| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠪᠢᠳᠡ ᠪᠣᠯ ᠬᠥᠮᠦᠨ ᠲᠥᠷᠦᠯᠬᠢᠲᠡᠨᠦ ᠰᠢᠨᠡ ᠲᠡᠦᠬᠡᠶᠢ ᠨᠡᠭᠡᠭᠡᠵᠦ ᠪᠠᠢᠭᠠ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠴᠠᠭ ᠦᠶᠡᠳᠦ ᠠᠮᠢᠳᠤᠷᠠᠵᠤ ᠪᠠᠢᠭᠠᠶᠤᠮ᠃ ᠡᠨᠡᠬᠦ ᠴᠠᠭ ᠦᠶᠡᠳᠦ ᠮᠠᠰᠢ ᠣᠯᠠᠨ ᠬᠡᠷᠡᠭ ᠪᠣᠳᠠᠰᠲᠤ ᠬᠥᠮᠦᠰ ᠰᠢᠨᠡ ᠪᠣᠳᠤᠯ ᠰᠢᠨᠡ ᠲᠥᠷᠦᠭᠳᠡᠯ ᠣᠷᠤᠵᠤ ᠪᠠᠢᠨᠠ᠃ ᠲᠤᠶᠠᠭᠠ ᠰᠠᠴᠤᠷᠠᠭᠤᠯᠤᠭᠰᠠᠨ ᠤᠷᠭᠤᠬᠤ ᠨᠠᠷᠠ᠂ ᠮᠥᠩᠬᠡ ᠨᠣᠭᠤᠭᠠᠨ ᠨᠠᠷᠠᠰᠤ ᠮᠠᠢᠯᠠᠰᠤ᠂ ᠰᠡᠬᠦᠢᠨ ᠰᠦᠨᠳᠡᠷᠯᠡᠭᠰᠡᠨ ᠬᠠᠳᠠ ᠣᠷᠭᠢᠯ᠂ ᠣᠢᠯᠠᠰᠤᠨ ᠳᠣᠯᠭᠢᠶᠠᠯᠠᠭᠰᠠᠨ ᠠᠨᠠᠪᠠᠳ ᠳᠠᠯᠠᠢᠶᠢ ᠴᠥᠭᠡᠨ ᠪᠤᠰᠤ ᠬᠥᠮᠦᠰ ᠮᠠᠭᠲᠠᠨ ᠳᠠᠭᠤᠯᠠᠵᠤ ᠪᠠᠢᠬᠤ ᠪᠢᠰᠢᠦᠦ? ᠢᠳᠡᠷᠡᠭᠦᠨ ᠰᠦᠷᠯᠢᠭ ᠴᠠᠭᠠᠨ ᠤᠯᠢᠶᠠᠰᠤ᠂ ᠭᠡᠭᠡᠨ ᠰᠠᠷᠠᠭᠤᠯ ᠳ᠋ᠧᠩᠦᠨ ᠭᠡᠷᠡᠯ᠂ ᠠᠭᠰᠤᠮᠨᠠᠨ ᠳᠠᠪᠬᠢᠬᠤ ᠲᠡᠷᠭᠡ᠂ ᠴᠣ᠋ ᠰᠢᠨᠡ ᠤᠯᠠᠷᠢᠯᠤᠨ ᠪᠢᠴᠢᠭᠢ ᠴᠥᠭᠡᠨ ᠪᠤᠰᠤ ᠬᠥᠮᠦᠰ ᠪᠠᠬᠠᠳᠤᠨ ᠱᠠᠭᠰᠢᠵᠤ ᠪᠠᠢᠬᠤ ᠪᠢᠰᠢᠦᠦ? ᠶᠠᠭᠤᠮᠠᠨᠠᠴᠠᠨᠢ ᠬᠥᠮᠦᠨᠢᠨᠢ ᠳᠤᠷᠠᠰᠤᠨᠠ ᠭᠡᠭᠴᠢᠪᠡᠷ ᠡᠳᠡᠭᠡᠷ ᠵᠦᠢᠯᠡᠰᠨᠢ ᠬᠥᠮᠦᠰᠲᠦ ᠬᠡᠴᠢᠨᠡᠨ ᠡᠯᠪᠡᠭ ᠪᠠᠶᠠᠯᠢᠭ᠂ ᠭᠦᠨ ᠰᠡᠳᠭᠢᠯᠲᠦ ᠲᠠᠭᠠᠮᠠᠭᠯᠠᠯᠢ ᠲᠥᠷᠦᠭᠳᠡᠭᠦᠯᠦᠭᠰᠡᠨᠦᠭᠡᠢ ᠪᠤᠢ?
ᠡᠨᠳᠡ ᠪᠢ ᠡᠬᠡ ᠭᠠᠵᠠᠷ᠂ ᠰᠢᠪᠠᠷ ᠰᠢᠷᠤᠢᠶᠢᠨ ᠲᠤᠬᠠᠢ ᠶᠠᠷᠢᠶᠠ ᠭᠡᠵᠦ ᠪᠣᠳᠤᠵᠤ ᠪᠠᠢᠨᠠ᠃
ᠲᠠ ᠨᠢᠰᠭᠡᠯᠳᠦ ᠰᠠᠭᠤᠭᠠᠳ ᠨᠣᠭᠤᠭᠠᠨ ᠬᠡᠮᠡᠷᠯᠢᠭ ᠨᠥᠮᠦᠷᠦᠭᠰᠡᠨ ᠦᠵᠦᠭᠦᠷ ᠬᠢᠵᠠᠭᠠᠷᠦᠭᠡᠢ ᠡᠬᠡ ᠭᠠᠵᠠᠷᠢ ᠬᠠᠷᠠᠬᠤᠳᠠᠭᠠᠨ᠂ ᠲᠠ ᠮᠠᠰᠢᠨᠤ ᠴᠣᠩᠬᠤᠶᠢ ᠲᠦᠰᠢᠨ ᠰᠠᠭᠤᠭᠠᠳ ᠲᠦᠮᠡᠨ ᠪᠡᠷᠡᠶᠢᠨ ᠲᠡᠭᠰᠢ ᠲᠠᠯᠠᠶᠢ ᠬᠠᠷᠠᠬᠤᠳᠠᠭᠠᠨ᠂ ᠡᠰᠡᠬᠦᠯᠡ ᠬᠥᠳᠡᠭᠡ ᠲᠣᠰᠭᠤᠨᠳᠤ ᠠᠬᠠᠮᠠᠳ ᠲᠠᠷᠢᠶᠠᠴᠢᠨ ᠠᠳᠭᠤ ᠰᠢᠷᠤᠢ ᠠᠪᠤᠭᠠᠳ ᠨᠠᠷᠢᠪᠴᠢᠯᠠᠨ ᠰᠢᠨᠵᠢᠵᠦ᠂ ᠴᠣᠬᠤᠮ ᠶᠠᠮᠠᠷ ᠦᠷᠡ ᠲᠠᠷᠢᠶᠠ ᠪᠤᠶᠤ ᠨᠣᠭᠤᠭᠠ ᠲᠠᠷᠢᠪᠠᠯ ᠳᠡᠭᠡᠷᠡ ᠭᠡᠳᠡᠭᠢ ᠪᠣᠳᠤᠵᠤ ᠪᠠᠢᠬᠤᠶᠢᠨᠢ ᠬᠠᠷᠠᠬᠤᠳᠠᠭᠠᠨ᠂ ᠡᠰᠡᠬᠦᠯᠡ ᠲᠠ ᠥᠪᠡᠷᠢᠶᠡᠨ ᠣᠯᠠᠨᠲᠠᠢᠪᠠᠨ ᠬᠠᠮᠲᠤ ᠲᠠᠷᠢᠶᠠᠨ ᠴᠢᠬᠢ ᠰᠠᠭᠤᠯᠭᠠᠬᠤᠳᠤ ᠬᠠᠷᠠ ᠰᠢᠪᠠᠷ ᠬᠥᠯᠦᠨ ᠰᠠᠯᠠᠭᠠᠪᠴᠢᠠᠴᠠᠴᠢᠨᠢ ᠪᠢᠴᠠᠷᠠᠨ ᠭᠠᠷᠴᠤ ᠪᠠᠢᠬᠤ ᠦᠶᠡᠰ᠂ ᠭᠠᠵᠠᠷ ᠲᠠᠷᠢᠶᠠᠶᠢᠨ ᠲᠤᠬᠠᠢ ᠲᠠ ᠶᠡᠬᠡ ᠣᠯᠠᠨ ᠶᠠᠭᠤᠮᠠ ᠪᠣᠳᠤᠪᠠᠤᠤᠦᠭᠡᠢᠤᠤ? ᠲᠡᠭᠦᠨᠦ ᠥᠩᠭᠡᠷᠡᠭᠰᠡᠨ ᠪᠠ ᠢᠷᠡᠭᠡᠳᠦᠢᠶᠢᠨᠢ᠂ ᠬᠥᠳᠡᠯᠮᠦᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠦᠶᠡ ᠤᠯᠠᠷᠢᠨ ᠭᠠᠵᠠᠷ ᠰᠢᠷᠤᠢᠶᠢᠨ ᠡᠵᠡᠨᠨᠢ ᠪᠣᠯᠬᠤᠶᠢᠨ ᠲᠥᠯᠦᠭᠡ ᠬᠡᠷᠬᠢᠨ ᠲᠡᠮᠡᠴᠡᠵᠦ ᠴᠢᠰᠤᠪᠠᠨ ᠤᠷᠤᠰᠭᠠᠭᠰᠠᠨᠢᠨᠢ᠂ ᠤᠷᠲᠤ ᠤᠳᠠᠭᠠᠨ ᠲᠡᠦᠬᠡᠨ ᠳᠡᠭᠡᠷᠡ ᠮᠠᠨᠤ ᠭᠠᠵᠠᠷ ᠲᠠᠷᠢᠶᠠᠨᠤ ᠬᠡᠰᠡᠭ ᠪᠦᠷᠢᠳᠦ ᠢᠯᠡᠷᠡᠭᠰᠡᠨ ᠬᠥᠮᠦᠨ ᠪᠠ ᠦᠢᠯᠡ ᠬᠡᠷᠡᠭᠢᠨᠢ᠂ ᠲᠡᠳᠡᠨᠦ ᠵᠣᠪᠠᠯᠠᠩ᠂ ᠬᠢᠯᠢᠩ᠂ ᠬᠦᠰᠡᠯᠡᠩ᠂ ᠲᠠᠪᠢᠯᠠᠩᠢᠨᠢ ᠰᠠᠨᠠᠪᠠᠤᠤᠦᠭᠡᠢᠤᠤ?
