᠲᠡᠨ ᠠᠮᠢᠰᠭᠤᠯᠢ ᠭᠦᠨ ᠠᠮᠢᠰᠭᠤᠯᠯᠠᠨᠠ᠃ ᠭᠠᠷᠲᠠᠭᠠᠨ ᠪᠣᠭᠤᠳᠠᠯᠲᠠᠢ ᠶᠠᠭᠤᠮᠠ ᠪᠠᠷᠢᠭᠰᠠᠨ ᠵᠤᠵᠠᠭᠠᠨ ᠬᠤᠪᠴᠠᠰᠤᠲᠠᠢ ᠬᠥᠮᠦᠰ ᠣᠷᠤᠵᠤ ᠢᠷᠡᠭᠡᠳ ᠡᠭᠦᠳᠡ ᠪᠥᠭᠯᠡᠨ ᠨᠡᠪᠰᠡᠢᠨ ᠵᠣᠭᠰᠤᠵᠤ ᠬᠠᠷᠢᠶᠠᠯ ᠲᠠᠯᠪᠢᠬᠤ ᠪᠥᠭᠡᠳ ᠶᠠᠭᠤᠮᠠᠪᠠᠨ ᠱᠠᠯᠠ ᠪᠤᠶᠤ ᠰᠠᠨᠳᠠᠯᠢ ᠳᠡᠭᠡᠷᠡ ᠬᠠᠶᠠᠭᠠᠳ ᠳ᠋ᠠᠴᠠᠩᠤᠨᠢᠶᠠᠨ ᠵᠠᠭᠠᠮᠠ᠂ ᠬᠠᠨᠴᠤᠢ ᠳᠡᠭᠡᠷᠡᠬᠢ ᠬᠠᠭᠤᠷᠠᠢ ᠴᠠᠩᠢ ᠰᠡᠭᠰᠦᠷᠦᠨ ᠰᠠᠬᠠᠯᠤᠨᠢᠶᠠᠨ ᠴᠠᠩᠢ ᠤᠨᠠᠭᠠᠵᠤ ᠬᠣᠭᠤᠯᠠᠢᠪᠠᠨ ᠵᠠᠰᠠᠨ ᠬᠠᠨᠢᠶᠠᠯᠭᠠᠨᠠ᠃
ᠭᠠᠷᠲᠠᠭᠠᠨ ᠰᠢᠷᠠ ᠬᠠᠢᠷᠴᠠᠭ ᠳᠡᠭᠦᠵᠢᠯᠡᠭᠰᠡᠨ ᠨᠢᠭᠡᠨ ᠵᠠᠯᠠᠭᠤ ᠣᠷᠤᠵᠤ ᠢᠷᠡᠨ ᠡᠰᠢ ᠲᠡᠰᠢ ᠰᠢᠷᠪᠢᠵᠦ ᠠᠪᠤᠭᠰᠠᠨᠢᠶᠠᠨ ᠡᠬᠡ ᠤᠷᠤᠭᠤ ᠰᠢᠭᠤᠳ ᠣᠴᠢᠨ:
《ᠮᠤᠰᠺᠸᠠ ᠣᠷᠤᠬᠤᠤᠤ?》 ᠭᠡᠵᠦ ᠨᠠᠮ ᠳᠠᠭᠤᠨᠢᠶᠠᠷ ᠠᠰᠠᠭᠤᠪᠠ᠃
《ᠲᠡᠭᠡᠨᠡ᠂ ᠲᠠᠨᠶᠠ ᠳᠡᠭᠡᠷᠡ ᠣᠴᠢᠨᠠ》 ᠭᠡᠬᠦᠳᠦ᠂
《ᠮᠥᠨ》 ᠭᠡᠳ ᠲᠡᠷᠡ ᠬᠠᠢᠷᠴᠠᠭᠢᠶᠠᠨ ᠡᠬᠡᠶᠢᠨ ᠬᠠᠵᠠᠭᠤᠳᠠᠬᠢ ᠰᠠᠨᠳᠠᠯᠢ ᠳᠡᠭᠡᠷᠡ ᠲᠠᠯᠪᠢᠭᠠᠳ ᠶᠠᠩᠵᠤᠤᠷ ᠲᠠᠮᠠᠬᠢᠪᠠᠨ ᠭᠠᠷᠭᠠᠨ ᠨᠣᠴᠤᠭᠠᠭᠠᠳ ᠮᠠᠯᠠᠭᠠᠢᠪᠠᠨ ᠪᠢᠴᠢᠬᠠᠨ ᠳᠡᠭᠡᠭᠰᠢ ᠪᠣᠯᠭᠠᠭᠠᠳ᠂ ᠳᠤᠪ ᠳᠤᠭᠤᠢᠪᠠᠷ ᠨᠥᠭᠦᠭᠡ ᠲᠠᠯᠠᠠᠴᠠ ᠡᠭᠦᠳᠡ ᠤᠷᠤᠭᠤ ᠶᠠᠪᠤᠯᠠ᠃ ᠡᠬᠡ ᠬᠠᠢᠷᠴᠠᠭᠤᠨ ᠵᠢᠩᠭᠢᠨᠡᠮᠡ ᠬᠦᠢᠲᠡᠨ ᠰᠢᠷᠢᠶᠢ ᠢᠯᠪᠢᠨ ᠳᠡᠭᠡᠷᠡᠡᠴᠡᠨᠢ ᠲᠣᠬᠤᠢᠯᠠᠭᠠᠳ ᠰᠠᠨᠠᠭᠠ ᠠᠮᠠᠷᠠᠭᠰᠠᠨ ᠮᠠᠶᠢᠭᠲᠠᠢ ᠣᠯᠠᠨᠢ ᠬᠠᠷᠠᠪᠠ᠃ ᠲᠡᠭᠡᠭᠡᠳ ᠨᠢᠭᠡ ᠬᠡᠰᠡᠭ ᠰᠠᠭᠤᠭᠰᠠᠨᠢᠶᠠᠨ ᠪᠣᠰᠴᠤ ᠲᠠᠪᠴᠠᠩᠳᠤ ᠨᠡᠪᠲᠡᠷᠡᠬᠦ ᠡᠭᠦᠳᠡᠨᠦ ᠣᠢᠷᠠᠬᠠᠨ ᠪᠠᠢᠭᠠ ᠨᠢᠭᠡᠨ ᠰᠠᠨᠳᠠᠯᠢ ᠤᠷᠤᠭᠤ ᠣᠴᠢᠪᠠ᠃ ᠬᠠᠢᠷᠴᠠᠭ ᠶᠡᠬᠡ ᠪᠢᠰᠢ᠂ ᠠᠪᠴᠤ ᠶᠠᠪᠤᠬᠤᠳᠤ ᠮᠠᠰᠢ ᠬᠥᠩᠭᠡᠨ᠃ ᠡᠬᠡ ᠲᠡᠷᠢᠭᠦᠨ ᠡᠷᠭᠦᠨ ᠠᠯᠬᠤᠯᠠᠵᠤ᠂ ᠡᠮᠦᠨᠡᠭᠦᠷᠨᠢ ᠢᠷᠠᠯᠵᠠᠨ ᠥᠩᠭᠡᠷᠡᠬᠦ ᠬᠥᠮᠦᠰᠦᠨ ᠨᠢᠭᠤᠷ ᠴᠢᠷᠠᠢᠶᠢ ᠠᠵᠢᠭᠯᠠᠨ ᠰᠢᠨᠵᠢᠨᠡ᠃
