| ᠮᠣᠩᠭᠣᠯ ᠪᠢᠴᠢᠭ |
|
ᠬᠢᠲᠠᠳ ᠠᠩᠭᠯᠢ ᠶᠠᠫᠣᠨ |
|
ᠠᠯᠮᠠᠰ ᠺᠣᠮᠫᠠᠨᠢ
email : mongol@almas.co.jp
tel : +81-3-5688-2081 fax : +81-3-5688-2082 |
|
ᠵᠣᠬᠢᠶᠠᠯᠴᠢᠳ ᠡᠷᠲᠡ ᠤᠷᠢᠳᠤᠠᠴᠠ ᠠᠪᠤᠭᠠᠳ ᠲᠣᠪᠴᠢ ᠠᠪᠰᠠᠷᠭᠠᠶᠢ ᠡᠷᠬᠢᠮᠨᠡᠬᠦᠶᠢᠨ ᠵᠡᠷᠭᠡᠴᠡᠭᠡ ᠨᠤᠷᠱᠤᠭᠤ ᠰᠤᠨᠵᠤᠭᠤᠶᠢ ᠵᠣᠬᠢᠶᠠᠯᠤᠨ ᠴᠡᠭᠡᠷ ᠭᠡᠵᠦ ᠦᠵᠡᠳᠡᠭᠶᠦᠮ᠃ ᠡᠨᠡ ᠬᠡᠯᠡᠯᠭᠡᠨᠦᠭᠡᠢ ᠵᠥᠪ᠃ ᠭᠡᠬᠦᠳᠦ ᠵᠣᠬᠢᠶᠠᠯᠤᠨ ᠲᠣᠪᠴᠢ ᠠᠪᠰᠠᠷᠭᠠ ᠪᠤᠶᠤ ᠨᠤᠷᠱᠤᠭᠤ ᠰᠤᠨᠵᠤᠭᠤᠶᠢ ᠳᠠᠩ ᠭᠠᠭᠴᠠ ᠦᠭᠡ ᠥᠭᠦᠯᠡᠪᠦᠷᠢᠶᠢᠨ ᠣᠯᠠᠨ ᠴᠥᠭᠡᠨᠢᠶᠡᠷ ᠬᠡᠮᠵᠢᠵᠦ ᠪᠣᠯᠳᠠᠭᠦᠭᠡᠢ᠃ ᠦᠭᠡ ᠴᠥᠭᠡᠨ ᠤᠳᠭᠠ ᠪᠦᠷᠢᠨ ᠭᠡᠭᠴᠢ ᠵᠣᠬᠢᠶᠠᠯᠤᠨ ᠴᠢᠨᠠᠷᠵᠢᠭᠤᠨ ᠬᠦᠨᠳᠦᠴᠡᠲᠡᠢᠶᠢ ᠬᠡᠯᠡᠳᠡᠭ ᠪᠠ ᠦᠭᠡ ᠣᠯᠠᠨ ᠤᠳᠭᠠ ᠪᠠᠭᠠ ᠭᠡᠭᠴᠢ ᠵᠣᠬᠢᠶᠠᠯᠤᠨ ᠤᠰᠤᠪᠬᠢ ᠨᠢᠮᠭᠡᠨᠢ ᠥᠭᠦᠯᠡᠳᠡᠭ ᠪᠢᠯᠡ᠃ 《ᠨᠤᠷᠱᠤᠭᠤ》ᠳᠤ ᠵᠠᠷᠢᠮᠳᠠᠭᠠᠨ ᠪᠠᠰᠠ ᠰᠠᠢᠨ ᠲᠠᠯᠠ ᠪᠠᠢᠳᠠᠭ: ᠬᠡᠷᠡᠭ ᠪᠣᠳᠠᠰᠢ ᠵᠢᠷᠤᠭᠯᠠᠬᠤᠳᠠᠭᠠᠨ ᠴᠣᠭᠤᠷᠤᠲᠠᠯᠠ ᠳᠦᠷᠰᠦᠯᠡᠬᠦᠶᠢ ᠡᠷᠬᠢᠮᠨᠡᠵᠦ᠂ ᠳᠣᠲᠤᠭᠠᠳᠤ ᠰᠡᠳᠭᠢᠯᠭᠡᠶᠢ ᠢᠯᠡᠷᠡᠭᠦᠯᠬᠦᠳᠡᠭᠡᠨ ᠨᠢᠭᠲᠠ ᠨᠠᠷᠢᠨ ᠲᠤᠢᠯᠳᠤ ᠬᠦᠷᠭᠡᠳᠡᠭᠶᠦᠮ᠃ ᠵᠠᠷᠢᠮ ᠦᠶᠡ ᠦᠨᠡᠬᠡᠷ ᠨᠤᠷᠱᠤᠬᠤᠦᠭᠡᠢ ᠪᠣᠯ ᠰᠣᠨᠢᠨ ᠭᠠᠢᠬᠠᠮᠰᠢᠭᠢᠨᠢ ᠲᠣᠳᠤᠳᠭᠠᠵᠤ ᠴᠢᠳᠠᠬᠤᠦᠭᠡᠢ ᠬᠡᠮᠵᠢᠶᠡᠨᠳᠦ ᠬᠦᠷᠳᠡᠭᠶᠦᠮ᠃ ᠡᠭᠦᠨᠢ ᠴᠣᠬᠤᠮ ᠨᠤᠷᠱᠤᠭᠤᠪᠠᠷ ᠠᠪᠰᠠᠷᠭᠠᠶᠢ ᠢᠯᠠᠨᠠ ᠭᠡᠵᠦ ᠪᠣᠯᠤᠨᠠ᠃ ᠤᠷᠠᠨ ᠵᠣᠬᠢᠶᠠᠯᠤᠨ ᠶᠡᠬᠡ ᠪᠠᠭᠰᠢᠨᠠᠷᠤᠨ ᠵᠣᠬᠢᠶᠠᠯ ᠪᠦᠲᠦᠭᠡᠯᠢ ᠦᠵᠡᠬᠦᠯᠡᠷ ᠬᠡᠰᠡᠭ ᠦᠶᠡ ᠪᠢᠷ ᠪᠡᠬᠡᠰᠢᠶᠡᠨ ᠠᠯᠲᠠᠠᠴᠠ ᠢᠯᠡᠭᠦᠦ ᠬᠠᠷᠠᠮᠯᠠᠵᠤ᠂ ᠦᠭᠡ ᠪᠦᠷᠢ ᠥᠭᠦᠯᠡᠪᠦᠷᠢ ᠲᠤᠲᠤᠮᠳᠤ ᠰᠢᠳᠢ ᠣᠷᠤᠰᠢᠭᠤᠯᠬᠤᠶᠢ ᠵᠣᠷᠢᠳᠠᠭ᠃ ᠵᠠᠷᠢᠮ ᠦᠶᠡ ᠨᠤᠷᠱᠤᠬᠤᠠᠴᠠ ᠬᠠᠯᠠᠰᠢᠷᠠᠬᠤᠦᠭᠡᠢ᠂ ᠪᠡᠬᠡᠰᠦᠨ ᠰᠠᠪᠠᠪᠠᠨ ᠬᠥᠨᠲᠡᠷᠴᠦ᠂ ᠮᠢᠩᠭᠠ ᠲᠦᠮᠡᠨ ᠦᠭᠡ ᠪᠢᠴᠢᠬᠦᠡᠴᠡᠴᠦ ᠭᠠᠯᠢᠷᠠᠳᠠᠭᠦᠭᠡᠢᠶᠤᠮ᠃ ᠲᠣᠪᠴᠢ ᠠᠪᠰᠠᠷᠭᠠ ᠨᠤᠷᠱᠤᠭᠤ ᠰᠤᠨᠵᠤᠭᠤᠳᠤ ᠲᠤᠰ ᠲᠤᠰᠤᠨ ᠭᠠᠢᠬᠠᠮᠰᠢᠭ ᠪᠤᠢ᠃
《ᠱᠦᠢ ᠾᠦᠶᠢᠨ ᠦᠯᠢᠭᠡᠷ》 ᠵᠠᠭᠤᠨ ᠲᠦᠮᠡᠨ ᠦᠭᠡᠲᠡᠢᠴᠦ ᠵᠣᠬᠢᠶᠠᠭᠴᠢ ᠲᠡᠭᠦᠨᠢᠪᠡᠨ ᠤᠷᠲᠤ ᠪᠣᠯᠭᠠᠬᠤᠶᠢᠨ ᠲᠥᠯᠦᠭᠡ ᠪᠢᠷ ᠪᠡᠬᠡᠰᠢᠶᠡᠨ ᠬᠡᠷᠡᠭᠦᠭᠡᠢ ᠭᠠᠵᠠᠷ ᠬᠡᠷᠡᠭᠯᠡᠭᠰᠡᠨᠦᠭᠡᠢ᠃ ᠵᠠᠷᠢᠮ ᠦᠶᠡ ᠲᠤᠢᠯᠤᠨ ᠲᠣᠪᠴᠢ ᠠᠪᠰᠠᠷᠭᠠ ᠪᠠᠢᠳᠠᠭ᠃ ᠵᠢᠱ᠋ᠢᠶᠡᠨᠢ 《ᠦ᠋ ᠰᠦᠩ ᠪᠠᠷᠰ ᠠᠯᠠᠭᠰᠠᠨ》 ᠬᠡᠰᠡᠭᠲᠦ ᠵᠣᠬᠢᠶᠠᠭᠴᠢ ᠵᠢᠩ ᠶᠠᠩ ᠭᠠᠩ ᠳᠠᠪᠠᠭᠠᠨᠤ ᠰᠠᠪᠳᠠᠭᠤᠨ ᠰᠦᠮᠡᠶᠢ ᠳᠦᠷᠰᠦᠯᠡᠬᠦᠳᠡᠭᠡᠨ 《ᠡᠪᠳᠡᠷᠬᠡᠢ》 ᠭᠡᠳᠡᠭ ᠨᠢᠭᠡᠬᠡᠨ ᠦᠭᠡᠪᠡᠷ ᠪᠠᠷᠰ ᠴᠤᠪᠤᠳᠠᠭ᠂ ᠬᠥᠮᠦᠨ ᠠᠮᠢᠲᠠᠨᠦᠭᠡᠢ ᠪᠠᠢᠳᠠᠯᠢ ᠲᠣᠳᠤᠳᠭᠠᠪᠠ᠃ ᠦ᠋ ᠰᠦᠩ ᠳᠠᠪᠠᠭᠠᠨ ᠳᠡᠭᠡᠷᠡ ᠭᠠᠷᠤᠭᠰᠠᠨ ᠬᠣᠢᠨᠠᠬᠢᠶᠢᠨ ᠪᠠᠢᠳᠠᠯᠢ ᠬᠠᠷᠢᠨ ᠡᠢᠨᠬᠦ ᠳᠦᠷᠰᠦᠯᠡᠵᠦ ᠪᠤᠢ: 《ᠲᠡᠷᠢᠭᠦᠨ ᠡᠷᠭᠦᠨ ᠲᠡᠭᠷᠢᠶᠢᠨ ᠪᠠᠢᠳᠠᠯᠢ ᠦᠵᠡᠬᠦᠳᠦ ᠨᠠᠷᠠ ᠠᠭᠠᠵᠢᠮᠢᠶᠠᠷ ᠰᠢᠩᠭᠡᠪᠡᠢ᠃ 》 ᠦᠨᠡᠬᠡᠷ ᠬᠤᠢᠬᠠᠶᠢᠨ ᠦᠰᠦ ᠬᠣᠷᠪᠤᠢᠮᠠᠷ ᠪᠠᠢᠳᠠᠯ ᠣᠷᠤᠯᠠ᠃ ᠡᠭᠦᠨᠡᠴᠡ ᠦᠵᠡᠬᠦᠳᠦ᠂ ᠵᠢᠨ ᠱᠧᠩ ᠲᠠᠨ ᠡᠨᠡ ᠦᠯᠢᠭᠡᠷᠢ ᠤᠩᠰᠢᠭᠰᠠᠭᠠᠷ ᠡᠨᠳᠡ ᠬᠦᠷᠦᠮᠡᠭᠴᠡᠪᠡᠨ 《ᠬᠡᠷᠪᠡ ᠪᠢ ᠪᠠᠢᠭᠰᠠᠨ ᠪᠣᠯᠬᠤᠯᠠ᠂ ᠪᠠᠷᠰᠦᠭᠡᠢ ᠪᠣᠯᠪᠠᠴᠤ ᠡᠭᠡᠷᠯᠡᠨ ᠤᠬᠢᠯᠠᠨᠠᠮ ᠊ᠶᠠ》 ᠭᠡᠰᠡᠨ ᠬᠡᠳᠦᠨ ᠦᠭᠡᠪᠡᠷ ᠴᠣᠬᠤᠯᠠᠭᠰᠠᠨᠨᠢ ᠰᠢᠯᠲᠠᠭᠠᠨᠦᠭᠡᠢ ᠪᠢᠰᠢ ᠠᠵᠢ᠃ ᠡᠨᠡ ᠦᠯᠢᠭᠡᠷᠦᠨ ᠬᠠᠮᠤᠭᠠᠴᠠ ᠶᠡᠬᠡ ᠰᠣᠨᠢᠷᠬᠠᠯᠲᠠᠢᠨᠢ ᠡᠭᠡᠨᠡᠭᠳᠡ 《ᠯᠢᠨ ᠰᠤᠷᠭᠠᠭᠴᠢ ᠰᠠᠯᠬᠢᠨ ᠰᠢᠭᠤᠷᠭᠠᠨᠠ ᠰᠠᠪᠳᠠᠭᠤᠨ ᠰᠦᠮᠡᠳᠦᠷ ᠬᠣᠨᠤᠭᠯᠠᠭᠰᠠᠨ》 ᠭᠡᠳᠡᠭ ᠪᠦᠯᠦᠭ ᠪᠣᠯᠤᠨᠠ᠃ ᠮᠠᠭᠤ ᠡᠷᠡᠶᠢᠨ ᠮᠠᠯᠠᠭᠠᠢᠶᠢᠨ ᠴᠢᠨᠡᠭᠡ ᠶᠡᠬᠡ ᠴᠠᠰᠤ ᠨᠢᠳᠦᠦᠭᠡᠢ ᠬᠠᠶᠠᠯᠠᠵᠤ ᠪᠠᠢᠭᠠ ᠪᠠᠢᠳᠠᠯᠢ ᠵᠥᠪᠬᠡᠨ 《 ᠲᠡᠷᠡ ᠴᠠᠰᠤ ᠦᠨᠡᠬᠡᠷ ᠰᠦᠷᠲᠡᠢ ᠬᠠᠶᠠᠯᠠᠵᠤ ᠪᠤᠢ》 ᠭᠡᠵᠦ᠂ ᠭᠠᠭᠴᠠ 《ᠰᠦᠷᠲᠡᠢ》 ᠭᠡᠳᠡᠭ ᠨᠢᠭᠡᠬᠡᠨ ᠦᠭᠡᠪᠡᠷ ᠪᠦᠬᠦ ᠪᠠᠢᠳᠠᠯᠢ ᠳᠣᠪᠤᠢᠯᠭᠠᠭᠰᠠᠨ ᠠᠵᠢ᠃ ᠯᠦ ᠰᠢᠶᠦ᠋ᠨ ᠠᠪᠤᠭᠠᠢ ᠲᠡᠭᠦᠨᠢ 《ᠰᠢᠳᠢᠲᠦ ᠪᠢᠷ》 ᠭᠡᠵᠦ ᠮᠠᠭᠲᠠᠭᠰᠠᠨᠨᠢ ᠦᠨᠡᠬᠡᠷ ᠭᠤᠲᠤᠭᠠᠭᠰᠠᠨᠦᠭᠡᠢ᠃