ᠵᠠᠷᠢᠮᠳᠠᠭᠠᠨ ᠪᠢ ᠬᠠᠨᠠᠭᠠᠷ ᠠᠭᠤᠳᠠᠮ ᠡᠬᠡ ᠳᠡᠯᠡᠬᠡᠢᠶᠢ ᠪᠠᠷᠠᠯᠠᠭᠰᠠᠭᠠᠷ ᠪᠣᠳᠤᠯ ᠰᠡᠳᠭᠢᠯᠦᠨ ᠬᠤᠯᠠᠨᠳᠠᠬᠢᠶᠢ ᠵᠠᠢᠳᠠᠩᠨᠠᠵᠤ ᠠᠯᠤᠰ ᠲᠡᠷᠲᠡᠭᠡ ᠳᠠᠪᠬᠢᠭᠤᠯᠤᠨ ᠬᠦᠷᠦᠭᠡᠳ ᠵᠢᠯᠤᠭᠤᠪᠠᠨ ᠰᠠᠶᠢ ᠲᠠᠲᠠᠰᠭᠢᠵᠦ ᠨᠢᠳᠦᠨ ᠡᠮᠦᠨᠡᠬᠢ ᠭᠡᠷᠡᠯ ᠭᠢᠯᠪᠠᠭᠠᠲᠤ ᠦᠨᠡᠨ ᠠᠬᠤᠢᠶᠢᠨ ᠳᠤᠮᠳᠠᠪᠠᠨ ᠠᠯᠭᠤᠷᠬᠠᠨ ᠪᠤᠴᠠᠨ ᠢᠷᠡᠳᠡᠭ ᠪᠠᠢᠨᠠ᠃
ᠪᠢ ᠬᠣᠶᠠᠷ ᠮᠢᠩᠭᠠ ᠵᠢᠷᠭᠤᠭᠠᠨ ᠵᠠᠭᠤ ᠭᠠᠷᠤᠢ ᠵᠢᠯᠦᠨ ᠡᠮᠦᠨᠡ ᠤᠮᠠᠷᠠ ᠵᠦᠭᠦᠨ ᠲᠠᠯᠠ ᠭᠠᠵᠠᠷ ᠳᠡᠭᠡᠷᠡ ᠪᠣᠯᠤᠭᠰᠠᠨ ᠨᠢᠭᠡ ᠦᠯᠢᠭᠡᠷᠢ ᠰᠠᠨᠠᠯᠠ᠃
ᠵᠢᠭᠤᠳᠠᠵᠤ ᠶᠠᠪᠤᠬᠤ ᠨᠢᠭᠡ ᠪᠦᠯᠦᠭ ᠢᠵᠠᠭᠤᠷᠲᠠᠳ ᠰᠢᠷᠠ ᠬᠥᠷᠦᠰᠦᠲᠦ ᠲᠠᠯᠠ ᠭᠠᠵᠠᠷᠢᠶᠠᠷ ᠰᠠᠨᠳᠤᠷᠤᠩᠭᠤᠢ ᠳᠠᠪᠬᠢᠭᠤᠯᠵᠤ ᠪᠠᠢᠪᠠ᠃ ᠲᠡᠳᠡ ᠬᠡᠳᠦᠢᠪᠡᠷ ᠰᠡᠯᠡᠮᠡ ᠵᠡᠭᠦᠵᠦ ᠲᠡᠷᠭᠡ ᠬᠥᠯᠭᠡᠯᠡᠵᠦ ᠪᠠᠢᠪᠠᠴᠤ ᠶᠠᠳᠠᠷᠠᠵᠤ ᠴᠤᠴᠠᠵᠤ᠂ ᠥᠯᠦᠰᠴᠦ ᠥᠯᠪᠡᠷᠬᠦᠶᠢᠨ ᠲᠤᠢᠯᠳᠤ ᠲᠤᠯᠤᠭᠰᠠᠨᠨᠢ ᠦᠵᠡᠲᠡᠯᠡ ᠢᠯᠡᠷᠬᠡᠢ᠃ ᠲᠡᠳᠡ ᠬᠠᠢᠨ ᠰᠤᠷᠠᠬᠤ ᠬᠠᠷᠠᠴᠠᠪᠠᠷ ᠲᠠᠷᠢᠶᠠ ᠤᠷᠭᠤᠮᠠᠯᠢ ᠠᠵᠢᠭᠯᠠᠵᠤ ᠶᠠᠪᠤᠨᠠ᠂ ᠭᠡᠲᠡᠯᠡ ᠰᠢᠲᠠᠮᠠ ᠨᠠᠷᠠᠨ ᠲᠥᠭᠡᠨᠡᠵᠦ᠂ ᠪᠤᠭᠤᠳᠠᠢᠶᠢᠨ ᠴᠢᠬᠢ ᠵᠤᠷᠬᠠᠪᠠᠨᠳᠠᠭᠠᠨ ᠴᠣᠬᠤᠷᠲᠤᠭᠠᠳ ᠢᠳᠡᠬᠦ ᠶᠠᠭᠤᠮᠠ ᠭᠡᠵᠦ ᠬᠠᠮᠢᠭᠠᠠᠴᠠ ᠣᠯᠳᠠᠬᠤ ᠠᠵᠢ! ᠨᠢᠭᠡ ᠲᠠᠷᠢᠶᠠᠴᠢᠨ ᠲᠠᠷᠢᠶᠠᠪᠠᠨ ᠠᠷᠴᠢᠵᠤ ᠪᠠᠢᠪᠠ᠃ ᠵᠢᠭᠤᠳᠠᠵᠤ ᠶᠠᠪᠤᠬᠤ ᠬᠥᠮᠦᠰᠦᠨ ᠳᠣᠲᠤᠷᠠᠠᠴᠠ ᠵᠢᠨᠦᠩ ᠮᠠᠶᠢᠭᠲᠠᠢ ᠨᠢᠭᠡ ᠬᠥᠮᠦᠨ ᠲᠡᠷᠭᠡᠨᠡᠴᠡᠪᠡᠨ ᠪᠠᠭᠤᠵᠤ ᠲᠠᠷᠢᠶᠠᠴᠢᠨᠠᠴᠠ: 《ᠪᠢᠳᠡᠨᠳᠦ ᠵᠢᠭᠠᠯ ᠵᠢᠭᠤᠯ ᠢᠳᠡᠬᠦ ᠶᠠᠭᠤᠮᠠ ᠥᠭᠬᠦᠶᠢ ᠲᠠᠨᠠᠴᠠ ᠭᠤᠶᠤᠶᠠ! ᠪᠢᠳᠡ ᠬᠡᠴᠢᠨᠡᠨ ᠡᠳᠦᠷ ᠶᠠᠭᠤᠮᠠ ᠢᠳᠡᠭᠡᠦᠭᠡᠢ ᠪᠣᠯᠬᠣᠷ ᠲᠠ ᠶᠠᠭᠠᠬᠢᠭᠰᠠᠨᠴᠤ ᠬᠠᠪᠰᠤᠷᠴᠤ ᠦᠵᠡ ᠳ᠋ᠡ 》 ᠭᠡᠵᠦ ᠶᠣᠰᠤᠷᠬᠠᠨ ᠭᠤᠶᠤᠵᠠᠢ᠃ ᠮᠥᠷᠦ ᠳᠠᠯᠤ ᠨᠢᠴᠦᠭᠦᠨ᠂ ᠡᠷᠦᠬᠡ ᠭᠡᠷᠲᠡᠭᠡᠨ ᠢᠳᠡᠬᠦ ᠡᠮᠦᠰᠬᠦᠳᠡᠭᠡᠨ ᠵᠦᠳᠡᠵᠦ ᠪᠠᠢᠭᠠ ᠲᠠᠷᠢᠶᠠᠴᠢᠨ ᠡᠳᠡᠭᠡᠷ ᠲᠠᠷᠢᠵᠤ ᠬᠤᠷᠢᠶᠠᠬᠤᠶᠢᠨ ᠵᠣᠪᠠᠯᠠᠩᠢ ᠦᠯᠦ ᠮᠡᠳᠡᠭᠴᠢ ᠬᠥᠮᠦᠰᠢ ᠬᠢᠯᠠᠮᠬᠢᠨ ᠬᠠᠷᠠᠭᠠᠳ ᠶᠠᠭᠤᠴᠤ ᠬᠡᠯᠡᠭᠰᠡᠨᠦᠭᠡᠢ᠂ ᠲᠠᠷᠢᠶᠠᠨᠠᠴᠠᠪᠠᠨ ᠲᠣᠮᠤᠬᠠᠨ ᠬᠡᠰᠡᠭᠲᠦ ᠰᠢᠷᠤᠢᠶᠢ ᠠᠪᠴᠤ ᠵᠢᠨᠦᠩ ᠮᠠᠶᠢᠭᠲᠠᠢ ᠬᠥᠮᠦᠨᠦ ᠡᠮᠦᠨᠡ ᠠᠪᠠᠴᠢᠭᠠᠳ᠂ ᠭᠤᠨᠢᠭ ᠬᠣᠷᠤᠰᠤᠯᠢᠶᠠᠨ ᠳᠠᠷᠤᠨ ᠪᠠᠢᠵᠤ: 《ᠡᠭᠦᠨᠢ ᠠᠪ!》 ᠭᠡᠵᠦ ᠬᠡᠯᠡᠪᠡ᠃ ᠵᠢᠨᠦᠩ ᠮᠠᠶᠢᠭᠲᠠᠢ ᠬᠥᠮᠦᠨ ᠡᠭᠦᠨᠡᠴᠡ ᠪᠣᠯᠵᠤ ᠬᠢᠯᠢᠩ ᠲᠥᠷᠦᠨ ᠠᠭᠤᠷᠰᠠᠭᠰᠠᠨ ᠪᠣᠯᠤᠯᠲᠠᠢ ᠡᠷᠭᠢᠵᠦ ᠬᠠᠷᠠᠭᠠᠳ ᠲᠡᠷᠭᠡᠨ ᠳᠡᠭᠡᠷᠡᠡᠴᠡᠪᠡᠨ ᠮᠣᠷᠢᠨ ᠲᠠᠰᠢᠭᠤᠷᠢᠶᠠᠨ ᠠᠪᠴᠤ᠂ ᠶᠠᠩᠪᠠ ᠯᠠᠷᠵᠢᠶᠠᠪᠠᠨ ᠦᠵᠡᠭᠦᠯᠬᠦ ᠭᠡᠵᠦ ᠪᠣᠳᠤᠭᠠᠳ᠂ ᠠᠶᠤᠮᠰᠢᠭᠦᠭᠡᠢ ᠰᠦᠷ ᠰᠦᠯᠳᠡᠳᠦᠨᠢ ᠬᠠᠯᠳᠠᠭᠰᠠᠨ ᠲᠠᠷᠢᠶᠠᠴᠢᠨᠢ ᠲᠠᠰᠢᠭᠤᠷᠳᠠᠬᠤ ᠭᠡᠵᠡᠢ᠃ ᠭᠡᠲᠡᠯᠡ ᠠᠬᠢᠮᠠᠭ ᠨᠠᠰᠤᠨᠤ ᠲᠦᠰᠢᠮᠡᠯ ᠮᠠᠶᠢᠭᠲᠠᠢ ᠬᠥᠮᠦᠨ ᠬᠣᠷᠢᠵᠤ ᠵᠣᠭᠰᠤᠭᠠᠭᠠᠳ: 《ᠡᠨᠡ ᠪᠣᠯ ᠭᠠᠵᠠᠷ ᠰᠢᠷᠤᠢᠶᠤᠮ᠂ ᠳᠡᠭᠡᠳᠦ ᠲᠩᠷᠢᠡᠴᠡ ᠮᠠᠨᠳᠤ ᠢᠪᠡᠭᠡᠭᠰᠡᠨ ᠰᠢᠦ᠂ ᠡᠨᠡᠴᠢᠨᠢ ᠮᠠᠨᠳᠠᠭᠠᠨ ᠪᠡᠯᠭᠡᠲᠡᠢ ᠶᠠᠭᠤᠮᠠ ᠪᠣᠯᠬᠤ ᠪᠢᠰᠢᠦᠦ?》 ᠭᠡᠵᠡᠢ᠃ ᠲᠡᠭᠡᠬᠦᠳᠦ ᠬᠠᠴᠢᠨ ᠵᠢᠭᠲᠡᠢ ᠪᠠᠢᠳᠠᠯ ᠭᠠᠷᠴᠠᠢ᠃ ᠲᠡᠷᠡ ᠵᠢᠨᠦᠩ ᠮᠠᠶᠢᠭᠲᠠᠢ ᠬᠥᠮᠦᠨ ᠭᠡᠨᠡᠳᠲᠡ ᠭᠠᠵᠠᠷ ᠰᠥᠭᠦᠳᠴᠦ᠂ ᠳᠡᠭᠡᠳᠦ ᠲᠡᠭᠷᠢᠳᠦ ᠮᠥᠷᠭᠦᠨ ᠲᠠᠯᠠᠷᠬᠠᠭᠠᠳ ᠪᠥᠭᠡᠮ ᠰᠢᠪᠠᠷᠢ ᠲᠥᠪ ᠶᠡᠬᠡᠮᠰᠦᠭᠢᠶᠡᠷ ᠪᠢᠲᠡᠭᠦᠯᠡᠨ ᠠᠪᠴᠤ᠂ ᠲᠡᠷᠭᠡᠨ ᠳᠡᠭᠡᠷᠡᠪᠡᠨ ᠲᠠᠯᠪᠢᠵᠤ᠂ ᠮᠣᠷᠢᠪᠠᠨ ᠰᠢᠪᠠᠳᠠᠨ ᠶᠠᠪᠤᠵᠠᠭᠠᠪᠠ᠃ ᠲᠡᠷᠭᠡ ᠮᠣᠷᠢᠳᠤᠨ ᠥᠩᠭᠡᠷᠡᠭᠰᠡᠨ ᠭᠠᠵᠠᠷᠠᠴᠠ ᠲᠡᠭᠷᠢ ᠲᠤᠯᠤᠮᠠ ᠲᠣᠭᠤᠰᠤ ᠪᠤᠵᠢᠭᠢᠨᠠᠯᠠ ᠁
ᠡᠨᠡ ᠪᠣᠯ 《ᠽᠦᠸᠧ ᠵᠤᠸᠠᠨ ᠱᠠᠰᠲᠢᠷ》ᠲᠤ ᠲᠡᠮᠳᠡᠭᠯᠡᠭᠳᠡᠭᠰᠡᠨ᠂ ᠴᠦᠨ ᠴᠢᠦᠶᠢᠨ ᠦᠶᠡᠶᠢᠨ ᠵᠢᠨ ᠭᠦᠷᠦᠨᠦ ᠭᠦᠩᠦᠨ ᠠᠭᠡ ᠴᠦᠩ ᠡᠯ ᠳᠤᠲᠠᠭᠠᠵᠤ ᠶᠠᠪᠤᠬᠤ ᠵᠠᠮᠳᠤ ᠭᠠᠷᠤᠭᠰᠠᠨ ᠦᠯᠢᠭᠡᠷᠶᠦᠮ᠃
ᠡᠢᠮᠦ ᠬᠠᠴᠢᠨ ᠵᠢᠭᠲᠡᠢ ᠶᠠᠪᠤᠳᠠᠯ ᠭᠠᠷᠳᠠᠭᠨᠢ ᠶᠠᠮᠠᠷ ᠤᠴᠢᠷ ᠪᠤᠢ? ᠭᠡᠪᠡᠯ ᠡᠳᠡᠭᠡᠷ ᠢᠵᠠᠭᠤᠷᠲᠠᠳ ᠵᠢᠭᠤᠳᠠᠵᠤ ᠶᠠᠪᠤᠬᠤ ᠵᠠᠮᠳᠠᠭᠠᠨ ᠶᠠᠩᠪᠠ ᠯᠠᠷᠵᠢᠶᠠᠪᠠᠨ ᠠᠷᠭᠠ ᠪᠤᠰᠤ ᠳᠠᠷᠤᠵᠤ ᠪᠠᠢᠬᠤ ᠬᠡᠷᠡᠭᠲᠡᠢᠡᠴᠡ ᠭᠠᠳᠠᠨᠠ ᠪᠠᠰᠠ ᠨᠢᠭᠡ ᠰᠢᠯᠲᠠᠭᠠᠨᠨᠢ᠂ ᠲᠡᠳᠡᠨᠦ ᠨᠢᠳᠦᠨᠳᠦ ᠭᠠᠵᠠᠷ ᠲᠠᠷᠢᠶᠠ ᠪᠣᠯ ᠳᠡᠭᠡᠳᠦ ᠲᠡᠭᠷᠢᠶᠢᠨ ᠥᠭᠦᠯᠡᠰᠢᠦᠭᠡᠢ ᠢᠪᠡᠭᠡᠯ ᠪᠠ ᠡᠳ᠋ ᠪᠠᠶᠠᠯᠢᠭ᠂ ᠡᠷᠬᠡ ᠰᠦᠷᠢ ᠲᠥᠯᠦᠭᠡᠯᠡᠵᠦ ᠪᠠᠢᠬᠤᠶᠤᠮ ᠭᠡᠨᠡ! ᠭᠠᠵᠠᠷ ᠰᠢᠷᠤᠢᠶᠢᠨ ᠥᠮᠴᠢᠯᠡᠬᠦ ᠡᠷᠬᠡᠶᠢ ᠡᠵᠡᠮᠰᠢᠴᠢᠬᠡᠪᠡᠯ ᠲᠠᠷᠢᠶᠠᠴᠢᠨᠤ ᠴᠢᠰᠤ ᠬᠥᠯᠦᠰᠦᠶᠢ ᠬᠡᠵᠢᠶᠡ ᠡᠭᠦᠷᠢᠳᠡ ᠰᠣᠷᠤᠵᠤ ᠪᠣᠯᠤᠨᠠ ᠭᠡᠭᠴᠢᠶᠢ ᠲᠡᠳᠡ ᠮᠡᠳᠡᠳᠡᠭ ᠪᠠᠢᠨᠠ᠃
ᠡᠷᠲᠡᠨᠦ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠭᠠᠳ᠂ ᠭᠠᠵᠠᠷ ᠨᠤᠲᠤᠭᠢᠶᠠᠨ ᠭᠦᠩ ᠾᠧᠦᠨᠡᠷᠲᠦ ᠳᠠᠷᠬᠠᠯᠠᠨ ᠱᠠᠩᠨᠠᠬᠤᠳᠠᠭᠠᠨ ᠬᠠᠭᠠᠨᠨᠢ ᠭᠠᠵᠠᠷᠤᠨ ᠮᠠᠨᠳᠠᠯᠳᠤ ᠵᠣᠭᠰᠤᠵᠤ᠂ ᠬᠡᠰᠡᠭ ᠰᠢᠪᠠᠷ ᠠᠪᠤᠭᠠᠳ ᠡᠪᠡᠰᠦ ᠤᠯᠠᠯᠵᠢᠨᠳᠤ ᠪᠣᠭᠤᠵᠤ᠂ ᠳᠠᠷᠬᠠᠯᠠᠭᠳᠠᠬᠤ ᠬᠥᠮᠦᠨᠳᠦ ᠭᠠᠷᠳᠠᠭᠤᠯᠬᠤ ᠡᠢᠮᠦ ᠨᠢᠭᠡᠨ ᠶᠣᠰᠤᠯᠠᠯᠲᠠᠢ ᠪᠠᠢᠵᠠᠢ᠃ ᠳᠡᠭᠡᠷᠡ ᠵᠠᠭᠤᠨᠤ ᠦᠶᠡᠳᠦ ᠺᠣᠯᠣᠨᠢᠴᠢᠯᠠᠭᠴᠢ ᠳᠡᠭᠡᠷᠡᠮᠴᠢᠳ ᠢᠳᠡᠷ ᠨᠠᠰᠤᠨᠳᠠᠭᠠᠨ ᠪᠠᠢᠬᠤ ᠦᠶᠡᠰᠲᠡᠭᠡᠨ ᠨᠣᠮᠤᠬᠠᠨ ᠳᠠᠯᠠᠢᠶᠢᠨ ᠣᠯᠠᠨ ᠠᠷᠠᠯ ᠳᠡᠭᠡᠷᠡᠬᠢ ᠨᠤᠲᠤᠭᠤᠨ ᠬᠥᠮᠦᠰᠢ ᠤᠯᠠᠢᠷᠠᠨ ᠬᠢᠳᠤᠵᠤ᠂ ᠲᠡᠳᠡᠨᠢ ᠠᠯᠪᠠᠳᠠᠨ ᠣᠷᠤᠭᠤᠯᠵᠤ ᠠᠪᠬᠤᠳᠠᠭᠠᠨ ᠨᠢᠭᠡ ᠵᠦᠢᠯᠦᠨ ᠪᠠᠭᠤᠵᠤ ᠥᠭᠬᠦ ᠶᠣᠰᠤᠯᠠᠯ ᠶᠠᠪᠤᠭᠤᠯᠳᠠᠭ᠃ ᠲᠤᠬᠠᠢᠯᠠᠪᠠᠯ ᠨᠤᠲᠤᠭᠤᠨ ᠬᠥᠮᠦᠰᠢ ᠭᠠᠵᠠᠷ ᠰᠥᠭᠦᠳᠭᠡᠵᠦ᠂ ᠡᠯᠡᠰᠦ ᠰᠢᠷᠤᠢᠶᠢ ᠲᠣᠯᠤᠭᠠᠢ ᠳᠡᠭᠡᠷᠡᠨᠢ ᠠᠰᠭᠠᠭᠤᠯᠳᠠᠭ᠃ ᠣᠯᠠᠩᠬᠢ ᠭᠠᠵᠠᠷᠤᠨ ᠠᠢᠮᠠᠭ ᠶᠠᠰᠤᠲᠠᠳ ᠰᠥᠭᠦᠳᠴᠦ ᠪᠠᠢᠭᠠ ᠦᠶᠡᠳᠡᠭᠡᠨ ᠠᠷᠢᠭᠤᠨ ᠳᠠᠷᠬᠠᠨ ᠬᠥᠷᠦᠰᠦ ᠰᠢᠷᠤᠢᠶᠢ ᠭᠠᠪᠠᠯᠠ ᠳᠡᠭᠡᠷᠡᠪᠡᠨ ᠭᠠᠷᠭᠠᠬᠤ ᠳᠤᠷᠠᠦᠭᠡᠢᠠᠴᠠ ᠪᠣᠯᠤᠭᠠᠳ ᠪᠥᠭᠡᠮᠢᠶᠡᠷ ᠬᠢᠳᠤᠭᠳᠠᠭᠰᠠᠨ ᠪᠢᠯᠡ᠃
ᠠ! ᠡᠷᠳᠡᠨᠢᠲᠦ ᠭᠠᠵᠠᠷ ᠲᠠᠷᠢᠶᠠᠮᠢᠨᠢ! ᠲᠠᠷᠢᠵᠤ ᠬᠤᠷᠢᠶᠠᠬᠤᠶᠢ ᠦᠯᠦ ᠮᠡᠳᠡᠭᠴᠢ ᠮᠥᠯᠵᠢᠭᠴᠢ ᠠᠩᠭᠢ ᠠᠷᠭᠠ ᠪᠦᠬᠦᠨᠢ ᠰᠦᠪᠡᠭᠴᠢᠯᠡᠨ ᠲᠡᠭᠦᠨᠢ ᠪᠤᠯᠢᠶᠠᠵᠤ ᠳᠡᠭᠡᠷᠡᠮᠳᠡᠨ ᠠᠪᠴᠤ᠂ ᠲᠡᠭᠦᠨᠢᠶᠡᠷ ᠡᠳ᠋ ᠪᠠᠶᠠᠯᠢᠭᠢ ᠴᠥᠯᠪᠡᠨ ᠠᠪᠬᠤ ᠪᠠᠭᠠᠵᠢ ᠪᠣᠯᠭᠠᠬᠤᠶᠢᠯᠠ ᠮᠡᠳᠡᠭᠰᠡᠨᠶᠦᠮ᠃ ᠭᠠᠵᠠᠷ ᠳᠡᠭᠡᠷᠡ ᠲᠠᠪᠤᠨ ᠲᠠᠷᠢᠶᠠᠶᠢ ᠭᠠᠷᠳᠠᠨ ᠲᠠᠷᠢᠭᠴᠢ᠂ ᠦᠨᠡᠩᠬᠦ ᠭᠦᠨ ᠵᠤᠵᠠᠭᠠᠨ ᠰᠡᠳᠭᠢᠯᠭᠡᠲᠡᠢ ᠬᠥᠳᠡᠯᠮᠦᠷᠢᠴᠢᠳᠯᠡ ᠲᠡᠭᠦᠨᠢ ᠠᠩᠭᠢᠷ ᠤᠭᠤᠷᠠᠭᠢᠶᠠᠨ ᠬᠥᠬᠦᠭᠦᠯᠦᠭᠰᠡᠨ ᠡᠵᠢᠲᠡᠢᠪᠡᠨ ᠵᠦᠢᠷᠯᠡᠳᠡᠭ ᠪᠢᠯᠡ᠃ ᠡᠨᠳᠡ ᠬᠦᠷᠲᠡᠯᠡ ᠶᠠᠷᠢᠬᠤᠳᠤ ᠬᠥᠮᠦᠰᠦᠨ ᠰᠡᠳᠭᠢᠯᠭᠡᠶᠢᠨ ᠳᠣᠯᠭᠢᠶᠠᠨᠢ ᠪᠣᠰᠭᠠᠳᠠᠭ ᠶᠡᠬᠡ ᠠᠷᠪᠢᠨ ᠤᠴᠢᠷ ᠶᠠᠪᠤᠳᠠᠯ ᠰᠠᠨᠠᠭᠠᠨᠳᠤ ᠣᠷᠤᠨᠠ᠃ ᠬᠡᠳᠦᠨ ᠵᠠᠭᠤᠨᠤ ᠲᠤᠷᠰᠢ᠂ ᠲᠤᠬᠠᠢᠶᠢᠨ ᠵᠢᠯᠦᠳᠲᠦ ᠮᠤᠬᠤᠷᠳᠠᠵᠤ ᠬᠣᠭᠤᠰᠤᠷᠠᠭᠰᠠᠨ ᠳᠤᠮᠳᠠᠳᠤ ᠤᠯᠤᠰᠤᠨ ᠲᠠᠷᠢᠶᠠᠴᠢᠳ ᠭᠠᠳᠠᠭᠠᠳᠤᠳᠤ ᠴᠠᠭᠠᠴᠢᠯᠠᠨ ᠠᠮᠢ ᠵᠢᠭᠤᠬᠤᠳᠠᠭᠠᠨ ᠬᠡᠵᠢᠶᠡᠳᠡ ᠨᠢᠭᠡ ᠠᠳᠭᠤ ᠨᠤᠲᠤᠭᠤᠨᠢᠶᠠᠨ ᠰᠢᠷᠤᠢᠶᠢ ᠡᠪᠦᠷᠲᠦᠯᠡᠵᠦ ᠶᠠᠪᠤᠳᠠᠭ ᠪᠢᠯᠡ᠃ ᠲᠡᠷᠡ ᠦᠶᠡᠰ ᠹᠦᠵᠢᠶᠠᠨ᠂ ᠭᠤᠸᠠᠩᠳᠦ᠋ᠩᠦᠨ ᠳᠠᠯᠠᠢᠶᠢᠨ ᠬᠥᠪᠡᠭᠡ ᠳᠠᠭᠠᠤ ᠭᠠᠷᠠᠮᠤᠳᠲᠤ ᠴᠠᠭᠠᠨ ᠪᠤᠳᠤᠭᠢᠶᠠᠷ ᠬᠡᠪᠡᠯᠢᠶᠢᠨᠢ ᠰᠢᠷᠳᠡᠭᠰᠡᠨ᠂ ᠰᠢᠩᠬᠤᠪᠠᠷ ᠲᠣᠯᠤᠭᠠᠢᠶᠢᠨᠢ ᠪᠣᠳᠤᠭᠰᠠᠨ᠂ ᠲᠣᠯᠤᠭᠠᠢᠶᠢᠨ ᠬᠣᠶᠠᠷ ᠬᠠᠵᠠᠭᠤᠳᠤᠨᠢ ᠵᠢᠭᠠᠰᠤᠨ ᠨᠢᠳᠦᠰᠢᠭ ᠭᠠᠷᠠᠬᠠ ᠵᠢᠷᠤᠭᠰᠠᠨ ᠤᠯᠠᠭᠠᠨ ᠲᠣᠯᠤᠭᠠᠢᠲᠤ ᠣᠩᠭᠤᠴᠠᠨᠤᠭᠤᠳ ᠰᠠᠯᠬᠢᠨ ᠬᠥᠯᠭᠡᠯᠡᠨ ᠭᠠᠵᠠᠷ ᠲᠠᠷᠢᠶᠠᠪᠠᠨ ᠠᠯᠳᠠᠭᠰᠠᠨ ᠪᠦᠯᠦᠭ ᠪᠦᠯᠦᠭ ᠲᠠᠷᠢᠶᠠᠴᠢᠳᠢ ᠬᠠᠷᠢ ᠤᠯᠤᠰᠲᠤ ᠬᠦᠷᠭᠡᠨ ᠥᠭᠳᠡᠭ ᠪᠠᠢᠪᠠ᠃ ᠲᠡᠷᠡ ᠦᠶᠡᠳᠦ ᠨᠤᠲᠤᠭ ᠤᠰᠤᠨᠠᠴᠠᠪᠠᠨ ᠰᠠᠯᠵᠤ ᠶᠠᠪᠤᠭᠴᠢᠳ ᠠᠯᠤᠰᠤᠨ ᠠᠶᠠᠨᠳᠤ ᠣᠷᠤᠬᠤᠶᠢᠨᠢᠶᠠᠨ ᠡᠮᠦᠨᠡ ᠬᠤᠳᠳᠤᠭᠠᠴᠠᠪᠠᠨ ᠴᠢᠮᠬᠢ ᠰᠢᠪᠠᠷ ᠠᠪᠴᠤ ᠪᠣᠭᠤᠭᠠᠳ᠂ ᠪᠡᠶᠡᠳᠡᠭᠡᠨ ᠨᠠᠨᠳᠢᠩᠨᠠᠨ ᠬᠠᠳᠠᠭᠠᠯᠠᠵᠤ ᠶᠠᠪᠤᠳᠠᠭ ᠵᠠᠩᠰᠢᠯᠲᠠᠢ ᠪᠠᠢᠵᠠᠢ᠃ ᠲᠡᠳᠡ ᠡᠨᠡ ᠰᠢᠪᠠᠷᠢᠶᠠᠨ 《ᠨᠤᠲᠤᠭᠤᠨ ᠰᠢᠷᠤᠢ》 ᠭᠡᠳᠡᠭ᠃ ᠣᠳᠣ ᠬᠦᠷᠲᠡᠯᠡ ᠭᠠᠳᠠᠭᠠᠳᠤᠳᠤ ᠰᠠᠭᠤᠭᠠ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠠᠷᠢᠶᠠᠲᠤᠨᠠᠷᠤᠨ ᠵᠠᠷᠢᠮᠨᠢ ᠣᠷᠤᠶᠢᠨ ᠬᠣᠷᠭᠤᠳᠠᠭᠠᠨ 《 ᠨᠤᠲᠤᠭᠤᠨ ᠰᠢᠷᠤᠢ》ᠪᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠢᠨᠠ᠃ ᠡᠭᠡᠯ ᠶᠡᠷᠦᠮᠳᠡᠭ ᠴᠢᠮᠬᠢ ᠰᠢᠷᠤᠢᠳᠤ ᠬᠥᠮᠦᠰᠦᠨ ᠬᠡᠴᠢᠨᠡᠨ ᠭᠦᠨ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡᠶᠢ ᠠᠬᠤᠭᠤᠯᠵᠤ ᠪᠠᠢᠬᠤᠶᠢ ᠮᠡᠳᠡᠵᠦ ᠪᠣᠯᠤᠨᠠ ᠳ᠋ᠠ !