ᠣᠬᠤᠷ ᠳ᠋ᠠᠴᠠᠩᠤᠨᠢᠶᠠᠨ ᠵᠠᠭᠠᠮᠠᠶᠢ ᠪᠣᠰᠭᠠᠭᠰᠠᠨ ᠨᠢᠭᠡᠨ ᠵᠠᠯᠠᠭᠤ ᠡᠬᠡᠲᠡᠢ ᠮᠥᠷᠭᠦᠯᠳᠦᠭᠡᠳ ᠭᠠᠷᠢᠶᠠᠨ ᠲᠣᠯᠤᠭᠠᠢᠶᠢᠨᠢᠶᠠᠨ ᠳᠡᠷᠭᠡᠳᠡᠭᠦᠷ ᠰᠠᠵᠢᠮᠠᠭᠴᠠ ᠳᠠᠭᠤᠦᠭᠡᠢ ᠬᠠᠵᠠᠭᠤ ᠲᠡᠰᠢᠪᠡᠨ ᠦᠰᠦᠷᠦᠨ ᠵᠠᠢᠯᠠᠪᠠ᠃ ᠡᠨᠡ ᠬᠥᠮᠦᠨᠦ ᠵᠢᠰᠦ ᠡᠬᠡᠳᠦ ᠨᠢᠭᠡᠯᠡ ᠲᠠᠨᠢᠯᠶᠤᠮᠰᠢᠭ᠋ ᠪᠣᠯᠬᠤᠳᠤ ᠡᠷᠭᠢᠵᠦ ᠬᠠᠷᠠᠪᠠᠯ ᠲᠡᠷᠡ᠂ ᠪᠣᠰᠭᠠᠭᠰᠠᠨ ᠵᠠᠭᠠᠮᠠᠶᠢᠨᠢᠶᠠᠨ ᠳᠡᠭᠡᠭᠦᠷ ᠥᠷᠦᠭᠡᠰᠦᠨ ᠴᠠᠢᠪᠠᠩ ᠨᠢᠳᠦᠪᠡᠷ ᠡᠬᠡ ᠤᠷᠤᠭᠤ ᠱᠠᠭᠠᠢᠵᠤ ᠪᠠᠢᠯᠠ᠃ ᠡᠨᠡ ᠠᠵᠢᠭᠯᠠᠯᠲᠠᠶᠢᠨ ᠬᠠᠷᠠᠴᠠᠨᠢ ᠡᠬᠡᠳᠦ ᠵᠡᠭᠦᠦᠪᠡᠷ ᠬᠠᠳᠭᠤᠭᠠᠳ ᠠᠪᠤᠭᠰᠠᠨ ᠮᠡᠲᠦ ᠰᠠᠨᠠᠭᠳᠠᠵᠤ᠂ ᠡᠬᠡᠶᠢᠨ ᠬᠠᠢᠷᠴᠠᠭ ᠪᠠᠷᠢᠭᠰᠠᠨ ᠭᠠᠷᠨᠢ ᠲᠠᠲᠠᠪᠬᠢᠵᠦ᠂ ᠠᠪᠴᠤ ᠶᠠᠪᠤᠭᠠ ᠶᠠᠭᠤᠮᠠᠨᠢ ᠭᠡᠨᠡᠳᠲᠡ ᠬᠦᠨᠳᠦᠷᠡᠭᠰᠡᠨᠰᠢᠭ ᠰᠠᠨᠠᠭᠳᠠᠪᠠ᠃
《ᠪᠢ ᠡᠨᠡ ᠬᠥᠮᠦᠨᠢ ᠬᠠᠮᠢᠭᠠ ᠨᠢᠭᠡ ᠭᠠᠵᠠᠷ ᠦᠵᠡᠭᠰᠡᠨ!》 ᠭᠡᠵᠦ ᠡᠬᠡ ᠰᠡᠳᠭᠢᠵᠦ ᠠᠪᠤᠭᠠᠳ᠂ ᠡᠨᠡᠬᠦ ᠪᠣᠳᠤᠯᠢᠶᠠᠷ ᠥᠪᠡᠷᠦᠨ ᠳᠤᠷᠠ ᠦᠭᠡᠢᠴᠡᠭᠰᠡᠨ ᠰᠡᠳᠭᠢᠯᠭᠡᠪᠡᠨ ᠬᠣᠷᠢᠭᠯᠠᠵᠤ᠂ ᠰᠡᠳᠭᠢᠯᠢᠨᠢ ᠠᠯᠭᠤᠷᠬᠠᠨ ᠮᠥᠷᠲᠡᠭᠡᠨ ᠬᠦᠴᠦᠲᠡᠢᠬᠡᠨ ᠵᠢᠬᠡᠭᠦᠴᠡᠭᠦᠯᠦᠭᠰᠡᠨ ᠰᠡᠷᠡᠭᠳᠡᠯᠢ ᠪᠤᠰᠤᠳ ᠦᠭᠡᠪᠡᠷ ᠢᠯᠡᠳᠭᠡᠬᠦᠶᠢ ᠦᠯᠦ ᠬᠦᠰᠡᠨᠡ᠃ ᠭᠡᠲᠡᠯᠡ ᠡᠨᠡᠬᠦ ᠰᠡᠷᠡᠭᠳᠡᠯᠨᠢ ᠤᠯᠠᠮ ᠶᠡᠬᠡᠳᠴᠦ ᠬᠣᠭᠤᠯᠠᠢᠳᠤᠨᠢ ᠲᠤᠯᠵᠤ ᠠᠮᠠᠨ ᠳᠣᠲᠤᠷᠠᠨᠢ ᠬᠠᠭᠤᠷᠠᠢ ᠡᠬᠡᠭᠦᠨ ᠣᠷᠭᠢᠬᠤᠳᠤ ᠡᠷᠭᠢᠵᠦ ᠲᠡᠭᠦᠨᠢ ᠪᠠᠰᠠ ᠨᠢᠭᠡ ᠬᠠᠷᠠᠬᠤᠰᠠᠨ ᠭᠡᠵᠦ ᠰᠠᠨᠠᠨᠠ᠃ ᠲᠡᠭᠡᠭᠡᠳ ᠡᠷᠭᠢᠵᠦ ᠬᠠᠷᠠᠪᠠᠯ ᠥᠨᠥᠬᠢ ᠬᠥᠮᠦᠨ ᠬᠣᠶᠠᠷ ᠬᠥᠯᠢᠶᠡᠨ ᠡᠭᠡᠯᠵᠢᠯᠡᠨ ᠰᠢᠯᠵᠢᠭᠦᠯᠬᠦ ᠪᠣᠯᠪᠠᠴᠤ ᠵᠣᠭᠰᠤᠭᠰᠠᠨ ᠭᠠᠵᠠᠷᠠᠴᠠᠪᠠᠨ ᠬᠥᠳᠡᠯᠦᠭᠰᠡᠨᠦᠭᠡᠢ᠂ ᠨᠢᠭᠡᠨ ᠶᠠᠭᠤᠮᠠ ᠦᠢᠯᠡᠳᠬᠦ ᠭᠡᠵᠦ ᠪᠠᠢᠬᠤ ᠪᠣᠯᠪᠠᠴᠤ ᠵᠣᠷᠢᠭᠯᠠᠬᠤᠦᠭᠡᠢ ᠪᠠᠢᠬᠤᠰᠢᠭ᠋᠃ ᠪᠠᠷᠠᠭᠤᠨ ᠭᠠᠷᠢᠶᠠᠨ ᠳ᠋ᠠᠴᠠᠩᠤᠨᠢᠶᠠᠨ ᠲᠣᠪᠴᠢᠨ ᠵᠠᠪᠰᠠᠷᠢᠶᠠᠷ ᠰᠢᠷᠭᠤᠭᠤᠯᠵᠤ᠂ ᠨᠥᠭᠦᠭᠡ ᠭᠠᠷᠢᠶᠠᠨ ᠬᠠᠷᠮᠠᠨᠳᠠᠭᠠᠨ ᠬᠢᠭᠰᠡᠨᠨᠢ ᠪᠠᠷᠠᠭᠤᠨ ᠮᠥᠷᠦᠨᠢ ᠵᠡᠭᠦᠨ ᠮᠥᠷᠦᠨᠡᠴᠡᠨᠢ ᠥᠨᠳᠦᠷᠶᠦᠮᠰᠢᠭ ᠬᠠᠷᠠᠭᠳᠠᠨᠠ᠃
ᠡᠬᠡ ᠶᠠᠭᠠᠷᠠᠯᠦᠭᠡᠢ ᠰᠠᠨᠳᠠᠯᠢᠶᠢᠨ ᠳᠡᠷᠭᠡᠳᠡ ᠬᠦᠷᠴᠦ᠂ ᠬᠤᠪᠴᠠᠰᠤᠨ ᠳᠣᠲᠤᠷᠠᠬᠢ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠᠪᠠᠨ ᠡᠪᠳᠡᠯᠡᠴᠢᠬᠡᠬᠦᠡᠴᠡ ᠠᠶᠤᠵᠤ ᠪᠠᠢᠭᠠᠶᠤᠮᠰᠢᠭ᠋ ᠪᠣᠯᠭᠤᠮᠵᠢᠲᠠᠢ ᠠᠯᠭᠤᠷᠬᠠᠨᠢᠶᠠᠷ ᠳᠣᠭᠤᠭᠰᠢᠪᠠᠨ ᠰᠠᠭᠤᠪᠠ᠃ ᠭᠠᠢ ᠭᠠᠮᠰᠢᠭᠢ ᠵᠥᠩᠨᠡᠵᠦ ᠮᠡᠳᠡᠬᠦ ᠬᠤᠷᠴᠠ ᠰᠡᠷᠡᠯᠨᠢ ᠡᠨᠡ ᠬᠥᠮᠦᠨᠲᠡᠢ ᠥᠩᠭᠡᠷᠡᠭᠰᠡᠨᠳᠦ ᠠᠭᠤᠯᠵᠠᠭᠰᠠᠨ ᠬᠣᠶᠠᠷ ᠤᠳᠠᠭᠠᠨᠤ ᠤᠴᠢᠷᠢᠨᠢ ᠪᠣᠳᠤᠭᠳᠠᠭᠤᠯᠪᠠ᠃ ᠨᠢᠭᠡ ᠤᠳᠠᠭᠠᠨᠢ᠂ ᠷᠢᠪᠢᠨ ᠭᠢᠨᠳᠠᠨᠠᠴᠠ ᠣᠷᠭᠤᠨ ᠳᠤᠲᠠᠭᠠᠭᠰᠠᠨᠤ ᠳᠠᠷᠠᠭᠠ ᠬᠣᠲᠠᠶᠢᠨ ᠲᠡᠭᠦᠷᠭᠡᠶᠢᠨ ᠬᠡᠭᠡᠷᠡ ᠲᠠᠯᠠᠳᠤ ᠠᠭᠤᠯᠵᠠᠵᠠᠢ᠃ ᠨᠥᠭᠦᠭᠡ ᠤᠳᠠᠭᠠᠨᠢ ᠰᠢᠭᠦᠬᠦ ᠬᠣᠷᠢᠶᠠᠨᠳᠤ᠂ ᠷᠢᠪᠢᠨᠦ ᠵᠢᠭᠤᠳᠠᠭᠰᠠᠨ ᠵᠠᠮᠢ ᠡᠬᠡᠡᠴᠡ ᠠᠰᠠᠭᠤᠭᠠᠳ᠂ ᠡᠬᠡᠳᠦ ᠮᠡᠬᠡᠯᠡᠭᠳᠡᠭᠰᠡᠨ ᠥᠨᠥᠬᠢ ᠴᠠᠭᠳᠠᠨ ᠬᠠᠷᠠᠭᠠᠯᠵᠠᠭᠴᠢᠲᠠᠢ ᠬᠠᠮᠲᠤ ᠡᠨᠡ ᠬᠥᠮᠦᠨ ᠵᠣᠭᠰᠤᠵᠤ ᠪᠠᠢᠯᠠ᠃ ᠲᠡᠳᠡ ᠡᠬᠡᠶᠢ ᠲᠠᠨᠢᠮᠠᠭᠴᠠ ᠶᠠᠭ ᠬᠣᠢᠨᠠᠠᠴᠠᠨᠢ ᠭᠡᠲᠡᠵᠦ ᠶᠠᠪᠤᠭᠠᠨᠢ ᠢᠪ ᠢᠯᠡᠷᠬᠡᠢ ᠪᠠᠢᠨᠠ᠃
《ᠪᠠᠷᠢᠭᠳᠠᠬᠤ ᠪᠣᠯᠪᠠᠤᠤ?》 ᠭᠡᠵᠦ ᠡᠬᠡ ᠥᠪᠡᠷᠦᠨ ᠪᠡᠶᠡᠡᠴᠡᠪᠡᠨ ᠠᠰᠠᠭᠤᠵᠤ ᠠᠪᠤᠭᠠᠳ:
《ᠠᠷᠠᠢᠦᠭᠡᠢ ᠪᠢᠵᠡ ᠳ᠋ᠡ ᠁》 ᠭᠡᠵᠦ ᠴᠡᠴᠡᠷᠡᠭᠰᠡᠨ ᠳᠠᠭᠤᠪᠠᠷ ᠬᠠᠷᠢᠭᠤᠯᠤᠯᠠ᠃
ᠭᠡᠪᠡᠴᠦ ᠡᠬᠡ ᠮᠥᠨ ᠳᠣᠣᠷᠠᠪᠠᠨ ᠪᠡᠶᠡᠪᠡᠨ ᠴᠢᠩᠭᠠᠯᠠᠨ ᠵᠣᠷᠢᠭ ᠭᠠᠷᠭᠠᠵᠤ:
《ᠣᠳᠣ ᠪᠠᠷᠢᠭᠳᠠᠵᠠᠢ!》 ᠭᠡᠵᠦ ᠬᠡᠯᠡᠯᠡ᠃
ᠡᠰᠢ ᠲᠡᠰᠢᠪᠡᠨ ᠬᠠᠷᠠᠪᠠᠯ᠂ ᠶᠠᠭᠤᠴᠤᠦᠭᠡᠢ᠂ ᠭᠡᠲᠡᠯᠡ ᠲᠠᠷᠢᠬᠢᠨ ᠳᠣᠲᠤᠷᠠᠬᠢ ᠪᠣᠳᠤᠯᠭᠠᠨᠢ ᠣᠴᠢ ᠠᠳᠠᠯᠢ ᠪᠠᠢᠨ ᠪᠠᠢᠨ ᠭᠢᠯᠪᠠᠰᠬᠢᠭᠡᠳ ᠥᠩᠭᠡᠷᠡᠳᠡᠭ ᠪᠠᠢᠯᠠ᠃
《ᠬᠠᠢᠷᠴᠠᠭᠢᠶᠠᠨ ᠣᠷᠬᠢᠭᠠᠳ ᠳᠤᠲᠠᠭᠠᠴᠢᠬᠠᠬᠤᠤᠤ?》
ᠭᠡᠲᠡᠯᠡ ᠥᠭᠡᠷᠡ ᠨᠢᠭᠡᠨ ᠣᠴᠢ ᠣᠯᠠᠨᠠᠴᠠ ᠣᠨᠴᠤᠭᠤᠢ ᠭᠢᠯᠪᠠᠰᠬᠢᠨ ᠠᠪᠤᠯᠠ᠃
《ᠬᠦᠦᠶᠢᠨᠢᠶᠡᠨ ᠶᠠᠷᠢᠶᠠ ᠲᠠᠯᠪᠢᠬᠤ ᠡᠬᠡ ᠨᠣᠣᠷᠠᠭᠢ ᠬᠠᠶᠠᠭᠠᠳᠤᠤ? ᠲᠡᠭᠦᠨᠢ ᠡᠢᠮᠦ ᠠᠮᠢᠲᠠᠳᠤᠨ ᠭᠠᠷᠲᠤ ᠣᠷᠬᠢᠭᠠᠳ ᠁》 ᠭᠡᠵᠦ ᠪᠣᠳᠤᠪᠠ᠃
ᠡᠬᠡ ᠬᠠᠢᠷᠴᠠᠭᠢᠶᠠᠨ ᠪᠡᠶᠡᠳᠡᠭᠡᠨ ᠣᠢᠷᠠᠲᠤᠭᠤᠯᠪᠠ᠃
《ᠠᠪᠤᠭᠠᠳ ᠵᠠᠢᠯᠠᠬᠤᠤᠤ? ᠁ ᠬᠤᠷᠳᠤᠨ ᠳᠤᠲᠠᠭᠠᠶᠠ ᠁》 ᠭᠡᠰᠡᠨ ᠪᠣᠳᠤᠯᠭᠠᠶᠢ ᠥᠭᠡᠷᠡ ᠨᠢᠭᠡᠨ ᠬᠥᠮᠦᠨ ᠬᠠᠷᠠ ᠬᠦᠴᠦᠪᠡᠷ ᠰᠢᠭᠠᠵᠤ ᠣᠷᠤᠭᠤᠯᠤᠭᠰᠠᠨ ᠮᠡᠲᠦ ᠪᠠᠢᠯᠠ᠃ ᠡᠳᠡᠭᠡᠷ ᠪᠣᠳᠤᠯᠤᠳ ᠪᠡᠶᠡᠶᠢᠨᠢ ᠬᠠᠭᠠᠷᠢᠵᠤ ᠰᠢᠲᠠᠭᠠᠵᠤ ᠪᠠᠢᠭᠠ ᠮᠡᠲᠦ᠂ ᠲᠠᠷᠢᠬᠢ ᠲᠣᠯᠤᠭᠠᠢᠶᠢᠨᠢ ᠬᠠᠳᠭᠤᠨ ᠰᠢᠪᠡᠵᠦ᠂ ᠭᠠᠯ ᠤᠲᠠᠰᠤ ᠮᠡᠲᠦ ᠭᠣᠣᠯ ᠵᠢᠷᠦᠬᠡᠶᠢᠨᠢ ᠰᠢᠪᠬᠠᠴᠢᠵᠤ ᠪᠠᠢᠭᠠ ᠮᠡᠲᠦ ᠪᠠᠢᠯᠠ᠃ ᠡᠳᠡᠭᠡᠷ ᠪᠣᠳᠤᠯᠭᠠᠨᠤᠭᠤᠳᠨᠢ ᠡᠬᠡᠶᠢ ᠲᠠᠷᠴᠢᠯᠠᠭᠠᠨ ᠵᠣᠪᠠᠭᠠᠵᠤ᠂ ᠥᠪᠡᠷᠦᠨ ᠪᠡᠶᠡ᠂ ᠦᠷᠡ ᠫᠠᠸᠧᠯ ᠪᠣᠯᠤᠨ ᠥᠷᠦ ᠵᠢᠷᠦᠬᠡᠨᠳᠦᠨᠢ ᠰᠢᠩᠭᠡᠭᠰᠡᠨ ᠳᠠᠰᠤᠭᠰᠠᠨ ᠪᠦᠭᠦᠳᠡᠶᠢ ᠪᠡᠶᠡ ᠰᠡᠳᠭᠢᠯᠡᠴᠡᠨᠢ ᠦᠯᠳᠡᠨ ᠬᠥᠭᠡᠭᠡᠵᠦ ᠵᠠᠢᠯᠠᠭᠤᠯᠤᠨᠠ᠃ ᠡᠬᠡᠳᠦ ᠨᠢᠭᠡ ᠵᠦᠢᠯᠦᠨ ᠳᠠᠢᠰᠤᠩᠨᠠᠬᠤ ᠬᠦᠴᠦᠨ ᠵᠥᠷᠢᠭᠦᠳᠯᠡᠨ᠂ ᠲᠡᠭᠦᠨᠢ ᠬᠠᠪᠴᠢᠨ ᠰᠢᠬᠠᠵᠤ᠂ ᠮᠥᠷᠦ ᠴᠡᠭᠡᠵᠢᠶᠢᠨᠢ ᠳᠠᠷᠤᠵᠤ ᠢᠴᠢᠭᠡᠨ ᠳᠣᠷᠤᠮᠵᠢᠯᠠᠵᠤ᠂ ᠠᠮᠢᠦᠭᠡᠢ ᠡᠮᠢᠶᠡᠯᠳᠦ ᠤᠨᠠᠭᠠᠭᠰᠠᠨ ᠮᠡᠲᠦ ᠰᠠᠨᠠᠭᠳᠠᠬᠤᠳᠤ᠂ ᠰᠢᠨᠠᠶᠢᠨ ᠰᠤᠳᠠᠰᠤᠨᠢ ᠬᠦᠴᠦᠲᠡᠢ ᠴᠣᠬᠢᠯᠠᠨ ᠦᠰᠦᠨᠦ ᠤᠭᠨᠢ ᠬᠠᠯᠠᠭᠤ ᠣᠷᠭᠢᠵᠤ ᠪᠠᠢᠬᠤᠰᠢᠭ᠋ ᠪᠣᠯᠪᠠ᠃
ᠲᠡᠭᠡᠬᠦᠳᠦᠨᠢ ᠡᠬᠡᠶᠢᠨ ᠴᠡᠭᠡᠵᠢᠨᠳᠦ ᠪᠦᠬᠦ ᠪᠡᠶᠡᠶᠢ ᠳᠣᠩᠰᠤᠯᠭᠠᠬᠤ ᠠᠪᠤᠷᠭᠤ ᠬᠦᠴᠦᠨ ᠣᠷᠭᠢᠯᠤᠨ ᠮᠠᠨᠳᠤᠭᠠᠳ᠂ ᠥᠨᠥᠬᠢ ᠣᠯᠠᠨ ᠵᠢᠵᠢᠭ ᠪᠠᠭᠤᠷᠠᠢ ᠬᠤᠯᠵᠢᠨ ᠣᠴᠢᠶᠢ ᠤᠨᠲᠠᠷᠠᠭᠠᠭᠠᠳ᠂ ᠵᠠᠷᠯᠢᠭᠳᠠᠬᠤᠰᠢᠭ᠋ᠢᠶᠠᠷ 《ᠢᠴᠢᠭᠦᠷᠢᠲᠡᠢ!》 ᠭᠡᠵᠦ ᠥᠪᠡᠷᠦᠨ ᠪᠡᠶᠡᠳᠡᠭᠡᠨ ᠬᠡᠯᠡᠪᠡ᠃
ᠲᠦᠳᠡᠯᠦᠭᠡᠢ ᠡᠬᠡᠶᠢᠨ ᠪᠡᠶᠡ ᠣᠪᠤᠭᠠ ᠵᠡᠭᠡᠭᠡᠭᠰᠡᠨ ᠴᠢᠩᠭᠠᠷᠠᠵᠤ: 《ᠬᠦᠦᠪᠡᠨ ᠪᠢᠲᠡᠭᠡᠢ ᠭᠤᠲᠤᠭᠠ! ᠠᠶᠤᠭᠰᠠᠨ ᠬᠥᠮᠦᠨ ᠠᠯᠠᠭᠠ》 ᠭᠡᠵᠦ ᠥᠭᠦᠯᠡᠯᠡ᠃
ᠡᠬᠡᠶᠢᠨ ᠬᠠᠷᠠᠴᠠ ᠨᠢᠭᠡᠨ ᠰᠦᠷ ᠵᠢᠪᠬᠤᠭᠠᠦᠭᠡᠢ ᠵᠢᠷᠦᠬᠡᠰᠢᠶᠡᠭᠰᠡᠨ ᠬᠠᠷᠠᠴᠠᠲᠠᠢ ᠮᠥᠷᠭᠦᠯᠳᠦᠪᠡ᠃ ᠳᠠᠷᠠᠭᠠᠨᠢ ᠲᠠᠷᠢᠬᠢᠨᠳᠤᠨᠢ ᠷᠢᠪᠢᠨᠦ ᠴᠢᠷᠠᠢ ᠵᠢᠷᠦᠪᠬᠢᠨ ᠦᠵᠡᠭᠳᠡᠯᠡ᠃ ᠭᠱᠠᠨ ᠵᠠᠭᠤᠷᠠᠶᠢᠨ ᠭᠤᠢᠪᠢᠯᠵᠠᠯᠨᠢ ᠡᠬᠡᠶᠢ ᠤᠯᠠᠮ ᠴᠢᠩᠭᠠᠷᠠᠭᠤᠯᠵᠤ᠂ ᠵᠢᠷᠦᠬᠡᠨᠦ ᠴᠣᠬᠢᠯᠲᠠᠨᠢᠴᠤ ᠠᠭᠠᠵᠢᠮ ᠲᠠᠯᠪᠢᠭᠤᠬᠠᠨ ᠪᠣᠯᠵᠤ ᠢᠷᠡᠪᠡ᠃
《ᠣᠳᠣ ᠶᠠᠭᠤ ᠪᠣᠯᠬᠤᠨᠢ ᠪᠤᠢ?》 ᠭᠡᠵᠦ ᠡᠬᠡ ᠪᠣᠳᠤᠨ ᠠᠵᠢᠭᠯᠠᠯᠠ᠃
ᠥᠨᠥᠬᠢ ᠲᠠᠩᠨᠠᠭᠤᠯᠴᠢ ᠨᠢᠭᠡᠨ ᠴᠠᠭᠳᠠᠭᠠᠶᠢ ᠳᠠᠭᠤᠳᠠᠨ ᠠᠪᠴᠢᠷᠠᠵᠤ᠂ ᠡᠬᠡ ᠤᠷᠤᠭᠤ ᠨᠢᠳᠦ ᠵᠠᠷᠤᠵᠤ ᠴᠢᠬᠢᠨᠳᠦᠨᠢ ᠶᠠᠭᠤᠮᠠ ᠰᠢᠪᠡᠨᠡᠬᠦᠳᠦ ᠴᠠᠭᠳᠠᠭᠠ ᠡᠬᠡᠶᠢ ᠰᠠᠢᠨ ᠨᠢᠭᠡ ᠬᠠᠷᠠᠵᠤ ᠠᠪᠤᠭᠠᠳ ᠭᠠᠷᠴᠤ ᠶᠠᠪᠤᠪᠠ᠃ ᠪᠠᠰᠠ ᠨᠢᠭᠡ ᠴᠠᠭᠳᠠᠭᠠ ᠳᠥᠲᠡᠯᠡᠨ ᠢᠷᠡᠵᠦ ᠲᠠᠩᠨᠠᠭᠤᠯᠴᠢᠶᠢᠨ ᠬᠡᠯᠡᠬᠦᠶᠢ ᠬᠥᠮᠦᠰᠭᠡᠪᠡᠨ ᠵᠠᠩᠭᠢᠳᠤᠨ ᠴᠢᠩᠨᠠᠨᠠ᠃ ᠲᠡᠷᠡᠨᠢ ᠰᠠᠬᠠᠯ ᠰᠠᠮᠪᠠᠢᠪᠠᠨ ᠡᠷᠪᠡᠢᠯᠭᠡᠭᠰᠡᠨ ᠪᠤᠵᠠᠭᠠᠢ ᠬᠠᠵᠠᠭᠠᠢ ᠪᠡᠶᠡᠲᠡᠢ ᠪᠤᠭᠤᠷᠤᠯ ᠲᠣᠯᠤᠭᠠᠢᠲᠠᠢ ᠡᠪᠦᠭᠡᠨ ᠪᠠᠢᠵᠠᠢ᠃ ᠡᠨᠡ ᠡᠪᠦᠭᠡᠨ ᠲᠠᠩᠨᠠᠭᠤᠯᠴᠢ ᠥᠭᠡᠳᠡ ᠲᠣᠯᠤᠭᠠᠢᠪᠠᠨ ᠳᠣᠬᠢᠭᠠᠳ ᠡᠬᠡᠶᠢᠨ ᠰᠠᠭᠤᠭᠠ ᠰᠠᠨᠳᠠᠯᠢ ᠤᠷᠤᠭᠤ ᠶᠠᠪᠤᠬᠤᠳᠤ᠂ ᠲᠠᠩᠨᠠᠭᠤᠯᠴᠢ ᠬᠤᠷᠳᠤᠬᠠᠨ ᠵᠠᠢᠯᠠᠪᠠ᠃
ᠡᠪᠦᠭᠡᠨ ᠠᠭᠤᠷᠲᠠᠢ ᠨᠢᠳᠦᠪᠡᠷ ᠡᠬᠡᠶᠢ ᠰᠤᠷᠠᠭᠰᠠᠭᠠᠷ ᠶᠠᠭᠠᠷᠠᠯᠦᠭᠡᠢ ᠠᠯᠬᠤᠵᠤ ᠢᠷᠡᠬᠦᠳᠦ᠂ ᠡᠬᠡ ᠰᠠᠨᠳᠠᠯᠢ ᠤᠷᠤᠭᠤᠪᠠᠨ ᠯᠠᠪᠰᠢᠷᠠᠨ ᠤᠬᠤᠷᠢᠵᠤ ᠰᠠᠭᠤᠪᠠ᠃
《ᠵᠣᠳᠤᠭᠳᠠᠬᠤᠦᠭᠡᠢᠯᠠᠶᠤᠮ ᠪᠣᠯ ᠁》
ᠡᠪᠦᠭᠡᠨ᠂ ᠡᠬᠡᠶᠢᠨ ᠳᠡᠷᠭᠡᠳᠡ ᠢᠷᠡᠵᠦ ᠳᠤᠭᠤᠢ ᠵᠣᠭᠰᠤᠭᠰᠠᠨᠢᠶᠠᠨ ᠨᠠᠮ ᠰᠢᠷᠦᠭᠦᠨ ᠳᠠᠭᠤᠪᠠᠷ: 《ᠶᠠᠭᠤ ᠬᠠᠷᠠᠭᠠ ᠪᠤᠢ ᠴᠢ?》 ᠭᠡᠬᠦᠳᠦ᠂
《ᠶᠠᠭᠤᠴᠤ ᠬᠠᠷᠠᠭᠠᠦᠭᠡᠢ᠃ 》
《ᠡ ᠲᠡᠢᠮᠦᠦᠦ᠂ ᠡᠮᠡ ᠬᠤᠯᠠᠭᠠᠢᠴᠢ! ᠬᠥᠭᠰᠢᠷᠡᠴᠢᠬᠡᠭᠡᠳ ᠪᠠᠰᠠᠯᠠ ᠮᠠᠭᠤ ᠬᠡᠷᠡᠭᠢᠶᠡᠨ ᠬᠢᠭᠰᠡᠭᠡᠷᠦᠦ!》
ᠡᠨᠡ ᠦᠭᠡ ᠡᠬᠡᠶᠢᠨ ᠨᠢᠭᠤᠷ ᠤᠷᠤᠭᠤ ᠲᠠᠰ ᠨᠢᠰ ᠬᠢᠲᠡᠯᠡ ᠰᠢᠪᠠᠭᠳᠠᠭᠰᠠᠨ ᠠᠳᠠᠯᠢ ᠰᠠᠨᠠᠭᠳᠠᠨᠠ᠃ ᠬᠠᠷᠠ ᠭᠦᠵᠢᠷᠲᠡᠢ ᠰᠥᠭᠡᠩᠭᠢ ᠳᠠᠭᠤᠳᠤ ᠬᠠᠴᠠᠷᠨᠢ ᠤᠷᠠᠭᠳᠠᠵᠤ᠂ ᠨᠢᠳᠦᠨᠢ ᠰᠣᠬᠤ ᠲᠠᠰᠢᠭᠤᠷᠳᠠᠭᠳᠠᠭᠰᠠᠨ ᠮᠡᠲᠦ ᠡᠪᠡᠳᠴᠦ ᠪᠠᠢᠯᠠ᠃
《ᠪᠢᠦᠦ? ᠪᠢ ᠬᠤᠯᠠᠭᠠᠢᠴᠢ ᠡᠮᠡ ᠪᠢᠰᠢ᠂ ᠴᠢ ᠬᠤᠳᠠᠯ ᠳᠣᠩᠭᠤᠰ!》 ᠭᠡᠵᠦ ᠡᠬᠡ ᠪᠦᠬᠦ ᠪᠡᠶᠡᠶᠢᠨ ᠬᠦᠴᠦᠪᠡᠨ ᠰᠢᠪᠬᠠᠵᠤ ᠬᠠᠰᠭᠢᠷᠪᠠ᠃ ᠡᠬᠡᠶᠢᠨ ᠨᠢᠳᠦᠨ ᠡᠮᠦᠨᠡᠬᠢ ᠠᠯᠢᠪᠠ ᠪᠦᠬᠦᠨ ᠲᠡᠭᠦᠨᠦ ᠬᠢᠯᠢᠩᠨᠡᠭᠰᠡᠨ ᠠᠭᠤᠷᠲᠤ ᠳᠡᠷᠪᠢᠨ ᠡᠷᠭᠢᠯᠳᠦᠵᠦ᠂ ᠬᠡᠬᠦᠳᠡᠭ ᠴᠡᠭᠡᠵᠢᠨᠳᠦᠨᠢ ᠳᠣᠷᠤᠮᠵᠢᠯᠠᠯᠢ ᠬᠦᠷᠲᠡᠭᠰᠡᠨ ᠮᠡᠲᠦ ᠡᠪᠦᠭᠡᠢ ᠣᠷᠭᠢᠨᠠ᠃ ᠡᠬᠡ ᠬᠠᠢᠷᠴᠠᠭᠢᠶᠠᠨ ᠬᠦᠴᠦᠲᠡᠢᠬᠡᠨ ᠲᠠᠲᠠᠵᠤ ᠬᠠᠪᠬᠠᠭᠢᠨᠢ ᠨᠡᠭᠡᠭᠡᠭᠡᠳ:
《ᠴᠢ ᠦᠵᠡ ᠳ᠋ᠠ ! ᠪᠦᠭᠦᠳᠡᠭᠡᠷᠢᠶᠡᠨ ᠦᠵᠡᠵᠡᠭᠡ!》 ᠭᠡᠳ ᠪᠣᠰᠤᠨ ᠵᠣᠭᠰᠤᠵᠤ᠂ ᠨᠢᠭᠡ ᠪᠣᠭᠤᠳᠠᠯ ᠤᠬᠠᠭᠤᠯᠬᠤ ᠬᠠᠭᠤᠳᠠᠰᠤᠶᠢ ᠪᠠᠷᠢᠨ ᠲᠣᠯᠤᠭᠠᠢ ᠳᠡᠭᠡᠭᠦᠷᠢᠶᠡᠨ ᠬᠤᠷᠤᠯᠵᠠᠭᠤᠯᠤᠨ ᠬᠠᠰᠭᠢᠷᠪᠠ᠃ ᠡᠬᠡ ᠴᠢᠬᠢᠶᠢᠨ ᠬᠠᠵᠠᠭᠤᠳᠠᠬᠢ ᠱᠤᠤᠭᠢᠬᠤ ᠴᠢᠮᠡᠭᠡᠶᠢᠨ ᠴᠢᠨᠠᠳᠤᠬᠢ ᠴᠤᠭᠯᠠᠷᠠᠵᠤ ᠢᠷᠡᠭᠰᠡᠨ ᠬᠥᠮᠦᠰᠦᠨ ᠪᠠᠷᠬᠢᠷᠠᠬᠤ ᠳᠠᠭᠤᠨᠢ ᠣᠯᠵᠤ ᠰᠣᠨᠤᠰᠤᠭᠰᠠᠨ ᠪᠥᠭᠡᠳ ᠵᠦᠭ ᠪᠦᠬᠦᠨᠡᠴᠡ ᠭᠦᠶᠦᠯᠳᠦᠨ ᠢᠷᠡᠬᠦ ᠬᠥᠮᠦᠰᠢ ᠣᠯᠵᠤ ᠬᠠᠷᠠᠪᠠ᠃
《ᠶᠠᠭᠤ ᠪᠣᠯᠪᠠ?》
《ᠲᠡᠷᠡ ᠲᠠᠩᠨᠠᠭᠤᠯᠴᠢ ᠁》
《ᠡᠨᠡ ᠶᠠᠭᠠᠬᠢᠪᠠ?》
《ᠡᠨᠡ ᠡᠮᠡᠭᠲᠡᠢᠶᠢ ᠬᠤᠯᠠᠭᠠᠢ ᠬᠢᠭᠰᠡᠨ ᠭᠡᠵᠦ ᠪᠠᠢᠨᠠ ᠁》
《ᠡᠢᠮᠦ ᠲᠣᠮᠤᠭᠠᠲᠠᠢ ᠬᠥᠮᠦᠨ ᠪᠠᠢᠲᠠᠯᠠᠪᠠᠨ᠂ ᠡᠨᠡ ᠪᠠᠰᠠ ᠳ᠋ᠠ !》 ᠭᠡᠯᠴᠡᠨᠡ᠃
《ᠪᠢ ᠬᠤᠯᠠᠭᠠᠢᠴᠢ ᠡᠮᠡ ᠪᠢᠰᠢ!》 ᠭᠡᠵᠦ ᠡᠬᠡ ᠴᠢᠩᠭᠠ ᠳᠠᠭᠤᠪᠠᠷ ᠥᠭᠦᠯᠡᠨ ᠲᠠᠯᠠ ᠲᠠᠯᠠᠠᠴᠠ ᠴᠢᠬᠢᠯᠳᠦᠨ ᠲᠡᠮᠡᠦᠯᠬᠦ ᠬᠥᠮᠦᠰᠦᠨ ᠪᠠᠷᠠᠳᠤ ᠪᠠᠬᠠᠨ ᠠᠭᠤᠵᠢᠷᠠᠵᠤ:
《ᠥᠴᠦᠭᠡᠳᠦᠷ ᠤᠯᠤᠰ ᠲᠥᠷᠦᠶᠢᠨ ᠶᠠᠯᠠᠲᠠᠳᠢ ᠰᠢᠳᠭᠡᠭᠰᠡᠨ᠂ ᠮᠢᠨᠦ ᠬᠦᠦ ᠸᠯᠠᠰᠤᠪ ᠲᠡᠳᠡᠨᠦ ᠳᠣᠲᠤᠷᠠ ᠪᠠᠢᠭᠰᠠᠨᠶᠤᠮ᠃ ᠮᠢᠨᠦ ᠬᠦᠦ ᠰᠢᠭᠦᠬᠦ ᠭᠠᠵᠠᠷ ᠶᠠᠷᠢᠶᠠ ᠲᠠᠯᠪᠢᠭᠰᠠᠨ᠂ ᠡᠨᠡ ᠪᠣᠯ ᠲᠡᠭᠦᠨᠦ ᠶᠠᠷᠢᠶᠠᠨᠤ ᠡᠬᠡ ᠨᠣᠣᠷᠠᠭ ᠮᠥᠨ᠃ ᠪᠢ ᠣᠯᠠᠨ ᠲᠦᠮᠡᠨᠳᠦ ᠬᠦᠷᠭᠡᠵᠦ ᠶᠠᠪᠤᠨᠠ᠃ ᠠᠮᠢᠲᠠᠨ ᠣᠯᠠᠨᠢᠶᠠᠷᠢᠶᠠᠨ ᠤᠩᠰᠢᠭ! ᠦᠨᠡᠨ ᠶᠣᠰᠤ ᠭᠡᠭᠴᠢᠶᠢ ᠪᠣᠳᠤᠭ ᠁》 ᠭᠡᠵᠦ ᠬᠡᠯᠡᠪᠡ᠃
ᠨᠢᠭᠡ ᠬᠥᠮᠦᠨ ᠭᠠᠷᠲᠠᠬᠢ ᠪᠢᠴᠢᠭᠡᠴᠡᠨᠢ ᠬᠡᠳᠦᠶᠢ ᠠᠶᠠᠷᠬᠠᠨ ᠲᠠᠲᠠᠬᠤᠳᠤ᠂ ᠡᠬᠡ ᠪᠠᠷᠢᠭᠰᠠᠨ ᠪᠢᠴᠢᠭᠦᠳᠢᠶᠡᠨ ᠬᠡᠢ ᠳᠡᠭᠡᠷᠡ ᠡᠷᠭᠢᠭᠦᠯᠦᠨ ᠣᠯᠠᠨᠤ ᠵᠦᠭ ᠰᠢᠳᠡᠵᠦ ᠣᠷᠬᠢᠯᠠ᠃
《ᠢᠩᠭᠢᠭᠰᠡᠨᠳᠦᠴᠢᠨᠢ ᠱᠠᠩ ᠥᠭᠬᠦᠦᠭᠡᠢᠶᠦᠮ ᠳ᠋ᠠ !》 ᠭᠡᠵᠦ ᠨᠢᠭᠡᠨ ᠬᠥᠮᠦᠨᠦ ᠡᠮᠢᠶᠡᠮᠡᠲᠡᠭᠡᠢ ᠳᠠᠭᠤ ᠭᠠᠷᠪᠠ᠃ ᠬᠥᠮᠦᠰ ᠪᠢᠴᠢᠭᠢ ᠡᠨᠳᠡ ᠲᠡᠨᠳᠡᠡᠴᠡ ᠰᠢᠭᠦᠷᠦᠨ ᠠᠪᠴᠤ ᠡᠪᠦᠷ ᠬᠠᠷᠮᠠᠨ ᠤᠷᠤᠭᠤᠪᠠᠨ ᠰᠢᠷᠭᠤᠭᠤᠯᠵᠤ ᠪᠠᠢᠬᠤᠶᠢ ᠡᠬᠡ ᠬᠠᠷᠠᠭᠠᠳ ᠴᠣᠭ ᠵᠢᠪᠬᠤᠭᠠᠲᠠᠢ ᠪᠣᠯᠪᠠ᠃ ᠡᠬᠡᠶᠢᠨ ᠪᠡᠶᠡ ᠴᠢᠩᠭᠠᠷᠠᠵᠤ᠂ ᠤᠬᠠᠮᠰᠠᠷᠠᠭᠰᠠᠨ ᠣᠮᠤᠭ ᠪᠠᠬᠠᠳᠤᠯ ᠬᠡᠬᠦᠳᠡᠭ ᠴᠡᠭᠡᠵᠢᠨᠳᠦᠨᠢ ᠪᠤᠢ ᠪᠣᠯᠵᠤ᠂ ᠳᠠᠷᠤᠭᠳᠠᠵᠤ ᠳᠠᠯᠳᠠᠯᠠᠭᠳᠠᠭᠰᠠᠨ ᠪᠠᠶᠠᠷ ᠪᠠᠶᠠᠰᠤᠯ ᠳᠦᠷᠡᠯᠵᠡᠵᠦ᠂ ᠲᠡᠭᠦᠨᠦ ᠶᠠᠷᠢᠶᠠᠨᠢ ᠤᠯᠠᠮ ᠯᠠᠪᠳᠠᠭᠤᠨ ᠲᠣᠭᠲᠠᠭᠤᠨ᠂ ᠢᠳᠡᠯᠢᠭ ᠬᠦᠴᠦᠲᠡᠢ ᠪᠣᠯᠵᠠᠢ᠃ ᠡᠬᠡ ᠬᠠᠢᠷᠴᠠᠭᠠᠴᠠᠪᠠᠨ ᠤᠬᠠᠭᠤᠯᠬᠤ ᠬᠠᠭᠤᠳᠠᠰᠤᠪᠠᠨ ᠠᠭᠤᠳᠠᠯᠤᠨ ᠭᠠᠷᠭᠠᠵᠤ ᠵᠡᠭᠦᠨ ᠪᠠᠷᠠᠭᠤᠨᠳᠠᠬᠢ ᠰᠠᠷᠪᠠᠢᠵᠤ ᠪᠠᠢᠭᠠ ᠣᠯᠠᠨ ᠭᠠᠷ ᠤᠷᠤᠭᠤ ᠬᠠᠶᠠᠯᠠᠵᠤ:
《ᠮᠢᠨᠦ ᠬᠦᠦ ᠪᠣᠯᠤᠨ ᠲᠡᠳᠡ ᠪᠦᠭᠦᠳᠡ ᠶᠠᠮᠠᠷ ᠬᠡᠷᠡᠭᠲᠦ ᠰᠢᠳᠭᠡᠭᠳᠡᠭᠰᠡᠨ ᠪᠤᠢ? ᠲᠠᠨᠠᠷ ᠮᠡᠳᠡᠬᠦᠦᠦ? ᠪᠢ ᠬᠡᠯᠡᠵᠦ ᠥᠭᠭᠦᠶᠡ᠂ ᠬᠠᠷᠢᠨ ᠲᠠᠨᠠᠷ ᠡᠬᠡ ᠬᠥᠮᠦᠨᠦ ᠰᠡᠳᠭᠢᠯ ᠵᠢᠷᠦᠬᠡ᠂ ᠪᠤᠭᠤᠷᠤᠯ ᠲᠣᠯᠤᠭᠠᠢᠳᠤᠨᠢ ᠢᠲᠡᠭᠡᠭᠡᠷᠡᠢ᠃ ᠪᠢ ᠲᠠᠨᠠᠷᠲᠤ ᠬᠡᠯᠡᠵᠦ ᠥᠭᠭᠦᠶᠡ᠂ ᠲᠡᠳᠡ ᠲᠠ ᠪᠦᠭᠦᠳᠡᠳᠦ ᠦᠨᠡᠨ ᠶᠣᠰᠤᠶᠢ ᠳᠠᠮᠵᠢᠭᠤᠯᠵᠤ ᠥᠭᠬᠦ ᠭᠡᠵᠦ ᠪᠠᠢᠭᠠᠳ ᠥᠴᠦᠭᠡᠳᠦᠷ ᠰᠢᠳᠭᠡᠭᠳᠡᠭᠰᠡᠨ ᠰᠢᠦ! ᠡᠨᠡᠬᠦ ᠦᠨᠡᠨ ᠶᠣᠰᠤᠶᠢ ᠬᠡᠨᠴᠦ ᠭᠡᠳ ᠡᠰᠡᠷᠭᠦᠴᠡᠵᠦ ᠴᠢᠳᠠᠬᠤᠦᠭᠡᠢ ᠭᠡᠳᠡᠭᠢ ᠪᠢ ᠥᠴᠦᠭᠡᠳᠦᠷ ᠰᠠᠶᠢᠯᠠ ᠮᠡᠳᠡᠯᠡ᠂ ᠬᠡᠨᠴᠦ ᠲᠡᠭᠦᠨᠢ ᠡᠰᠡᠷᠭᠦᠴᠡᠵᠦ ᠴᠢᠳᠠᠬᠤᠦᠭᠡᠢ᠂ ᠬᠡᠨᠴᠦ ᠴᠢᠳᠠᠬᠤᠦᠭᠡᠢ!》 ᠭᠡᠪᠡ᠃
ᠣᠯᠠᠨ ᠬᠥᠮᠦᠨ ᠨᠠᠮ ᠭᠦᠮ ᠪᠣᠯᠵᠤ᠂ ᠡᠬᠡᠶᠢᠨ ᠲᠣᠭᠤᠷᠢᠨᠳᠤ ᠰᠢᠬᠠᠯᠳᠤᠵᠤ᠂ ᠬᠠᠰᠢᠶᠠᠯᠠᠭᠰᠠᠨ ᠮᠡᠲᠦᠪᠡᠷ ᠡᠬᠡᠶᠢ ᠳᠤᠮᠳᠠᠪᠠᠨ ᠪᠢᠲᠡᠭᠦᠦ ᠬᠦᠷᠢᠶᠡᠯᠡᠯᠡ᠃
《ᠶᠠᠳᠠᠭᠤ ᠬᠣᠭᠤᠰᠤᠨ᠂ ᠥᠯᠦᠰᠭᠦᠯᠡᠩ ᠨᠢᠴᠦᠭᠦᠨ᠂ ᠡᠪᠡᠳᠴᠢᠨ ᠳᠠᠬᠤᠯ ᠵᠡᠷᠭᠡᠨᠢ ᠳᠠᠷᠤᠢ ᠲᠠᠨᠠᠷᠤᠨ ᠬᠥᠳᠡᠯᠮᠦᠷᠢᠶᠢᠨ ᠬᠠᠷᠠᠮᠵᠢᠶᠤᠮ᠃ ᠭᠡᠲᠡᠯᠡ ᠡᠨᠡ ᠪᠦᠬᠦᠨᠨᠢ ᠮᠠᠨᠤ ᠳᠠᠢᠰᠤᠨ ᠮᠥᠨ᠂ ᠪᠢᠳᠡ ᠨᠠᠰᠤᠪᠠᠷᠢᠶᠠᠨ ᠬᠥᠳᠡᠯᠮᠦᠷᠢᠶᠢᠨ ᠳᠤᠮᠳᠠ᠂ ᠪᠣᠬᠢᠷ ᠪᠤᠷᠲᠠᠭᠤᠨ ᠳᠣᠲᠤᠷᠠ᠂ ᠬᠠᠭᠤᠷᠲᠠᠭᠳᠠᠯ ᠮᠡᠬᠡᠯᠡᠭᠳᠡᠯᠦᠨ ᠳᠣᠲᠤᠷᠠ ᠠᠮᠢᠳᠤᠷᠠᠵᠤ᠂ ᠨᠢᠭᠡ ᠨᠢᠭᠡ ᠡᠳᠦᠷᠢᠶᠡᠷ ᠥᠪᠡᠷᠦᠨ ᠠᠮᠢ ᠨᠠᠰᠤᠪᠠᠨ ᠪᠤᠯᠠᠰᠢᠯᠠᠵᠤ ᠪᠠᠢᠨᠠ᠃ ᠭᠡᠲᠡᠯᠡ ᠪᠤᠰᠤᠳ ᠬᠥᠮᠦᠨ ᠬᠠᠷᠢᠨ ᠮᠠᠨᠤ ᠬᠥᠯᠦᠰᠦ ᠴᠢᠰᠤᠪᠠᠷ ᠵᠢᠷᠭᠠᠯ ᠴᠡᠩᠭᠡᠯᠢᠶᠡᠨ ᠪᠠᠢᠭᠤᠯᠵᠤ᠂ ᠠᠮᠤᠷ ᠵᠢᠮᠦᠷ ᠵᠢᠷᠭᠠᠵᠤ ᠪᠠᠢᠨᠠ᠃ ᠪᠢᠳᠡ ᠡᠭᠡᠭᠡᠯᠡ ᠬᠣᠷᠢᠭᠳᠠᠵᠤ ᠴᠣᠣᠵᠢᠯᠠᠭᠳᠠᠭᠰᠠᠨ ᠨᠣᠬᠠᠢᠰᠢᠭ᠋ ᠨᠢᠭᠡ ᠨᠠᠰᠤᠪᠠᠷᠢᠶᠠᠨ ᠮᠤᠩᠬᠠᠭ ᠪᠠᠯᠠᠢ ᠪᠣᠯᠤᠨ ᠡᠮᠢᠶᠡᠯ ᠰᠦᠷᠳᠡᠭᠦᠯᠦᠯᠦᠨ ᠳᠣᠲᠤᠷᠠ ᠠᠮᠢᠳᠤᠷᠠᠵᠤ᠂ ᠶᠠᠭᠤᠶᠢᠴᠤ ᠤᠬᠠᠵᠤ ᠮᠡᠳᠡᠬᠦᠦᠭᠡᠢ᠂ ᠶᠠᠭᠤ ᠪᠦᠬᠦᠨᠡᠴᠡ ᠠᠶᠤᠨ ᠵᠢᠷᠦᠬᠡᠰᠢᠶᠡᠬᠦ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠮᠠᠨᠤ ᠠᠮᠢᠳᠤᠷᠠᠯ ᠪᠣᠯ ᠳᠠᠷᠤᠢ ᠬᠠᠷᠠᠩᠭᠤᠢ ᠰᠥᠨᠢ᠂ ᠪᠠᠯᠠᠷ ᠬᠠᠷᠠᠩᠭᠤᠢ ᠰᠥᠨᠢ ᠮᠥᠨ!》
《ᠲᠡᠢᠮᠦ ᠪᠠᠢᠨᠠ!》 ᠭᠡᠵᠦ ᠨᠢᠭᠡᠨᠢ ᠨᠦᠰᠡᠷ ᠳᠠᠭᠤᠪᠠᠷ ᠬᠡᠯᠡᠪᠡ᠃
《ᠠᠮᠠᠶᠢᠨᠢ ᠲᠠᠭᠯᠠ᠂ ᠴᠢᠨᠠᠳᠤᠬᠢᠪᠠᠨ!》
ᠪᠥᠭᠡᠮᠨᠡᠷᠡᠭᠰᠡᠨ ᠣᠯᠠᠨᠤ ᠠᠷᠤᠳᠤ ᠥᠨᠥᠬᠢ ᠲᠠᠩᠨᠠᠭᠤᠯᠴᠢ᠂ ᠬᠣᠶᠠᠷ ᠴᠡᠷᠢᠭᠦᠨ ᠴᠠᠭᠳᠠᠭᠠᠲᠠᠢ ᠪᠠᠢᠬᠤᠶᠢ ᠡᠬᠡ ᠠᠵᠢᠭᠯᠠᠭᠠᠳ᠂ ᠰᠡᠭᠦᠯᠴᠢᠶᠢᠨ ᠬᠠᠭᠤᠳᠠᠰᠤᠨᠤᠭᠤᠳᠢᠶᠠᠨ ᠥᠭᠴᠦ ᠳᠠᠭᠤᠰᠭᠠᠬᠤ ᠭᠡᠵᠦ ᠶᠠᠭᠠᠷᠠᠨ᠂ ᠭᠠᠷᠢᠶᠠᠨ ᠳᠣᠭᠤᠭᠰᠢ ᠪᠣᠯᠭᠠᠨ ᠬᠠᠢᠷᠴᠠᠭᠲᠠᠭᠠᠨ ᠬᠢᠲᠡᠯᠡ᠂ ᠥᠭᠡᠷᠡ ᠬᠥᠮᠦᠨᠦ ᠭᠠᠷ ᠲᠠᠭᠠᠷᠢᠯᠳᠤᠭᠰᠠᠨᠳᠤ:
《ᠠᠪᠴᠠᠭᠠ᠂ ᠠᠪᠴᠠᠭᠠ!》 ᠭᠡᠵᠦ ᠡᠬᠡ ᠪᠥᠬᠦᠢᠭᠰᠡᠭᠡᠷ ᠬᠡᠯᠡᠨᠡ᠃
《ᠲᠠᠷᠠᠵᠠᠭᠠ!》 ᠭᠡᠵᠦ ᠥᠨᠥᠬᠢ ᠴᠠᠭᠳᠠᠭᠠ ᠬᠠᠰᠭᠢᠷᠤᠭᠰᠠᠨᠳᠤ ᠬᠥᠮᠦᠰ ᠶᠠᠪᠤᠬᠤ ᠳᠤᠷᠠᠦᠭᠡᠢ ᠪᠠᠢᠭᠰᠠᠨᠴᠤ ᠠᠷᠭᠠ ᠪᠤᠰᠤ ᠳᠤᠷᠠᠦᠭᠡᠢ ᠲᠠᠷᠠᠨ ᠶᠠᠪᠤᠬᠤᠳᠠᠭᠠᠨ ᠴᠠᠭᠳᠠᠭᠠᠲᠠᠢ ᠮᠥᠷᠭᠦᠯᠳᠦᠵᠦ᠂ ᠡᠬᠡᠶᠢᠨ ᠵᠦᠭ ᠢᠷᠡᠬᠦᠶᠢᠨᠢ ᠬᠠᠷᠰᠢᠯᠠᠵᠤ ᠪᠠᠢᠪᠠ᠃ ᠡᠨᠡᠬᠦ ᠠᠵᠢᠯᠯᠠᠭᠠᠨᠢ ᠰᠠᠨᠠᠭᠠᠴᠢᠯᠠᠭᠠᠲᠠᠢ ᠪᠢᠰᠢ ᠪᠠᠢᠭᠰᠠᠨᠴᠤ ᠮᠠᠭᠠᠳ᠃ ᠴᠤᠭᠯᠠᠷᠠᠭᠰᠠᠨ ᠣᠯᠠᠨ ᠡᠨᠡᠬᠦ ᠬᠣᠩᠭᠤᠷ ᠳᠥᠯᠭᠡᠬᠡᠨ ᠴᠢᠷᠠᠢᠲᠠᠢ᠂ ᠰᠢᠳᠤᠷᠭᠤ ᠲᠣᠮᠤ ᠨᠢᠳᠦᠲᠡᠢ ᠪᠤᠭᠤᠷᠤᠯ ᠲᠣᠯᠤᠭᠠᠢᠲᠠᠢ ᠨᠠᠰᠤᠲᠠᠨᠳᠤ ᠬᠦᠴᠦᠲᠡᠢ ᠲᠠᠲᠠᠭᠳᠠᠵᠠᠢ᠃ ᠲᠡᠳᠡ ᠶᠡᠷᠦᠨᠢ ᠠᠮᠢᠳᠤᠷᠠᠯᠤᠨ ᠡᠷᠬᠡᠨᠳᠦ ᠬᠠᠷᠢᠯᠴᠠᠨ ᠲᠤᠰᠠᠭᠠᠷᠯᠠᠭᠳᠠᠵᠤ ᠪᠠᠢᠭᠰᠠᠨ ᠪᠣᠯᠪᠠᠴᠤ ᠣᠳᠣ ᠨᠢᠭᠡᠨᠲᠡ ᠡᠬᠡᠶᠢᠨ ᠬᠠᠯᠠᠭᠤᠨ ᠳᠣᠲᠤᠨᠤ ᠶᠠᠷᠢᠶᠠᠨᠳᠤ ᠨᠥᠯᠦᠭᠡᠯᠡᠭᠳᠡᠨ ᠵᠣᠷᠢᠭᠵᠢᠵᠤ᠂ ᠨᠢᠭᠡ ᠴᠣᠭᠴᠠ ᠪᠣᠯᠤᠭᠰᠠᠨ ᠪᠠᠢᠨᠠ᠃ ᠡᠳᠡᠭᠡᠷ ᠦᠭᠡᠨᠢ ᠲᠡᠳᠡᠭᠡᠷ ᠲᠡᠭᠰᠢ ᠪᠤᠰᠤ ᠠᠮᠢᠳᠤᠷᠠᠯᠢ ᠬᠢᠵᠦ ᠭᠤᠲᠤᠭᠠᠯ ᠳᠣᠷᠤᠮᠵᠢᠯᠠᠯᠢ ᠬᠦᠷᠲᠡᠵᠦ ᠪᠠᠢᠭᠰᠠᠨ ᠬᠥᠮᠦᠰᠦᠨ ᠠᠯᠢ ᠬᠡᠳᠦᠢᠨᠡᠴᠡ ᠬᠥᠭᠡᠭᠡᠴᠡᠯᠳᠦᠨ᠂ ᠡᠷᠡᠮᠡᠯᠵᠡᠨ ᠬᠦᠰᠡᠵᠦ ᠪᠠᠢᠭᠰᠠᠨ ᠵᠦᠢᠯ ᠪᠠᠢᠵᠤᠴᠤ ᠮᠠᠭᠠᠳ᠃ ᠳᠡᠷᠭᠡᠳᠡᠨᠢ ᠣᠢᠷᠠᠬᠠᠨ ᠵᠣᠭᠰᠤᠭᠴᠢᠳ ᠳᠠᠭᠤᠦᠭᠡᠢ ᠳᠤᠭᠤᠢ ᠪᠠᠢᠬᠤᠳᠤ ᠡᠬᠡ ᠲᠡᠳᠡᠨᠦ ᠰᠢᠨᠤᠨ ᠠᠩᠬᠠᠷᠴᠤ ᠪᠠᠢᠬᠤ ᠳᠣᠲᠤᠨᠤᠰᠤᠭ ᠬᠠᠷᠠᠴᠠᠶᠢ ᠬᠠᠷᠠᠭᠠᠳ ᠪᠦᠯᠢᠶᠡᠨ ᠠᠮᠢᠰᠭᠤᠯ ᠨᠢᠭᠤᠷ ᠳᠡᠭᠡᠷᠡᠨᠢ ᠢᠷᠡᠵᠦ ᠪᠠᠢᠭᠠᠶᠢ ᠮᠡᠳᠡᠷᠡᠪᠡ᠃