ᠥᠩᠭᠡᠷᠡᠭᠰᠡᠨᠳᠦ ᠬᠡᠴᠢᠨᠡᠨ ᠣᠯᠠᠨ ᠬᠥᠳᠡᠯᠮᠦᠷᠢᠴᠢᠨ ᠭᠠᠵᠠᠷ ᠰᠢᠷᠤᠢᠶᠢᠨ ᠲᠥᠯᠦᠭᠡ ᠲᠠᠰᠤᠷᠠᠯᠦᠭᠡᠢ ᠤᠶᠠᠷᠠᠭᠤᠨ ᠵᠢᠪᠬᠤᠯᠠᠩᠲᠤ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ ᠪᠠᠢᠪᠠ - ᠪᠠᠰᠠ ᠬᠡᠳᠦᠢᠴᠢᠨᠡᠭᠡᠨ ᠣᠯᠠᠨ ᠪᠠᠭᠠᠲᠤᠷ ᠵᠢᠷᠤᠮᠲᠠᠨ ᠲᠡᠭᠦᠨᠢᠪᠡᠨ ᠬᠠᠮᠠᠭᠠᠯᠠᠬᠤᠶᠢᠨ ᠲᠥᠯᠦᠭᠡ ᠠᠮᠢ ᠨᠠᠰᠤᠪᠠᠨ ᠡᠷᠡᠯᠬᠡᠭᠢᠶᠡᠷ ᠵᠣᠷᠢᠭᠤᠯᠤᠭᠰᠠᠨ ᠪᠠᠢᠪᠠ! ᠮᠠᠨᠤ ᠤᠯᠤᠰᠲᠤ ᠹᠦᠵᠢᠶᠠᠨᠤ ᠳᠠᠯᠠᠢᠶᠢᠨ ᠬᠥᠪᠡᠭᠡ ᠳᠠᠭᠠᠤ ᠣᠷᠤᠨᠳᠤ ᠲᠡᠦᠬᠡᠨ ᠳᠡᠭᠡᠷᠡ ᠭᠠᠵᠠᠷ ᠰᠢᠷᠤᠢᠪᠠᠨ ᠬᠠᠮᠠᠭᠠᠯᠠᠭᠰᠠᠨ ᠮᠠᠭᠲᠠᠨ ᠳᠠᠭᠤᠯᠠᠭᠤᠰᠢᠲᠠᠢ ᠡᠬᠡ ᠣᠷᠤᠨᠴᠢ ᠥᠯᠢᠭᠡᠷᠦᠳ ᠶᠡᠬᠡ ᠣᠯᠠᠨ ᠤᠯᠠᠮᠵᠢᠯᠠᠭᠳᠠᠵᠤ ᠪᠠᠢᠯᠠ᠃ ᠮᠢᠩ ᠤᠯᠤᠰᠤᠨ ᠰᠡᠭᠦᠯᠴᠢᠶᠢᠨ ᠶᠠᠫᠤᠨ ᠳᠡᠭᠡᠷᠡᠮᠢ ᠡᠰᠡᠷᠭᠦᠴᠡᠭᠰᠡᠨ ᠲᠡᠮᠡᠴᠡᠯ ᠪᠠ ᠮᠠᠨᠵᠤ ᠴᠢᠩᠢ ᠡᠰᠡᠷᠭᠦᠴᠡᠭᠰᠡᠨ ᠲᠡᠮᠡᠴᠡᠯ ᠳᠤᠮᠳᠠ ᠡᠳᠡᠭᠡᠷ ᠭᠠᠵᠠᠷᠲᠤ ᠴᠥᠮ ᠢᠮᠠᠬᠤ ᠰᠢᠷᠤᠢᠪᠠᠨ ᠬᠠᠮᠠᠭᠠᠯᠠᠬᠤ ᠬᠤᠷᠴᠠ ᠰᠢᠷᠦᠭᠦᠨ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠠᠢ᠃ ᠵᠠᠷᠢᠮ ᠭᠠᠵᠠᠷᠤᠨ ᠡᠮᠡᠭᠲᠡᠢᠴᠦᠳ ᠭᠡᠵᠢᠭᠡᠨ ᠳᠡᠭᠡᠷᠡ ᠭᠤᠷᠪᠠᠨ ᠢᠯᠳᠦ ᠮᠡᠲᠦᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠵᠡᠭᠦᠬᠦ ᠶᠠᠪᠤᠳᠠᠯ ᠳᠡᠯᠭᠡᠷᠡᠵᠦ ᠪᠠᠢᠪᠠ᠃ ᠲᠡᠷᠡ ᠪᠣᠯ ᠮᠢᠩ ᠤᠯᠤᠰᠤᠨ ᠦᠶᠡᠶᠢᠨ ᠪᠦᠰᠡᠭᠦᠢᠴᠦᠳ ᠭᠡᠨᠡᠳᠲᠡᠶᠢᠨ ᠳᠠᠭᠠᠷᠢᠯᠲᠠ ᠬᠢᠬᠦ ᠶᠠᠫᠤᠨᠤ ᠳᠡᠭᠡᠷᠡᠮᠴᠢᠳᠲᠡᠢ ᠦᠳᠡᠰᠢ ᠪᠦᠷᠦᠢᠪᠡᠷ ᠬᠠᠯᠵᠠ ᠪᠠᠢᠯᠳᠤᠬᠤᠪᠠᠷ ᠪᠡᠯᠡᠳᠭᠡᠭᠰᠡᠨ ᠵᠠᠰᠠᠯᠤᠨ ᠦᠯᠡᠳᠡᠭᠳᠡᠯ ᠪᠣᠯᠬᠤᠶᠤᠮ᠃ ᠵᠠᠷᠢᠮ ᠭᠠᠵᠠᠷᠲᠤ ᠨᠠᠰᠤᠨᠳᠤ ᠬᠦᠷᠦᠭᠰᠡᠳ ᠦᠬᠦᠪᠡᠯ ᠠᠪᠰᠠᠨᠳᠤ ᠣᠷᠤᠭᠤᠯᠬᠤᠠᠴᠠ ᠡᠮᠦᠨᠡ ᠨᠢᠭᠤᠷᠢᠨᠢ ᠴᠠᠭᠠᠨ ᠪᠥᠰᠢᠶᠡᠷ ᠪᠦᠲᠡᠭᠡᠬᠦ ᠳᠠᠳᠭᠠᠯ ᠳᠡᠯᠭᠡᠷᠡᠵᠦ ᠪᠠᠢᠭᠰᠠᠨ ᠪᠢᠯᠡ᠃ ᠡᠨᠡᠨᠢ ᠮᠢᠩᠦᠨ ᠥᠲᠡᠭᠦᠰ ᠠᠷᠠᠳ ᠤᠷᠢᠳᠤᠬᠢ ᠬᠥᠮᠦᠰᠲᠡᠢᠪᠡᠨ ᠬᠥᠷᠦᠰᠦᠨ ᠳᠣᠣᠷᠠ ᠠᠭᠤᠯᠵᠠᠬᠤᠠᠴᠠ ᠵᠣᠪᠠᠭᠰᠠᠨ᠂ ᠬᠣᠢᠴᠢ ᠦᠶᠡᠪᠡᠨ ᠬᠥᠬᠢᠭᠡᠭᠰᠡᠨ ᠣᠷᠤᠰᠢᠭᠤᠯᠭᠠᠶᠢᠨ ᠶᠣᠰᠤᠯᠠᠯ ᠪᠣᠯᠤᠨᠠ᠃ ᠡᠳᠡᠭᠡᠷ ᠵᠠᠩ ᠳᠠᠳᠭᠠᠯᠨᠢ ᠶᠠᠭᠤᠲᠠᠢ ᠡᠮᠭᠡᠨᠢᠯᠲᠡᠢ᠂ ᠶᠠᠭᠤᠲᠠᠢ ᠪᠠᠭᠠᠲᠤᠷᠯᠢᠭ ᠠᠵᠢ! ᠮᠠᠨᠤ ᠤᠯᠤᠰᠤᠨ ᠵᠠᠨᠵᠢᠶᠠᠩ ᠣᠷᠤᠨᠳᠤ ᠨᠢᠭᠡ ᠬᠥᠭᠦᠷᠭᠡᠶᠢ 《ᠢᠮᠠᠬᠤ ᠠᠯᠲᠠᠨ ᠬᠥᠭᠦᠷᠭᠡ》 ᠭᠡᠵᠦ ᠨᠡᠷᠡᠢᠳᠴᠡᠢ᠃ ᠡᠨᠡ ᠪᠣᠯ 《ᠨᠢᠭᠡ ᠢᠮᠠᠬᠤ ᠰᠢᠷᠤᠢ ᠪᠣᠯ ᠨᠢᠭᠡ ᠢᠮᠠᠬᠤ ᠠᠯᠲᠠ》 ᠭᠡᠰᠡᠨ ᠰᠠᠨᠠᠭᠠᠶᠢ ᠶᠣᠭᠲᠠᠯᠠᠵᠤ ᠪᠠᠢᠬᠤ ᠪᠥᠭᠡᠳ ᠡᠭᠦᠪᠡᠷ ᠲᠤᠬᠠᠢᠶᠢᠨ ᠵᠢᠯᠦᠳᠲᠦ ᠡᠵᠡᠷᠬᠡᠭ ᠲᠦᠷᠢᠮᠡᠭᠡᠢᠲᠡᠨᠢ ᠡᠰᠡᠷᠭᠦᠴᠡᠭᠰᠡᠨ ᠦᠨᠳᠦᠰᠦᠲᠡᠨᠦ ᠪᠠᠭᠠᠲᠤᠷᠴᠤᠳᠢᠶᠠᠨ ᠳᠤᠷᠠᠰᠭᠠᠵᠤ ᠪᠠᠢᠭᠠᠶᠤᠮ᠃ ᠲᠠᠷᠢᠶᠠᠨᠤ ᠤᠷᠲᠤᠶᠢᠨ ᠬᠡᠮᠵᠢᠶᠡ ᠪᠠ ᠲᠠᠯᠠᠪᠠᠢᠶᠢ ᠪᠣᠳᠤᠬᠤ ᠨᠢᠭᠡᠴᠡᠨᠢ ᠬᠣᠣᠰ ᠠᠯᠲᠠ᠂ ᠺᠢᠯᠤᠮᠧᠲᠷ᠂ ᠮᠦ᠂ ᠾᠧᠺᠲ᠋ᠠᠷ ᠪᠠᠢᠵᠤ ᠪᠣᠯᠤᠨᠠ᠃ ᠭᠡᠲᠡᠯᠡ ᠤᠯᠤᠰᠤᠨ ᠨᠤᠲᠤᠭ ᠭᠡᠰᠡᠨ ᠤᠳᠭᠠᠶᠢ ᠠᠬᠤᠭᠤᠯᠵᠤ ᠪᠠᠢᠭᠠ ᠦᠶᠡᠰ᠂ ᠪᠣᠳᠤᠬᠤ ᠨᠢᠭᠡᠴᠡᠨᠢ ᠢᠮᠠᠬᠤᠶᠢᠨ ᠲᠡᠳᠦᠢ᠂ ᠴᠢᠮᠬᠢᠶᠢᠨ ᠲᠡᠳᠦᠢ ᠪᠠᠢᠬᠤ ᠬᠡᠷᠡᠭᠲᠡᠢ᠃ ᠤᠴᠢᠷᠨᠢ᠂ ᠡᠨᠡ ᠪᠣᠯ ᠨᠢᠭᠡ ᠤᠯᠤᠰ ᠣᠷᠤᠨᠤ ᠡᠷᠬᠡ ᠮᠡᠳᠡᠯᠢ ᠲᠥᠯᠦᠭᠡᠯᠡᠵᠦ ᠪᠠᠢᠬᠤᠶᠤᠮ᠃ ᠢᠮᠠᠬᠤᠶᠢᠨ ᠲᠡᠳᠦᠢ ᠭᠠᠵᠠᠷ ᠨᠤᠲᠤᠭᠢᠶᠠᠨᠴᠤ ᠳᠠᠢᠰᠤᠨᠢᠶᠠᠷ ᠬᠠᠯᠳᠠᠭᠤᠯᠬᠤᠦᠭᠡᠢ᠂ ᠴᠢᠮᠬᠢᠶᠢᠨ ᠲᠡᠳᠦᠢ ᠬᠥᠷᠦᠰᠦ ᠰᠢᠷᠤᠢ ᠪᠣᠯᠪᠠᠴᠤ ᠡᠷᠳᠡᠨᠢᠰ ᠮᠥᠨ᠃ ᠡᠨᠳᠡ ᠬᠦᠷᠲᠡᠯᠡ ᠪᠣᠳᠤᠬᠤᠳᠤ ᠮᠠᠨᠤ ᠳᠤᠮᠳᠠᠳᠤ ᠤᠯᠤᠰᠤᠨ ᠪᠦᠬᠦ ᠨᠤᠲᠤᠭ ᠳᠡᠪᠢᠰᠭᠡᠷ ᠮᠠᠨᠤ ᠡᠨᠡ ᠦᠶᠡᠶᠢᠨ ᠬᠢᠨᠦ ᠭᠠᠷᠲᠤ ᠥᠪ ᠦᠨᠡᠩᠬᠦ ᠪᠦᠷᠢᠨ ᠪᠦᠲᠦᠨ ᠪᠣᠯᠬᠤ ᠶᠣᠰᠤᠲᠠᠢ ᠭᠡᠵᠦ ᠪᠢ ᠢᠲᠡᠭᠡᠵᠦ ᠪᠠᠢᠨᠠ᠃
ᠢᠮᠠᠬᠤᠶᠢᠨ ᠲᠡᠳᠦᠢ ᠨᠤᠲᠤᠭ ᠳᠡᠪᠢᠰᠭᠡᠷ ᠭᠡᠳᠡᠭ ᠬᠡᠳᠦᠨ ᠦᠭᠡᠶᠢ ᠳᠤᠷᠠᠳᠬᠤᠳᠠᠭᠠᠨ ᠵᠠᠷᠢᠮ ᠨᠢᠭᠡᠨ ᠠᠷᠠᠯ ᠳᠡᠭᠡᠷᠡᠬᠢ ᠠᠷᠠᠳᠤᠨ ᠪᠠᠢᠯᠳᠤᠭᠴᠢᠶᠢ ᠪᠢ ᠰᠠᠨᠠᠯᠠ᠃ ᠲᠡᠳᠡᠭᠡᠷ ᠠᠷᠠᠯ ᠳᠡᠭᠡᠷᠡ ᠭᠠᠷᠪᠠᠯ 《ᠢᠮᠠᠬᠤᠶᠢᠨ ᠲᠡᠳᠦᠢ ᠨᠤᠲᠤᠭ ᠳᠡᠪᠢᠰᠭᠡᠷ》 ᠭᠡᠳᠡᠭᠦᠨ ᠬᠦᠨᠳᠦ ᠴᠢᠬᠢᠮᠠᠢ ᠤᠳᠭᠠ ᠠᠭᠤᠯᠭᠠᠶᠢᠴᠤ ᠴᠣᠬᠤᠮ ᠭᠦᠨ ᠭᠦᠨᠵᠡᠭᠡᠢ ᠣᠢᠯᠠᠭᠠᠬᠤᠶᠤᠮ᠃ ᠮᠢᠨᠦ ᠬᠦᠷᠴᠦ ᠥᠩᠭᠡᠷᠡᠭᠰᠡᠨ ᠨᠢᠭᠡ ᠠᠷᠠᠯ ᠲᠤᠩ ᠵᠢᠵᠢᠭᠬᠡᠨ ᠪᠠᠢᠯᠠ᠃ ᠭᠡᠲᠡᠯᠡ ᠠᠷᠠᠯ ᠳᠡᠭᠡᠷᠡᠬᠢ ᠠᠮᠢᠳᠤᠷᠠᠯ ᠶᠠᠭᠤᠲᠠᠢ ᠬᠥᠭᠵᠢᠯᠲᠡᠢ ᠪᠠᠢᠭᠰᠠᠨ ᠠᠵᠢ! ᠲᠡᠨᠳᠡᠬᠢᠶᠢᠨ ᠳᠠᠯᠠᠢᠶᠢᠨ ᠡᠷᠭᠢ᠂ ᠥᠨᠳᠦᠷ ᠣᠭᠲᠠᠷᠭᠤᠢ᠂ ᠳᠠᠯᠠᠢᠶᠢᠨ ᠲᠦᠪᠰᠢᠨᠳᠦ ᠲᠦᠷᠢᠮᠡᠭᠡᠢᠯᠡᠭᠴᠢᠶᠢᠨ ᠶᠠᠮᠠᠷᠪᠠ ᠥᠩᠭᠡᠯᠵᠡᠯᠭᠡ ᠪᠠ ᠬᠠᠯᠳᠠᠯᠭᠠᠶᠢ ᠣᠭᠲᠤᠬᠠᠨᠴᠤ ᠣᠢᠷᠠᠲᠤᠭᠤᠯᠬᠤᠦᠭᠡᠢᠶᠢᠨ ᠲᠤᠯᠠ ᠠᠷᠠᠳ ᠲᠦᠮᠡᠨᠦ ᠬᠡᠦᠬᠡᠳ ᠳᠡᠭᠦᠦᠨᠡᠷ ᠴᠡᠷᠢᠭ ᠶᠡᠬᠡ ᠫᠤᠤᠶᠢᠨ ᠵᠢᠭᠰᠠᠭᠠᠯᠤᠨ ᠭᠠᠵᠠᠷᠢᠶᠠᠨ ᠡᠳᠦᠷᠵᠢᠨ ᠰᠥᠨᠢᠵᠢᠨ ᠮᠠᠨᠠᠵᠤ᠂ ᠶᠡᠬᠡ ᠫᠤᠤᠶᠢᠨ ᠰᠢᠯᠢᠶᠡᠷ ᠳᠠᠯᠠᠢ ᠳᠡᠭᠡᠷᠡᠬᠢ ᠶᠠᠮᠠᠷᠴᠤ ᠬᠥᠳᠡᠯᠪᠦᠷᠢᠶᠢ ᠠᠵᠢᠵᠤ ᠮᠡᠳᠡᠳᠡᠭ ᠪᠠᠢᠨᠠ᠃ ᠲᠡᠳᠡᠭᠡᠷ ᠠᠷᠠᠯᠤᠳ ᠶᠡᠬᠡ ᠬᠠᠭᠤᠷᠠᠢᠶᠢᠨ ᠨᠢᠳᠦᠨᠢᠶᠦᠮ᠂ ᠲᠡᠳᠡᠭᠡᠷ ᠪᠠᠢᠯᠳᠤᠭᠴᠢ ᠪᠠᠰᠠ ᠠᠷᠠᠯᠤᠨᠢᠶᠠᠨ ᠨᠢᠳᠦᠨᠢᠶᠦᠮ᠃ ᠰᠠᠯᠬᠢ ᠨᠠᠮᠵᠢᠭᠤᠨ ᠰᠠᠷᠠᠭᠤᠯ ᠰᠥᠨᠢᠴᠦ ᠲᠡᠷᠡ᠂ ᠤᠭᠠᠯᠵᠠ ᠰᠠᠯᠬᠢ ᠣᠢᠯᠠᠨ ᠪᠣᠰᠤᠭᠰᠠᠨ ᠰᠥᠨᠢᠴᠦ ᠲᠡᠷᠡ᠃ ᠲᠡᠳᠡ ᠴᠥᠮ ᠬᠠᠮᠤᠭ ᠠᠩᠬᠠᠷᠤᠯᠢᠶᠠᠨ ᠲᠥᠪᠯᠡᠷᠡᠭᠦᠯᠦᠨ ᠴᠡᠯᠡᠭᠡᠷ ᠠᠭᠤᠳᠠᠮ ᠬᠠᠷᠢᠶᠠ ᠳᠠᠯᠠᠢᠪᠠᠨ ᠴᠠᠭᠳᠠᠨ ᠬᠠᠷᠠᠳᠠᠭ᠃ ᠡᠭᠦᠪᠡᠷ ᠦᠯᠦ ᠪᠠᠷᠠᠨ᠂ ᠲᠡᠳᠡ ᠪᠠᠰᠠ ᠵᠢᠵᠢᠭ ᠠᠷᠠᠯᠢᠶᠠᠨ ᠴᠡᠴᠡᠷᠯᠢᠭ ᠮᠡᠲᠦ ᠦᠵᠡᠰᠭᠦᠯᠡᠩ ᠰᠠᠢᠬᠠᠨ ᠪᠣᠯᠭᠠᠨ ᠪᠠᠢᠭᠤᠯᠵᠠᠢ᠃ ᠮᠣᠭᠠᠢ ᠮᠡᠯᠡᠬᠡᠢᠪᠡᠷ ᠳᠦᠭᠦᠷᠴᠦ᠂ ᠵᠡᠷᠯᠢᠭ ᠤᠷᠭᠤᠮᠠᠯ ᠪᠦᠷᠬᠦᠵᠦ ᠪᠠᠢᠭᠰᠠᠨ ᠠᠲᠠᠷ ᠪᠤᠢᠳᠠ ᠠᠷᠠᠯᠶᠤᠮᠰᠠᠨ᠃ ᠲᠡᠳᠡᠨᠦ ᠬᠠᠲᠠᠭᠤᠵᠢᠯᠲᠤ ᠬᠥᠳᠡᠯᠮᠦᠷᠢᠪᠡᠷ ᠡᠨᠳᠡ ᠪᠠᠲᠤ ᠬᠤᠸᠠᠷᠠᠨ ᠪᠠᠢᠭᠤᠯᠤᠭᠳᠠᠵᠤ᠂ ᠮᠣᠳᠤᠲᠤ ᠵᠠᠮ ᠵᠤᠷᠠᠢᠨ᠂ ᠪᠠᠰᠠ ᠡᠬᠡ ᠣᠷᠤᠨᠤ ᠣᠯᠠᠨ ᠭᠠᠵᠠᠷᠠᠴᠠ ᠴᠡᠴᠡᠭᠦᠨ ᠦᠷᠡ ᠠᠪᠴᠢᠷᠠᠨ᠂ ᠮᠦᠰᠢᠶᠡᠨ ᠳᠣᠬᠢᠯᠵᠠᠬᠤ ᠴᠡᠴᠡᠭ ᠬᠤᠸᠠᠷ ᠪᠣᠯᠤᠨ ᠠᠮᠲᠠᠲᠤ ᠰᠠᠢᠬᠠᠨ ᠬᠥᠬᠡ ᠨᠣᠭᠤᠭᠠᠶᠢ ᠨᠡᠢᠳᠡᠮ ᠲᠠᠷᠢᠵᠠᠢ᠃ ᠲᠡᠭᠦᠨᠴᠢᠯᠡᠨ ᠮᠠᠯᠤᠨ ᠬᠠᠰᠢᠶᠠ ᠪᠠᠷᠢᠵᠤ᠂ ᠲᠠᠭᠲᠠᠭᠠᠶᠢᠨ ᠫᠧᠩ ᠪᠣᠰᠭᠠᠨ᠂ ᠪᠠᠰᠠ ᠳᠠᠯᠠᠢᠠᠴᠠ ᠴᠢᠯᠠᠭᠤᠨ ᠴᠡᠴᠡᠭ ᠱᠦᠭᠦᠵᠦ᠂ ᠠᠷᠠᠯᠤᠨ ᠤᠷᠠᠨ ᠵᠢᠷᠤᠭᠤᠨ ᠬᠡ ᠤᠭᠠᠯᠵᠠᠶᠢ ᠥᠷᠦᠨ ᠭᠠᠷᠭᠠᠵᠠᠢ᠃ ᠲᠡᠭᠦᠨᠢᠨᠢ ᠬᠠᠷᠠᠬᠤᠳᠤ ᠮᠠᠨᠤ ᠪᠤᠢ ᠪᠦᠬᠦᠢ ᠨᠤᠲᠤᠭ ᠳᠡᠪᠢᠰᠭᠡᠷ᠂ ᠲᠡᠭᠦᠨᠦ ᠠᠷᠠᠯ ᠪᠣᠯᠭᠠᠨ᠂ ᠢᠮᠠᠬᠤᠶᠢᠨ ᠲᠡᠳᠦᠢ ᠬᠥᠷᠦᠰᠦ ᠨᠢᠭᠡ ᠪᠦᠷᠢᠨᠢ ᠪᠠᠭᠠᠲᠤᠷᠴᠤᠳᠤᠨ ᠬᠠᠮᠠᠭᠠᠯᠠᠯᠲᠠ ᠳᠣᠣᠷᠠ᠂ ᠬᠥᠯᠦᠰᠦᠨᠳᠦᠨᠢ ᠤᠮᠳᠠᠯᠠᠭᠳᠠᠵᠤ ᠵᠢᠰᠦ ᠴᠢᠷᠠᠢᠪᠠᠨ ᠲᠦᠷᠭᠡᠬᠡᠨ ᠬᠤᠪᠢᠷᠠᠭᠤᠯᠵᠤ ᠪᠠᠢᠨᠠ ᠭᠡᠵᠦ ᠥᠪᠡᠷᠦᠨ ᠡᠷᠬᠡᠦᠭᠡᠢ ᠪᠣᠳᠤᠭᠳᠠᠨᠠ᠃
ᠪᠢᠳᠡᠨᠦ ᠨᠢᠳᠦᠨᠳᠦ ᠡᠭᠡᠯ ᠶᠡᠷᠦᠮᠳᠡᠭ ᠦᠵᠡᠭᠳᠡᠬᠦ ᠬᠡᠰᠡᠭ ᠲᠠᠷᠢᠶᠠ ᠪᠣᠯᠭᠠᠨ ᠬᠡᠷᠡᠭ ᠳᠡᠭᠡᠷᠡᠪᠡᠨ ᠲᠤᠢᠯᠤᠨ ᠶᠡᠷᠦ ᠪᠤᠰᠤᠶᠢᠨ ᠥᠩᠭᠡᠷᠡᠯᠲᠡᠲᠡᠢ ᠪᠠᠢᠭᠰᠠᠨᠶᠤᠮ᠃ ᠬᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠵᠢᠯᠦᠨ ᠳᠣᠲᠤᠷᠠ ᠬᠥᠮᠦᠨ ᠲᠥᠷᠦᠯᠬᠢᠲᠡᠨ ᠡᠭᠦᠨᠦ ᠳᠡᠭᠡᠷᠡ ᠠᠷᠢᠶᠠᠲᠠᠨ ᠭᠥᠷᠦᠭᠡᠰᠦ ᠠᠩᠨᠠᠵᠤ᠂ ᠦᠬᠡᠷ ᠬᠣᠨᠢ ᠠᠳᠤᠭᠤᠯᠠᠵᠤ᠂ ᠬᠡᠭᠡᠷᠡᠶᠢᠨ ᠵᠢᠮᠢᠰ ᠲᠡᠭᠦᠨ᠂ ᠲᠠᠪᠤᠨ ᠲᠠᠷᠢᠶᠠ ᠲᠠᠷᠢᠵᠤ ᠪᠠᠢᠭᠰᠠᠨ ᠪᠥᠭᠡᠳ ᠲᠡᠷᠡ ᠦᠶᠡᠳᠦ ᠪᠠᠢᠭᠠᠯᠢ ᠶᠢᠷᠲᠢᠨᠴᠦᠶᠢᠨ ᠰᠦᠷᠳᠡᠭᠦᠯᠦᠯ ᠳᠣᠣᠷᠠ ᠬᠥᠮᠦᠰ ᠲᠣᠯᠤᠭᠠᠢ ᠪᠥᠬᠦᠢᠨ᠂ ᠰᠠᠯᠬᠢ ᠪᠣᠷᠤᠭᠠᠨ᠂ ᠠᠶᠤᠩᠭᠠᠶᠢᠨ ᠨᠢᠷᠭᠡᠯᠲᠡ᠂ ᠴᠠᠬᠢᠯᠬᠤ ᠴᠠᠬᠢᠯᠭᠠᠨ᠂ ᠲᠦᠢᠮᠡᠷᠦᠨ ᠭᠠᠯ ᠬᠦᠷᠲᠡᠯᠡ ᠴᠥᠮ ᠲᠡᠳᠡᠨᠢ ᠡᠮᠢᠶᠡᠯᠭᠡᠨ ᠳᠠᠭᠵᠢᠭᠤᠯᠵᠤ ᠪᠠᠢᠵᠠᠢ᠃ ᠬᠡᠳᠦᠨ ᠠᠷᠪᠠᠨ ᠲᠦᠮᠡᠨ ᠵᠢᠯ ᠥᠩᠭᠡᠷᠡᠵᠦ᠂ ᠬᠥᠮᠦᠨ ᠲᠥᠷᠦᠯᠬᠢᠲᠡᠨ ᠠᠩᠭᠢᠲᠤ ᠨᠡᠢᠭᠡᠮᠳᠦ ᠣᠷᠤᠭᠰᠠᠨᠠᠴᠠ ᠬᠡᠰᠡᠭ ᠬᠡᠰᠡᠭ ᠭᠠᠵᠠᠷ ᠲᠠᠷᠢᠶᠠ ᠴᠥᠮ ᠭᠠᠪᠠ ᠳᠥᠩᠭᠡ ᠵᠡᠭᠦᠭᠰᠡᠨ ᠮᠡᠲᠦ ᠪᠣᠯᠵᠤ᠂ ᠬᠡᠴᠢᠨᠡᠨ ᠦᠶᠡᠶᠢᠨ ᠲᠠᠷᠢᠶᠠᠴᠢᠳ ᠡᠬᠡ ᠳᠡᠯᠡᠬᠡᠢᠳᠦ ᠴᠢᠰᠤ ᠬᠥᠯᠦᠰᠦᠪᠡᠨ ᠰᠢᠪᠬᠠᠨ ᠤᠷᠤᠰᠭᠠᠪᠠᠴᠤ ᠴᠠᠳᠭᠤᠯᠠᠩ ᠳᠤᠯᠠᠭᠠᠨ ᠪᠠᠢᠵᠤ ᠴᠢᠳᠠᠬᠤᠦᠭᠡᠢ᠃ ᠪᠠᠰᠠ ᠬᠡᠴᠢᠨᠡᠨ ᠣᠯᠠᠨ ᠬᠥᠮᠦᠨ ᠡᠨᠡ ᠬᠡᠰᠡᠭ ᠭᠠᠵᠠᠷ ᠳᠡᠭᠡᠷᠡ ᠲᠡᠭᠷᠢᠶᠢ ᠬᠠᠷᠠᠵᠤ ᠵᠣᠭᠰᠤᠭᠠᠳ ᠰᠡᠭᠦᠷᠡᠰᠦ ᠠᠯᠲᠠᠨ᠂ ᠴᠡᠭᠡᠵᠢᠪᠡᠨ ᠠᠯᠠᠭᠠᠳᠠᠨ ᠭᠠᠰᠠᠯᠵᠤ ᠪᠠᠢᠭᠰᠠᠨ ᠠᠵᠢ᠃ ᠪᠠᠰᠠ ᠬᠡᠴᠢᠨᠡᠨ ᠣᠯᠠᠨ ᠬᠥᠮᠦᠨ ᠵᠡᠪᠰᠡᠭ ᠠᠳᠭᠤᠯᠴᠠᠨ ᠪᠣᠰᠤᠯᠴᠠᠵᠤ᠂ ᠬᠥᠮᠦᠰᠭᠡᠪᠡᠨ ᠪᠤᠳᠤᠭᠠᠳ ᠲᠣᠯᠤᠭᠠᠢᠶᠢᠨ ᠣᠷᠢᠶᠠᠯᠲᠠ ᠣᠷᠢᠶᠠᠵᠤ ᠪᠠᠢᠯᠳᠤᠭᠠᠨᠳᠤ ᠣᠷᠤᠯᠴᠠᠨ ᠲᠡᠳᠡᠨᠢ ᠳᠠᠷᠤᠯᠠᠵᠤ ᠪᠠᠢᠭᠰᠠᠨ ᠢᠵᠠᠭᠤᠷᠲᠠᠨ ᠬᠦᠴᠦᠷᠬᠡᠭᠦᠳᠢ ᠲᠡᠷᠡ ᠭᠠᠵᠠᠷ ᠨᠤᠲᠤᠭ ᠳᠡᠭᠡᠷᠡᠪᠡᠨ ᠠᠯᠠᠨ ᠤᠰᠠᠳᠭᠠᠭᠰᠠᠨ ᠠᠵᠢ! ᠣᠢᠷᠠ ᠦᠶᠡ ᠪᠣᠯᠤᠭᠠᠳ᠂ ᠹᠧᠣᠳᠠᠯ ᠭᠠᠵᠠᠷᠤᠨ ᠡᠵᠡᠨ ᠠᠩᠭᠢᠠᠴᠠ ᠭᠠᠵᠠᠷ ᠲᠠᠷᠢᠶᠠᠪᠠᠨ ᠪᠤᠯᠢᠶᠠᠨ ᠠᠪᠬᠤᠶᠢᠨ ᠲᠥᠯᠦᠭᠡ ᠪᠠᠰᠠ ᠬᠡᠴᠢᠨᠡᠨ ᠣᠯᠠᠨ ᠠᠷᠠᠳ ᠲᠦᠮᠡᠨᠦ ᠴᠡᠷᠢᠭ ᠪᠣᠰᠤᠯᠴᠠᠵᠤ᠂ ᠡᠵᠡᠷᠬᠡᠭ ᠲᠦᠷᠢᠮᠡᠭᠡᠢᠲᠡᠨᠦ ᠴᠡᠷᠢᠭ ᠪᠣᠯᠤᠨ ᠮᠥᠯᠵᠢᠭᠴᠢᠳᠦᠨ ᠴᠡᠷᠢᠭᠲᠡᠢ ᠨᠥᠷᠢᠨ ᠪᠠᠢᠯᠳᠤᠭᠰᠠᠨ ᠠᠵᠢ! ᠬᠣᠷᠢᠭᠠᠳ ᠣᠨᠠᠴᠠ ᠨᠠᠰᠢ ᠳᠤᠮᠳᠠᠳᠤ ᠤᠯᠤᠰᠤᠨ ᠡᠪ ᠬᠠᠮᠲᠤ ᠨᠠᠮ ᠪᠦᠬᠦ ᠤᠯᠤᠰᠤᠨ ᠠᠷᠠᠳ ᠲᠦᠮᠡᠨᠢ ᠤᠳᠤᠷᠢᠳᠤᠨ ᠬᠤᠪᠢᠰᠭᠠᠯᠲᠤ ᠲᠡᠮᠡᠴᠡᠯ ᠶᠠᠪᠤᠭᠤᠯᠵᠤ᠂ ᠲᠡᠷᠰᠯᠡᠭᠦᠦ ᠨᠣᠶᠠᠷᠬᠠᠭᠴᠢᠳᠢ ᠪᠣᠳᠠ ᠴᠣᠬᠢᠭᠠᠳ ᠮᠥᠯᠵᠢᠭᠴᠢ ᠪᠠᠢᠭᠤᠯᠤᠯᠢ ᠲᠦᠯᠬᠢᠨ ᠤᠨᠠᠭᠠᠵᠤ᠂ ᠭᠠᠵᠠᠷ ᠲᠠᠷᠢᠶᠠᠨᠤ ᠥᠭᠡᠷᠡᠴᠢᠯᠡᠯᠲᠡ ᠬᠢᠭᠰᠡᠨᠡᠴᠡ ᠭᠠᠪᠠ ᠳᠥᠩᠭᠡᠨᠢ ᠲᠤᠢᠯᠪᠤᠷᠢᠲᠠᠢ ᠪᠠᠯᠪᠠᠴᠢᠭᠳᠠᠵᠤ ᠬᠥᠳᠡᠯᠮᠦᠷᠢᠴᠢᠨ ᠠᠷᠠᠳ ᠲᠦᠮᠡᠨ ᠦᠨᠡᠩᠬᠦ ᠭᠠᠵᠠᠷ ᠰᠢᠷᠤᠢᠶᠢᠨ ᠡᠵᠡᠨᠨᠢ ᠪᠣᠯᠤᠭᠰᠠᠨᠶᠤᠮ᠃ ᠪᠢᠳᠡ ᠭᠠᠵᠠᠷ ᠲᠠᠷᠢᠶᠠᠪᠠᠨ ᠬᠠᠢᠷᠠᠯᠠᠨᠠ᠂ ᠪᠢᠳᠡ ᠭᠠᠵᠠᠷ ᠲᠠᠷᠢᠶᠠᠪᠠᠨ ᠣᠮᠤᠭ ᠪᠠᠷᠳᠠᠮᠢᠶᠠᠷ ᠥᠭᠡᠷᠡᠴᠢᠯᠡᠵᠦ᠂ ᠬᠡᠮᠡᠷᠯᠢᠭ ᠲᠣᠷᠭᠠ ᠪᠣᠯᠭᠠᠨᠠ᠃ ᠡᠢᠨᠬᠦ ᠰᠡᠳᠭᠢᠬᠦᠳᠦ ᠡᠬᠡ ᠳᠡᠯᠡᠬᠡᠢᠶᠢᠨ ᠤᠯᠠᠭᠠᠨ᠂ ᠬᠠᠷᠠ᠂ ᠰᠢᠷᠠ᠂ ᠴᠠᠭᠠᠨ ᠬᠥᠷᠦᠰᠦ ᠴᠤᠭᠭᠠᠷᠢᠶᠠᠨ ᠰᠡᠳᠭᠢᠯᠭᠡ ᠪᠢᠯᠬᠠᠮᠠᠯ ᠶᠠᠭᠤᠮᠠ ᠪᠣᠯᠴᠢᠬᠠᠭᠰᠠᠨᠰᠢᠭ᠋ ᠪᠣᠯᠬᠤᠶᠤᠮ᠃ ᠲᠡᠭᠡᠭᠡᠳ ᠡᠷᠲᠡᠨᠦ ᠳᠣᠮᠤᠭ ᠦᠯᠢᠭᠡᠷᠲᠡᠬᠢ 《ᠬᠤᠪᠢᠯᠭᠠᠨ ᠬᠥᠷᠦᠰᠦ》ᠰᠢᠭᠢᠶᠡᠷ ᠲᠠᠰᠤᠷᠠᠯᠦᠭᠡᠢ ᠬᠤᠪᠢᠷᠠᠵᠤ ᠨᠡᠮᠡᠭᠳᠡᠨ᠂ ᠡᠭᠡᠭᠡᠯᠡ ᠠᠮᠢ ᠣᠷᠤᠭᠰᠠᠨᠰᠢᠭ᠋ ᠪᠣᠯᠬᠤᠶᠤᠮ᠃
ᠬᠡᠳᠦᠨ ᠮᠢᠩᠭᠠᠨ ᠵᠢᠯᠦᠨ ᠲᠤᠷᠰᠢ ᠪᠣᠭᠤᠭᠳᠠᠵᠤ ᠬᠦᠯᠢᠶᠡᠰᠦᠯᠡᠭᠳᠡᠭᠰᠡᠨ ᠭᠠᠵᠠᠷ ᠰᠢᠷᠤᠢ ᠠᠷᠠᠳ ᠲᠦᠮᠡᠨᠦ ᠭᠠᠷᠲᠤ ᠪᠤᠴᠠᠨ ᠢᠷᠡᠮᠡᠭᠴᠡ ᠬᠤᠪᠢᠷᠠᠯᠲᠠᠨᠢ ᠬᠡᠴᠢᠨᠡᠨ ᠲᠦᠷᠭᠡᠨ ᠪᠣᠯᠤᠭᠰᠠᠨ ᠪᠤᠢ! ᠭᠠᠵᠠᠷᠤᠨ ᠵᠢᠷᠤᠭᠢ ᠳᠡᠯᠭᠡᠵᠦ᠂ ᠣᠯᠠᠨ ᠭᠠᠵᠠᠷᠤᠨ ᠬᠤᠪᠢᠷᠠᠯᠲᠠᠶᠢ ᠪᠣᠳᠤᠯᠬᠢᠯᠠᠵᠤ ᠦᠵᠡᠪᠡᠯ᠂ ᠬᠥᠮᠦᠰᠢ ᠬᠡᠴᠢᠨᠡᠨ ᠰᠣᠴᠢᠭᠠᠳᠠᠭ ᠪᠣᠯ! ᠡᠯᠡᠰᠦ ᠮᠠᠩᠬᠠᠨᠳᠤ ᠪᠠᠶᠠᠨ ᠪᠦᠷᠢᠳᠦ ᠪᠤᠢ ᠪᠣᠯᠵᠤ᠂ ᠬᠠᠮᠠᠷ ᠬᠠᠳᠭᠤᠬᠤ ᠡᠪᠡᠰᠦ ᠤᠷᠭᠤᠬᠤᠦᠭᠡᠢ ᠭᠠᠵᠠᠷ ᠦᠷᠡ ᠲᠠᠷᠢᠶᠠ ᠤᠷᠭᠤᠭᠠᠳ᠂ ᠬᠤᠪᠠᠬᠠᠢ ᠨᠢᠴᠦᠭᠦᠨ ᠠᠭᠤᠯᠠ ᠨᠢᠷᠤᠭᠤᠳ ᠲᠣᠷᠭᠠᠨ ᠬᠦᠷᠮᠡ ᠡᠮᠦᠰᠦᠭᠰᠡᠨ ᠪᠥᠭᠡᠳ ᠴᠥᠭᠦᠷᠦᠮ ᠬᠢᠭᠡᠳ ᠲᠠᠲᠠᠮᠠᠯ ᠭᠣᠣᠯᠤᠳ ᠭᠢᠯᠠᠯᠵᠠᠭᠰᠠᠨ ᠲᠣᠯᠢ ᠵᠤᠷᠪᠤᠰ ᠪᠦᠰᠡᠯᠡᠭᠦᠷ ᠮᠡᠲᠦᠪᠡᠷ ᠠᠭᠤᠯᠠᠨ ᠵᠢᠯᠠᠭᠠ ᠠᠭᠤᠳᠠᠮ ᠲᠠᠯᠠᠶᠢ ᠰᠢᠭᠢᠳᠭᠡᠨ ᠴᠢᠮᠡᠭᠯᠡᠵᠡᠢ᠃ ᠨᠢᠭᠡ ᠤᠳᠠᠭᠠ ᠪᠢ ᠥᠨᠳᠦᠷ ᠠᠭᠠᠷᠲᠤ ᠡᠭᠴᠡ ᠨᠢᠰᠦᠭᠰᠡᠨ ᠨᠢᠰᠭᠡᠯᠦᠨ ᠴᠣᠩᠬᠤᠪᠠᠷ ᠵᠦᠵᠢᠶᠠᠩ ᠮᠥᠷᠡᠨᠦ ᠬᠣᠢᠭᠢ ᠥᠩᠭᠡᠢᠨ ᠬᠠᠷᠠᠬᠤᠳᠤ ᠠᠭᠤᠳᠠᠮ ᠣᠭᠲᠠᠷᠭᠤᠢ ᠮᠡᠯᠲᠡᠢᠨ ᠴᠡᠯᠮᠡᠵᠦ ᠪᠠᠢᠯᠠ᠃ ᠪᠢ ᠳᠣᠷᠤᠭᠰᠢ ᠬᠠᠷᠠᠬᠤᠲᠠᠢᠪᠠᠨ ᠵᠡᠷᠭᠡ ᠥᠪᠡᠷᠦᠨ ᠡᠷᠬᠡᠦᠭᠡᠢ ᠪᠠᠬᠠᠳᠤᠨ ᠱᠠᠭᠰᠢᠭᠰᠠᠨ ᠪᠢᠯᠡ᠃ ᠵᠦᠵᠢᠶᠠᠩ ᠮᠥᠷᠡᠨᠦ ᠬᠣᠢᠭᠤᠨ ᠵᠢᠪᠬᠤᠯᠠᠩᠲᠤ ᠰᠠᠢᠬᠠᠨᠢ ᠦᠨᠡᠬᠡᠷ ᠳᠦᠷᠰᠦᠯᠡᠬᠦᠶᠡ ᠪᠡᠷᠬᠡ᠃ ᠤᠰᠤᠨ ᠰᠠᠯᠪᠤᠷᠢ ᠪᠣᠯᠤᠨ ᠠᠭᠠᠷ ᠴᠣᠩᠬᠢᠶᠠᠯᠠᠴᠠ ᠭᠢᠯᠠᠰ ᠭᠢᠯᠠᠰ ᠭᠡᠷᠡᠯ ᠲᠠᠲᠠᠵᠤ᠂ ᠡᠬᠡ ᠳᠡᠯᠡᠬᠡᠢ ᠶᠣᠰᠤᠲᠠᠢᠯᠠ ᠨᠢᠭᠡ ᠪᠢᠨᠳᠠᠷᠢᠶᠠᠨ ᠨᠣᠭᠤᠭᠠᠨ ᠬᠤᠨᠤ ᠨᠣᠯᠤᠤᠷ ᠮᠡᠲᠦ᠂ ᠵᠠᠰᠠᠮᠠᠯ ᠵᠠᠮᠨᠢ ᠴᠠᠪᠴᠢᠵᠤ ᠭᠠᠷᠭᠠᠭᠰᠠᠨ ᠮᠡᠲᠦ ᠰᠢᠯᠤᠭᠤᠨ᠂ ᠳᠥᠷᠪᠡᠯᠵᠢᠯᠡᠭᠰᠡᠨ ᠲᠠᠷᠢᠶᠠᠨᠢ ᠰᠢᠲᠠᠷᠠᠶᠢᠨ ᠬᠥᠯᠭᠡᠡᠴᠡᠴᠦ ᠵᠢᠭᠳᠡᠬᠡᠨ᠃ ᠵᠠᠭᠤ ᠮᠢᠩᠭᠠᠨ ᠵᠢᠯᠦᠨ ᠡᠮᠦᠨᠡᠬᠢ ᠬᠥᠮᠦᠰ ᠲᠡᠭᠷᠢ ᠳᠡᠭᠡᠷᠡ ᠬᠤᠪᠢᠯᠭᠠᠨ ᠰᠠᠬᠢᠭᠤᠯᠰᠤᠨᠤ ᠬᠣᠪᠤᠷ ᠭᠠᠢᠬᠠᠮᠰᠢᠭ ᠪᠤᠢ ᠭᠡᠵᠦᠯᠡ ᠪᠣᠳᠤᠳᠠᠭ ᠪᠠᠢᠵᠠᠢ᠃ ᠦᠨᠡᠨᠳᠡᠭᠡᠨ ᠴᠣᠬᠤᠮᠬᠦ ᠭᠠᠢᠬᠠᠮᠰᠢᠭ ᠪᠣᠯ ᠥᠨᠦᠳᠦᠷᠦᠨ ᠡᠬᠡ ᠭᠠᠵᠠᠷᠲᠤ ᠪᠠᠢᠬᠤᠶᠤᠮ᠃ ᠬᠥᠳᠡᠯᠮᠦᠷᠢᠴᠢᠳᠦᠨ ᠬᠦᠴᠦᠨ ᠡᠬᠡ ᠳᠡᠯᠡᠬᠡᠢᠶᠢ ᠶᠠᠭᠤᠲᠠᠢ ᠭᠣᠶᠤᠯᠠᠵᠤ ᠣᠷᠬᠢᠪᠠ! ᠤᠷᠠᠨ ᠬᠡᠦᠬᠡᠨᠦ ᠬᠠᠳᠭᠤᠮᠠᠯᠯᠠᠭᠰᠠᠨᠨᠢ ᠵᠥᠪᠬᠡᠨ ᠨᠢᠭᠡ ᠵᠢᠵᠢᠭ ᠠᠯᠴᠢᠭᠤᠷ ᠲᠡᠳᠦᠢ ᠪᠢᠯᠡ᠃ ᠥᠷᠭᠡᠨ ᠣᠯᠠᠨ ᠬᠥᠳᠡᠯᠮᠦᠷᠢᠴᠢᠨ ᠡᠬᠡ ᠳᠡᠯᠡᠬᠡᠢᠪᠡᠷ ᠠᠯᠴᠢᠭᠤᠷ ᠪᠣᠯᠭᠠᠵᠤ᠂ ᠦᠵᠡᠰᠢᠦᠭᠡᠢ ᠮᠠᠭᠤᠬᠠᠢ ᠪᠠᠢᠭᠰᠠᠨ ᠭᠠᠵᠠᠷᠤᠨ ᠭᠠᠳᠠᠷᠭᠤᠶᠢ ᠰᠦᠵᠧᠦ ᠭᠤᠸᠠᠩᠵᠧᠦᠶᠢᠨ ᠬᠠᠳᠭᠤᠮᠠᠯ ᠮᠡᠲᠦ ᠭᠣᠶᠤ ᠪᠣᠯᠭᠠᠵᠠᠢ᠃
ᠲᠠ ᠭᠠᠯᠲᠤ ᠲᠡᠷᠭᠡᠨᠦ ᠴᠣᠩᠬᠤᠪᠠᠷ ᠬᠠᠯᠢᠨ ᠥᠩᠭᠡᠷᠡᠬᠦ ᠡᠬᠡ ᠳᠡᠯᠡᠬᠡᠢᠶᠢ ᠬᠠᠷᠠᠭᠰᠠᠨ ᠪᠢᠵᠡ᠃ ᠲᠠ ᠬᠡᠳᠦᠨ ᠲᠦᠮᠡᠨ ᠬᠥᠮᠦᠨ ᠳ᠋ᠧᠩ ᠪᠠᠷᠢᠵᠤ ᠤᠰᠤᠨ ᠬᠦᠴᠦᠨᠦ ᠴᠠᠬᠢᠯᠭᠠᠨ ᠥᠷᠲᠡᠭᠡᠶᠢᠨ ᠳᠠᠯᠠᠩ ᠪᠠᠢᠭᠤᠯᠬᠤ ᠪᠠᠷᠢᠯᠭᠠᠳᠤᠴᠤ ᠣᠷᠤᠯᠴᠠᠭᠰᠠᠨ ᠪᠠᠢᠵᠤ ᠮᠡᠳᠡᠨᠡ᠃ ᠲᠡᠨᠳᠡ ᠰᠠᠶᠠ ᠵᠢᠤᠠ ᠬᠥᠮᠦᠰ᠂ ᠠᠪᠤᠷᠭᠤ ᠭᠠᠷᠢᠶᠠᠨ ᠡᠷᠭᠢᠭᠦᠯᠦᠭᠴᠢ ᠠᠤᠭᠠ ᠬᠥᠮᠦᠨ ᠮᠡᠲᠦᠪᠡᠷ ᠭᠠᠯᠪᠠ ᠳᠡᠯᠡᠬᠡᠢᠶᠢ ᠲᠣᠭᠲᠠᠭᠠᠬᠤ ᠠᠵᠢᠯ ᠬᠢᠵᠦ ᠪᠠᠢᠨᠠ᠃ ᠡᠮᠦᠨᠡᠲᠦ ᠣᠷᠤᠨᠳᠤ᠂ ᠶᠡᠬᠡ ᠬᠠᠭᠤᠷᠠᠢᠠᠴᠠ ᠠᠩᠭᠢᠳᠠ ᠪᠠᠢᠭᠠ ᠠᠷᠠᠯ ᠳᠡᠭᠡᠷᠡ ᠳᠠᠯᠠᠩ ᠪᠠᠷᠢᠭᠠᠳ ᠶᠡᠬᠡ ᠬᠠᠭᠤᠷᠠᠢᠯᠤᠭᠠ ᠬᠣᠯᠪᠤᠵᠠᠢ᠃ ᠵᠠᠷᠢᠮ ᠠᠭᠤᠯᠠ ᠳᠣᠪᠤᠴᠠᠭᠢ ᠳᠠᠯᠠᠢᠳᠤ ᠳᠡᠪᠢᠰᠦᠭᠡᠳ ᠬᠠᠭᠤᠷᠠᠢ ᠭᠠᠵᠠᠷ ᠭᠠᠷᠭᠠᠵᠤ ᠪᠠᠢᠨᠠ᠃ ᠭᠠᠩ ᠬᠠᠭᠤᠷᠠᠢ ᠯᠧᠢᠵᠧᠦᠶᠢᠨ ᠬᠣᠢᠭ ᠳᠡᠭᠡᠷᠡ ᠰᠦᠶᠢᠽᠦᠨ ᠲᠠᠲᠠᠮᠠᠯ ᠭᠣᠣᠯᠠᠴᠠᠴᠤ ᠤᠷᠲᠤ ᠲᠠᠲᠠᠮᠠᠯ ᠭᠣᠣᠯ ᠮᠠᠯᠲᠠᠵᠠᠢ᠃ ᠴᠣᠣ ᠱᠠᠨᠤ ᠲᠡᠭᠰᠢ ᠲᠠᠯᠠ ᠭᠠᠵᠠᠷᠤᠨ ᠲᠠᠷᠢᠶᠠᠶᠢ ᠰᠢᠲᠠᠷᠠᠶᠢᠨ ᠬᠥᠯᠭᠡ ᠮᠡᠲᠦ ᠲᠡᠭᠰᠢᠯᠡᠨ ᠵᠠᠰᠠᠵᠠᠢ᠃ ᠮᠠᠨᠤ ᠦᠶᠡᠶᠢᠨ ᠬᠥᠮᠦᠰ ᠢᠮᠠᠬᠤᠶᠢᠨ ᠲᠡᠳᠦᠢ ᠬᠥᠷᠦᠰᠦ ᠰᠢᠷᠤᠢᠪᠠᠷ ᠨᠢᠭᠡᠴᠡ ᠪᠣᠯᠭᠠᠨ ᠨᠠᠷᠢᠨ ᠨᠢᠮᠪᠠᠢ ᠠᠵᠢᠯᠯᠠᠵᠤ ᠪᠠᠢᠬᠤᠪᠠᠷ ᠦᠯᠦ ᠪᠠᠷᠠᠨ ᠪᠠᠰᠠ ᠮᠢᠩᠭᠠ ᠲᠦᠮᠡᠨ ᠭᠠᠵᠠᠷᠢᠶᠠᠷ ᠨᠢᠭᠡᠴᠡ ᠪᠣᠯᠭᠠᠨ᠂ ᠨᠡᠩ ᠲᠣᠳᠤᠷᠬᠠᠢ ᠬᠡᠯᠡᠪᠡᠯ ᠪᠦᠷᠢᠨ ᠴᠢᠯᠦᠭᠡᠯᠡᠭᠳᠡᠭᠰᠡᠨ ᠶᠢᠰᠦᠨ ᠵᠠᠭᠤ ᠭᠠᠷᠤᠢ ᠲᠦᠮᠡᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠺᠢᠯᠤᠮᠧᠲᠷ ᠨᠤᠲᠤᠭ ᠳᠡᠪᠢᠰᠭᠡᠷᠢᠶᠡᠨ ᠨᠢᠭᠡᠨ ᠪᠦᠬᠦᠯᠢ ᠪᠦᠲᠦᠨ ᠴᠣᠭᠴᠠ ᠪᠣᠯᠭᠠᠨ ᠲᠥᠯᠦᠪᠯᠡᠨ ᠠᠵᠢᠯᠯᠠᠵᠤ ᠪᠤᠢ ᠪᠢᠯᠡ᠃ ᠡᠨᠡ ᠠᠷᠪᠠᠨ ᠬᠡᠳᠦᠨ ᠵᠢᠯᠦᠨ ᠳᠣᠲᠤᠷᠠ ᠪᠤᠮ ᠲᠦᠮᠡᠨ ᠵᠢᠯᠦᠨ ᠲᠤᠷᠰᠢ᠂ ᠦᠶᠡ ᠤᠯᠠᠷᠢᠭᠰᠠᠨ ᠠᠳᠠᠯᠢ ᠨᠢᠭᠡ ᠡᠬᠡ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠡᠳᠦᠢᠴᠢᠨᠡᠭᠡᠨ ᠣᠯᠠᠨ ᠤᠷᠭᠤᠮᠠᠯᠤᠨ ᠰᠢᠨᠡ ᠡᠭᠦᠯᠳᠡᠷ ᠤᠷᠭᠤᠭᠰᠠᠨ ᠪᠤᠢ! ᠴᠡᠴᠡᠭᠯᠡᠨ ᠭᠥᠭᠵᠢᠵᠦ ᠪᠠᠢᠭᠠ ᠲᠠᠷᠢᠶᠠᠯᠠᠩᠢ ᠬᠠᠷᠠᠬᠤ ᠪᠦᠷᠢ᠂ ᠰᠠᠶᠢᠬᠠᠨ ᠬᠠᠭᠠᠯᠪᠤᠷᠢᠯᠠᠭᠳᠠᠭᠰᠠᠨ ᠰᠢᠪᠠᠷ ᠳᠣᠯᠭᠢᠶᠠᠯᠠᠭᠰᠠᠨ ᠥᠩ ᠰᠢᠮᠡᠯᠢᠭ ᠬᠥᠷᠦᠰᠦᠶᠢ ᠬᠠᠷᠠᠬᠤ ᠪᠦᠷᠢ᠂ 《ᠤᠯᠠᠭᠠᠨ ᠲᠤᠭᠤᠨ ᠳᠠᠭᠤᠤ》 ᠳᠣᠲᠤᠷᠠᠬᠢ ᠠᠷᠠᠳᠤᠨ ᠳᠠᠭᠤᠤᠳᠤ ᠳᠦᠷᠰᠦᠯᠡᠭᠰᠡᠨ 《ᠠᠯᠮᠤᠷᠠᠳ ᠵᠢᠮᠢᠰᠨᠢ ᠴᠢᠷᠠᠢᠪᠠᠨ ᠤᠯᠠᠢᠲᠠᠯᠠ ᠢᠨᠢᠶᠡᠨᠡ᠂ ᠠᠮᠲᠠᠲᠤ ᠲᠠᠷᠪᠤᠰᠨᠢ ᠪᠠᠯᠢᠶᠠᠨ ᠭᠣᠭᠤᠵᠢᠲᠠᠯᠠ ᠮᠦᠰᠢᠶᠡᠨᠡ᠃ ᠠᠯᠠᠭ ᠴᠡᠴᠡᠭᠨᠢ ᠬᠡᠯᠲᠡᠰᠢᠶᠡᠨ ᠳᠡᠯᠭᠡᠭᠳᠡᠲᠡᠯᠡ ᠪᠠᠶᠠᠷᠯᠠᠨᠠ᠂ ᠠᠲᠠᠷ ᠭᠠᠵᠠᠷ ᠪᠤᠷᠴᠠᠭ ᠳᠡᠯᠪᠡᠷᠡᠲᠡᠯᠡ ᠤᠷᠭᠤᠨᠠ》 ᠭᠡᠰᠡᠨ ᠮᠡᠲᠦ ᠬᠥᠷᠦᠰᠦ ᠰᠢᠷᠤᠢ᠂ ᠰᠢᠭᠦᠳᠡᠷᠢᠶᠢᠨ ᠮᠥᠬᠦᠯᠢᠭ᠂ ᠡᠪᠡᠰᠦᠨᠦ ᠨᠠᠪᠴᠢ᠂ ᠴᠡᠴᠡᠭ ᠨᠣᠭᠤᠭᠠᠶᠢᠨ ᠠᠩᠬᠢᠯᠤᠮᠠᠯ ᠦᠨᠦᠷ ᠪᠦᠬᠦᠢ ᠡᠨᠡ ᠪᠠᠢᠳᠠᠯ ᠵᠢᠷᠦᠬᠡᠨ ᠲᠣᠯᠲᠤᠳᠤ ᠲᠣᠳᠤᠷᠠᠨᠠ᠃ ᠪᠢᠳᠡ ᠭᠠᠵᠠᠷ ᠰᠢᠷᠤᠢᠳᠤ ᠤᠯᠠᠮ ᠵᠤᠵᠠᠭᠠᠨ ᠬᠠᠢᠷᠠ ᠰᠡᠳᠭᠢᠯᠭᠡᠲᠡᠢ ᠪᠣᠯᠵᠠᠭᠠᠶᠠ᠃ ᠡᠬᠡ ᠪᠣᠯᠤᠭᠰᠠᠨ ᠭᠠᠵᠠᠷ ᠳᠡᠯᠡᠬᠡᠢᠶᠢᠨ ᠭᠠᠪᠠ ᠳᠥᠩᠭᠡ ᠠᠯᠳᠠᠷᠠᠭᠰᠠᠨ ᠪᠣᠯᠬᠣᠷ ᠲᠡᠵᠢᠭᠡᠨ ᠪᠣᠢᠵᠢᠭᠤᠯᠤᠭᠰᠠᠨ ᠡᠬᠡ ᠳᠡᠯᠡᠬᠡᠢᠶᠢᠨᠢᠶᠡᠨ ᠲᠥᠯᠦᠭᠡ ᠪᠢᠳᠡᠨᠦ ᠬᠡᠷᠬᠢᠨ ᠰᠠᠢᠲᠤᠷ ᠠᠵᠢᠯᠯᠠᠬᠤᠶᠢ ᠦᠵᠡᠬᠦ ᠴᠠᠭ ᠣᠳᠣ ᠪᠣᠯᠵᠠᠢ᠃
ᠬᠡᠷᠡᠭ ᠳᠡᠭᠡᠷᠡᠪᠡᠨᠴᠦ ᠡᠢᠮᠦᠶᠦᠮ᠂ ᠲᠣᠭᠠᠦᠭᠡᠢ ᠣᠯᠠᠨ ᠬᠥᠮᠦᠰ ᠡᠢᠮᠦ ᠬᠠᠢᠷᠠ ᠰᠡᠳᠭᠢᠯᠭᠡᠶᠢ ᠡᠳᠦᠷᠡᠴᠡ ᠡᠳᠦᠷᠲᠦ ᠬᠥᠭᠵᠢᠭᠦᠯᠵᠦ ᠪᠤᠢ᠃ ᠡᠭᠦᠨᠢ ᠥᠴᠦᠬᠡᠨ ᠲᠡᠳᠦᠢ ᠪᠤᠶᠤ ᠠᠤᠭᠠ ᠶᠡᠬᠡ ᠲᠠᠯᠠᠠᠴᠠ ᠠᠵᠢᠭᠯᠠᠨ ᠮᠡᠳᠡᠵᠦ ᠪᠣᠯᠤᠨᠠ᠃ ᠨᠢᠭᠡᠳᠦᠯᠦᠨ ᠺᠠᠳ᠋ᠷ ᠨᠢᠭᠡ ᠪᠦᠯᠦᠭ ᠠᠬᠠᠮᠠᠳ ᠲᠠᠷᠢᠶᠠᠴᠢᠨᠢ ᠳᠠᠭᠠᠭᠤᠯᠵᠤ ᠲᠠᠷᠢᠶᠠ ᠪᠠᠢᠴᠠᠭᠠᠵᠤ ᠪᠠᠢᠭᠠ ᠪᠠᠢᠳᠠᠯᠢ ᠦᠵᠡᠭᠰᠡᠨ ᠪᠢᠵᠡ? ᠲᠡᠳᠡ ᠰᠤᠷ ᡂᠢ ᠪᠠᠷᠢᠵᠤ᠂ ᠡᠨᠳᠡ ᠲᠡᠨᠳᠡᠦᠭᠡᠢ ᠬᠡᠮᠵᠢᠵᠦ᠂ ᠬᠡᠰᠡᠭ ᠬᠡᠰᠡᠭ ᠲᠠᠷᠢᠶᠠᠨᠤ ᠲᠤᠲᠤᠷᠭᠠᠶᠢᠨ ᠲᠦᠷᠦᠭᠦᠦᠶᠢ ᠲᠣᠭᠠᠯᠠᠳᠠᠭ᠃ ᠥᠪᠡᠷᠦᠨᠢᠶᠡᠨ ᠡᠵᠡᠩᠨᠡᠵᠦ ᠪᠠᠢᠭᠠ ᠲᠠᠷᠢᠶᠠ ᠮᠥᠨ ᠡᠰᠡᠬᠦᠶᠢ ᠬᠠᠢᠬᠤᠷᠬᠤᠦᠭᠡᠢᠪᠠᠷ ᠬᠠᠮᠢᠭᠠ ᠭᠠᠵᠠᠷ ᠪᠤᠵᠠᠷ ᠡᠪᠡᠰᠦ ᠬᠠᠷᠠᠭᠳᠠᠪᠠᠯ ᠤᠰᠤᠨᠳᠤ ᠣᠷᠤᠵᠤ ᠦᠭᠲᠡᠭᠡᠵᠦ ᠬᠠᠶᠠᠳᠠᠭ᠃ ᠲᠠ ᠨᠢᠭᠡᠳᠦᠯᠦᠨ ᠭᠡᠰᠢᠭᠦᠳᠦᠨ ᠬᠥᠷᠦᠰᠦ ᠥᠭᠡᠷᠡᠴᠢᠯᠡᠵᠦ ᠪᠠᠢᠭᠠ ᠪᠠᠢᠳᠠᠯᠢ ᠦᠵᠡᠭᠰᠡᠨ ᠪᠢᠵᠡ? ᠲᠡᠳᠡ ᠲᠣᠬᠢᠷᠠᠮᠵᠢᠲᠠᠢ ᠰᠠᠢᠬᠠᠨ ᠭᠦᠨ ᠲᠠᠷᠢᠶᠠᠯᠠᠵᠤ᠂ ᠪᠣᠷᠳᠤᠭᠤᠷ ᠬᠢᠭᠡᠳ ᠭᠠᠵᠠᠷ ᠲᠠᠷᠢᠶᠠᠪᠠᠨ ᠥᠩ ᠰᠢᠮᠡᠯᠢᠭ ᠪᠣᠯᠭᠠᠬᠤᠪᠠᠷ ᠴᠢᠷᠮᠠᠢᠵᠤ ᠪᠠᠢᠨᠠ᠃
ᠬᠡᠳᠦᠨ ᠲᠦᠮᠡᠨ ᠬᠥᠮᠦᠨ ᠬᠡᠰᠡᠭ ᠭᠠᠵᠠᠷᠢ ᠬᠦᠷᠢᠶᠡᠯᠡᠨ ᠬᠠᠰᠢᠯᠭᠠ ᠳᠠᠯᠠᠩ ᠪᠠᠷᠢᠬᠤ᠂ ᠬᠡᠳᠦᠨ ᠮᠢᠩᠭᠠᠨ ᠬᠥᠮᠦᠨ ᠰᠦᠷ ᠳᠠᠯᠠᠢᠴᠠᠲᠠᠢᠪᠠᠷ ᠠᠭᠤᠯᠠᠨᠳᠤ ᠭᠠᠷᠬᠤ ᠪᠠᠢᠳᠠᠯᠨᠢ ᠬᠥᠮᠦᠨᠦ ᠰᠡᠳᠭᠢᠯᠢ ᠨᠡᠩᠳᠡ ᠬᠥᠳᠡᠯᠭᠡᠨᠡ᠃ ᠲᠡᠳᠡᠨᠦ ᠬᠠᠰᠭᠢᠷᠤᠯᠲᠠ᠂ ᠲᠡᠳᠡᠨᠦ ᠢᠨᠢᠶᠡᠳᠦ᠂ ᠢᠯᠠᠩᠭᠤᠶᠠ ᠴᠣᠭ ᠪᠠᠳᠠᠷᠠᠭᠰᠠᠨ ᠬᠣᠣᠰ ᠨᠢᠳᠦᠳ ᠭᠡᠵᠦ ᠡ! ᠪᠠᠴᠢᠮ ᠶᠠᠭᠠᠷᠠᠯᠲᠠᠢ ᠬᠥᠳᠡᠯᠮᠦᠷᠢᠶᠢᠨ ᠳᠤᠮᠳᠠ ᠪᠦᠭᠦᠳᠡ ᠣᠯᠠᠨᠢᠶᠠᠷᠢᠶᠠᠨ ᠦᠭᠡ ᠴᠥᠭᠡᠨᠲᠡᠢ ᠪᠣᠯᠪᠠᠴᠤ ᠨᠢᠳᠦᠨ ᠬᠠᠷᠠᠴᠠᠨᠢ: 《ᠠᠵᠢᠯᠯᠠᠵᠠᠭᠠᠶᠠ᠂ ᠬᠥᠷᠦᠰᠦ ᠰᠢᠷᠤᠢᠠᠴᠠ ᠡᠷᠳᠡᠨᠢ ᠪᠤᠯᠢᠶᠠᠵᠤ᠂ ᠪᠤᠢ ᠪᠦᠬᠦᠢ ᠬᠥᠷᠦᠰᠦ ᠰᠢᠷᠤᠢᠪᠠᠨ ᠠᠰᠢᠭᠯᠠᠶᠠ᠃ ᠬᠣᠴᠤᠷᠤᠩᠭᠤᠢ ᠬᠣᠭᠤᠰᠤᠨ ᠭᠡᠰᠡᠨ ᠡᠴᠦᠰᠦᠨ ᠬᠣᠶᠠᠷ ᠶᠡᠬᠡ ᠠᠭᠤᠯᠠᠶᠢ ᠯᠠᠪᠲᠠᠢ ᠮᠠᠨᠤ ᠡᠨᠡ ᠦᠶᠡᠶᠢᠨ ᠬᠥᠮᠦᠨ ᠬᠣᠣᠰ ᠭᠠᠷᠢᠶᠠᠷᠢᠶᠠᠨ ᠲᠦᠯᠬᠢᠨ ᠤᠨᠠᠭᠠᠨᠠ》 ᠭᠡᠵᠦ ᠪᠠᠢᠭᠠ ᠮᠡᠲᠦ᠃ ᠵᠠᠷᠢᠮᠳᠠᠭᠠᠨ ᠡᠨᠡ ᠳᠠᠭᠤᠨᠨᠢ ᠬᠥᠳᠡᠯᠮᠦᠷᠢᠶᠢᠨ ᠳᠣᠬᠢᠶᠠ᠂ ᠬᠦᠷᠳᠦᠨᠦ ᠡᠷᠭᠢᠯᠲᠡᠲᠡᠢ ᠨᠢᠭᠡᠳᠴᠦ ᠬᠥᠮᠦᠰᠲᠦ ᠳᠠᠢᠨᠤ ᠬᠡᠩᠭᠡᠷᠭᠡ᠂ ᠳᠠᠭᠠᠷᠢᠯᠲᠠᠶᠢᠨ ᠪᠦᠷᠢᠶᠡᠶᠢᠨ ᠰᠦᠷ ᠵᠢᠪᠬᠤᠯᠠᠩᠢ ᠰᠠᠨᠠᠭᠳᠠᠭᠤᠯᠬᠤᠰᠢᠭ᠋ ᠪᠣᠯᠤᠨᠠ ᠁
ᠪᠢᠳᠡ ᠠᠳᠭᠤ ᠰᠢᠷᠤᠢ ᠠᠪᠤᠭᠠᠳ ᠨᠠᠷᠢᠪᠴᠢᠯᠠᠨ ᠦᠵᠡᠵᠡᠭᠡᠶᠡ! ᠡᠨᠡ ᠪᠣᠯ ᠪᠢᠳᠡᠨᠦ ᠡᠬᠡ ᠨᠤᠲᠤᠭᠶᠤᠮ ᠡ! ᠢᠮᠠᠬᠤᠶᠢᠨ ᠲᠡᠳᠦᠢ ᠨᠤᠲᠤᠭᠢᠶᠠᠨᠴᠤ ᠪᠢᠳᠡ ᠬᠡᠷᠬᠢᠨ ᠬᠠᠮᠠᠭᠠᠯᠠᠬᠤ ᠪᠤᠢ? ᠢᠮᠠᠬᠤᠶᠢᠨ ᠲᠡᠳᠦᠢ ᠬᠥᠷᠦᠰᠦ ᠪᠣᠯᠭᠠᠨᠤ ᠯᠤᠲᠤ ᠶᠡᠬᠡ ᠳᠠᠯᠳᠠ ᠨᠥᠭᠡᠴᠡᠶᠢ ᠬᠡᠷᠬᠢᠨ ᠪᠠᠳᠠᠷᠠᠭᠤᠯᠵᠤ᠂ ᠡᠳᠦᠷ ᠪᠣᠯᠭᠠᠨ ᠬᠡᠷᠬᠢᠨ ᠤᠯᠠᠮ ᠰᠠᠢᠨ ᠰᠠᠢᠬᠠᠨ ᠪᠣᠯᠭᠠᠬᠤ ᠪᠤᠢ? ᠨᠠᠮᠮᠢᠨᠢ ᠪᠢᠳᠡᠨᠢ ᠤᠳᠤᠷᠢᠳᠤᠨ ᠳᠠᠭᠠᠭᠤᠯᠵᠤ ᠤᠷᠤᠭᠰᠢᠯᠠᠵᠤ ᠪᠠᠢᠨᠠ᠃ ᠤᠷᠢ ᠵᠠᠯᠠᠭᠤ ᠡᠬᠡ ᠳᠡᠯᠡᠬᠡᠢᠴᠦ ᠠᠪᠤᠷᠭᠤ ᠳᠠᠭᠤᠨ ᠭᠠᠷᠭᠠᠵᠤ᠂ ᠳᠤᠮᠳᠠᠳᠤ ᠤᠯᠤᠰᠤᠨ ᠬᠥᠮᠦᠨ ᠪᠦᠷᠢᠡᠴᠡ ᠬᠠᠷᠢᠭᠤ ᠬᠦᠰᠡᠵᠦ ᠪᠠᠢᠬᠤ ᠮᠡᠲᠦ ᠠᠵᠢ᠃