ᠡᠭᠦᠨᠴᠡ ᠳᠡᠭᠡᠭᠰᠢ ᠲᠣᠪᠴᠢ ᠠᠪᠰᠠᠷᠭᠠ ᠬᠡᠯᠡᠯᠭᠡᠶᠢ ᠰᠠᠢᠬᠠᠨ ᠵᠠᠷᠤᠬᠤ ᠭᠡᠰᠡᠨ ᠤᠳᠭᠠᠶᠢ ᠶᠠᠷᠢᠯᠠ᠃ ᠠᠳᠠᠯᠢ ᠨᠢᠭᠡᠨ 《ᠱᠦᠢ ᠾᠦᠶᠢᠨ ᠦᠯᠢᠭᠡᠷ》 ᠪᠠᠢᠭᠠᠳ ᠵᠠᠷᠢᠮ ᠦᠶᠡ ᠪᠠᠰᠠ ᠨᠤᠷᠱᠤᠭᠤ ᠰᠤᠨᠵᠤᠭᠤᠠᠴᠠᠴᠤ ᠭᠠᠯᠢᠷᠠᠭᠰᠠᠨᠦᠭᠡᠢᠶᠤᠮ᠃ ᠵᠣᠬᠢᠶᠠᠭᠴᠢ ᠯᠦ ᡁᠢ ᠱᠧᠨ 《ᠵᠧᠨ ᠭᠤᠸᠠᠨ ᠰᠢ 》ᠶᠢ ᠭᠤᠷᠪᠠᠨᠲᠠ ᠨᠢᠳᠤᠷᠭᠠᠳᠠᠭᠰᠠᠨᠢ ᠬᠡᠷᠬᠢᠨ ᠳᠦᠷᠰᠦᠯᠡᠭᠰᠡᠨᠢ ᠰᠣᠨᠢᠷᠬᠠᠮᠤ: ᠬᠠᠮᠠᠷ ᠤᠷᠤᠭᠤᠨᠢ ᠨᠢᠭᠡᠨᠲᠡ ᠨᠢᠳᠤᠷᠭᠠᠳᠠᠮᠠᠭᠴᠠ 《ᠴᠢᠰᠤ ᠠᠨᠤ ᠰᠠᠳᠠᠭᠠᠨᠠᠵᠤ᠂ ᠬᠠᠪᠠᠷ ᠠᠨᠤ ᠬᠠᠵᠠᠭᠤ ᠲᠡᠰᠢᠪᠡᠨ ᠮᠤᠷᠤᠢᠵᠤ ᠬᠠᠷᠢᠨ ᠨᠢᠭᠡᠨ ᠵᠢᠶᠠᠩ ᠢᠦᠶᠢᠨ ᠫᠦᠰᠧ ᠭᠠᠷᠭᠠᠭᠰᠠᠨ ᠮᠡᠲᠦ: ᠱᠣᠷᠪᠤᠭ᠂ ᠢᠰᠭᠦᠯᠡᠩ᠂ ᠭᠤᠱᠤᠭᠤᠨ ᠴᠥᠮ ᠨᠢᠭᠡᠨ ᠵᠡᠷᠭᠡ ᠰᠠᠳᠠᠷᠠᠨ ᠭᠠᠷᠪᠠᠢ》᠃ ᠨᠢᠳᠦᠨᠦ ᠲᠠᠷ᠂ ᠬᠥᠮᠦᠰᠭᠡᠶᠢᠨ ᠰᠡᠵᠢᠭᠦᠷ ᠤᠷᠤᠭᠤ ᠨᠢᠭᠡᠨᠲᠡ ᠨᠢᠳᠤᠷᠭᠠᠳᠠᠮᠠᠭᠴᠠ 《ᠨᠢᠳᠦᠨᠦ ᠵᠣᠪᠬᠢ ᠰᠠᠳᠠᠷᠠᠵᠤ᠂ ᠬᠠᠷᠠ ᠨᠢᠳᠦ ᠮᠤᠯᠲᠤ ᠦᠰᠦᠷᠴᠦ᠂ ᠪᠠᠰᠠ ᠨᠢᠭᠡᠨ ᠲᠣᠷᠭᠠ ᠳᠤᠷᠳᠤᠮᠤᠨ ᠫᠦᠰᠧ ᠭᠠᠷᠭᠠᠭᠰᠠᠨ ᠮᠡᠲᠦ᠂ ᠤᠯᠠᠭᠠᠨ᠂ ᠬᠠᠷᠠ᠂ ᠬᠦᠷᠡᠩ ᠥᠩᠭᠡ ᠴᠥᠮ ᠳᠡᠯᠭᠡᠷᠡᠪᠡᠢ᠃ 》 ᠭᠤᠷᠪᠠᠳᠤᠭᠠᠷ ᠨᠢᠳᠤᠷᠭᠠᠨᠳᠤ 《ᠰᠢᠨᠠ ᠤᠷᠤᠭᠤ ᠠᠨᠤ ᠴᠢᠭᠯᠡᠭᠦᠯᠦᠨ ᠨᠢᠳᠤᠷᠭᠠᠳᠠᠭᠰᠠᠨ ᠠᠨᠤ ᠮᠤᠯᠤᠮ ᠴᠢᠮᠪᠤᠶᠢᠨ ᠶᠡᠬᠡ ᠬᠤᠷᠠᠯ ᠬᠤᠷᠠᠯᠳᠤᠪᠠ: ᠬᠠᠰ ᠲᠤᠭᠤᠷᠭᠠ᠂ ᠴᠠᠩ ᠰᠧᠯᠠᠨᠠᠩ ᠬᠠᠮᠲᠤᠪᠠᠷ ᠳᠠᠭᠤᠷᠢᠰᠴᠤ》 ᠭᠡᠵᠦ᠂ ᠠᠮᠲᠠᠯᠠᠬᠤ ᠡᠷᠬᠡᠲᠡᠨᠡᠴᠡ ᠠᠪᠤᠭᠠᠳ ᠦᠵᠡᠬᠦ ᠡᠷᠬᠡᠲᠡᠨ᠂ ᠰᠣᠨᠤᠰᠬᠤ ᠡᠷᠬᠡᠲᠡᠨ ᠬᠦᠷᠲᠡᠯᠡ ᠴᠥᠮ ᠭᠡᠭᠡᠭᠳᠡᠯᠦᠭᠡᠢ ᠳᠦᠷᠰᠦᠯᠡᠭᠰᠡᠨ ᠪᠠᠢᠨᠠ᠃ ᠬᠡᠷᠪᠡ ᠵᠥᠪᠬᠡᠨ ᠦᠭᠡ ᠥᠭᠦᠯᠡᠪᠦᠷᠢᠶᠢᠨ ᠲᠠᠯᠠᠠᠴᠠ ᠲᠣᠪᠴᠢ ᠠᠪᠰᠠᠷᠭᠠᠶᠢ ᠬᠥᠭᠡᠭᠡᠴᠡᠯᠳᠦᠬᠦᠳᠦ ᠬᠦᠷᠪᠡᠯ ᠭᠤᠷᠪᠠᠨ ᠤᠳᠠᠭᠠᠶᠢ ᠭᠠᠭᠴᠠ: 《ᠤᠯᠠᠭᠠᠨ ᠴᠢᠰᠤᠶᠢ ᠰᠠᠳᠠᠭᠠᠨᠠᠲᠠᠯᠠ᠂ ᠬᠠᠷᠠ ᠨᠢᠳᠦᠶᠢ ᠪᠦᠯᠲᠡᠷᠡᠲᠡᠯᠡ᠂ ᠬᠣᠶᠠᠷ ᠴᠢᠬᠢᠶᠢ ᠳᠦᠩᠭᠢᠨᠡᠲᠡᠯᠡ》 ᠭᠡᠪᠡᠯ ᠪᠣᠯᠴᠢᠬᠠᠬᠤ ᠪᠠᠢᠨᠠ᠃ ᠭᠡᠲᠡᠯᠡ ᠲᠡᠭᠡᠪᠡᠯ ᠴᠣᠬᠤᠮ 《 ᠰᠢᠳᠢᠲᠦ ᠪᠢᠷ》ᠤᠨ ᠰᠢᠳᠢᠶᠢ ᠦᠵᠡᠭᠦᠯᠵᠦ ᠴᠢᠳᠠᠬᠤᠦᠭᠡᠢ ᠪᠣᠯᠤᠨᠠ᠃ ᠤᠤᠯ ᠵᠣᠬᠢᠶᠠᠯᠳᠤ ᠯᠦ ᡁᠢ ᠱᠧᠨ ᠰᠢᠳᠤᠷᠭᠤ ᠶᠣᠰᠤᠨᠢ ᠪᠠᠳᠠᠷᠠᠭᠤᠯᠬᠤᠶᠢᠨ ᠲᠥᠯᠦᠭᠡ ᠬᠠᠷᠭᠢᠰ ᠮᠠᠭᠤ ᠬᠥᠮᠦᠨᠢ ᠦᠬᠦᠲᠡᠯᠡ ᠵᠣᠳᠤᠭᠰᠠᠨ ᠢᠳᠡᠲᠡᠢ ᠦᠭᠡ ᠨᠤᠭᠦᠳᠨᠢ ᠭᠡᠭᠡᠭᠳᠡᠭᠡᠳ ᠤᠩᠰᠢᠭᠴᠢᠳᠢ ᠨᠥᠯᠦᠭᠡᠯᠡᠵᠦ ᠴᠢᠳᠠᠬᠤᠦᠭᠡᠢᠳᠤ ᠬᠦᠷᠦᠨᠡ᠃
ᠭᠠᠭᠴᠠᠬᠦ ᠦᠭᠡ ᠥᠭᠦᠯᠡᠪᠦᠷᠢᠶᠢᠨ ᠲᠣᠪᠴᠢᠪᠠᠷ ᠬᠤᠷᠴᠠ ᠠᠪᠰᠠᠷᠭᠠ ᠪᠣᠯᠵᠤ ᠴᠢᠳᠠᠬᠤᠦᠭᠡᠢᠶᠤᠮ᠃ ᠤᠷᠠᠯᠢᠭᠢ ᠢᠯᠡᠳᠭᠡᠬᠦᠶᠢᠨ ᠲᠥᠯᠦᠭᠡ ᠬᠡᠷᠡᠭᠯᠡᠭᠰᠡᠨ ᠨᠤᠷᠱᠤᠭᠤ ᠰᠤᠨᠵᠤᠭᠤ - ᠮᠠᠨᠤ ᠬᠡᠯᠡᠳᠡᠭ ᠶᠠᠷᠰᠢᠭ ᠪᠤᠳᠤᠯᠢᠶᠠᠨᠯᠤᠭᠠ ᠪᠠᠰᠠ ᠢᠯᠭᠠᠮᠵᠢᠲᠠᠢᠶᠤᠮ᠃ ᠯᠦ ᠰᠢᠶᠦ᠋ᠨ ᠬᠤᠷᠴᠠ ᠠᠪᠰᠠᠷᠭᠠᠶᠢ ᠶᠡᠬᠡ ᠡᠷᠬᠢᠮᠨᠡᠳᠡᠭᠴᠦ ᠵᠠᠷᠢᠮ ᠦᠶᠡ ᠬᠠᠷᠢᠨ ᠪᠠᠰᠠ ᠨᠤᠷᠱᠤᠭᠤ ᠪᠢᠴᠢᠳᠡᠭᠶᠦᠮ᠃ ᠲᠡᠭᠦᠨᠢ ᠴᠣᠬᠤᠮ《 ᠶᠠᠷᠰᠢᠭ ᠲᠦᠪᠡᠭ》ᠢ ᠠᠰᠢᠭᠯᠠᠵᠤ ᠪᠠᠢᠨᠠ ᠭᠡᠪᠡᠴᠦ ᠪᠣᠯᠤᠮᠠᠷ ᠪᠢᠯᠡ᠃ 《ᠢᠷᠦᠭᠡᠯᠦᠨ ᠬᠤᠷᠠᠯ》 ᠭᠡᠳᠡᠭ ᠵᠣᠬᠢᠶᠠᠯᠳᠤ 《ᠪᠢ》 ᠤᠷᠢᠳᠤ ᠡᠮᠦᠨᠡ ᠰᠢ ᠦᠵᠡᠬᠦᠳᠦ ᠠᠮᠲᠠ ᠰᠢᠮᠲᠡᠦᠭᠡᠢ ᠪᠠᠢᠳᠠᠭᠴᠤ ᠡᠳᠦᠭᠡ ᠬᠠᠷᠢᠨ ᠰᠢᠶᠣᠣ ᠵᠢᠶᠣᠣ ᠲᠢᠶᠠᠨ ᠭᠡᠳᠡᠭ ᠬᠣᠳᠤᠭᠤᠴᠢᠨ ᠬᠤᠷᠳᠤᠬᠠᠨ ᠭᠠᠷᠴᠤ ᠢᠷᠡᠬᠦᠶᠢ ᠲᠡᠰᠭᠡᠯᠦᠭᠡᠢ ᠬᠦᠯᠢᠶᠡᠵᠦ ᠪᠠᠢᠬᠤᠶᠢ 《᠁ ᠲᠡᠨᠳᠡᠴᠡ ᠪᠢᠴᠢᠬᠠᠨ ᠬᠡᠦᠬᠡᠨ ᠳᠠᠭᠤᠯᠠᠵᠤ᠂ ᠲᠣᠮᠤᠬᠠᠨ ᠬᠡᠦᠬᠡᠳ ᠳᠠᠭᠤᠯᠠᠵᠤ᠂ ᠡᠪᠦᠭᠡᠨ ᠳᠠᠭᠤᠯᠠᠵᠤ ᠪᠠᠢᠨᠠ᠂ ᠶᠠᠮᠠᠷ ᠲᠣᠭᠯᠠᠭᠴᠢ ᠲᠣᠭᠯᠠᠵᠤ ᠪᠠᠢᠭᠠᠶᠢ ᠣᠯᠵᠤ ᠮᠡᠳᠡᠭᠰᠡᠨᠴᠦᠦᠭᠡᠢ᠂ ᠨᠢᠭᠡ ᠣᠯᠠᠨ ᠬᠥᠮᠦᠨ ᠡᠷᠦᠢ ᠬᠤᠷᠤᠢᠦᠭᠡᠢ ᠵᠣᠳᠤᠯᠳᠤᠵᠤ ᠪᠠᠢᠨᠠ᠂ ᠬᠣᠶᠠᠷ ᠭᠤᠷᠪᠠᠪᠠᠷ ᠵᠣᠳᠤᠯᠳᠤᠵᠤᠴᠤ ᠪᠠᠢᠯᠠ᠃ ᠶᠢᠰᠦᠨ ᠴᠠᠭ ᠭᠠᠷᠤᠢᠠᠴᠠ ᠠᠷᠪᠠᠨ ᠴᠠᠭ ᠬᠦᠷᠲᠡᠯᠡ᠂ ᠠᠷᠪᠠᠨ ᠴᠠᠭ ᠭᠠᠷᠤᠢᠠᠴᠠ ᠠᠷᠪᠠᠨ ᠨᠢᠭᠡᠨ ᠴᠠᠭ ᠬᠦᠷᠲᠡᠯᠡ᠂ ᠠᠷᠪᠠᠨ ᠨᠢᠭᠡᠨ ᠴᠠᠭᠠᠴᠠ ᠠᠷᠪᠠᠨ ᠨᠢᠭᠡᠨ ᠴᠠᠭ ᠬᠠᠭᠠᠰ ᠬᠦᠷᠲᠡᠯᠡ᠂ ᠠᠷᠪᠠᠨ ᠨᠢᠭᠡᠨ ᠴᠠᠭ ᠬᠠᠭᠠᠰᠠᠴᠠ ᠠᠷᠪᠠᠨ ᠬᠣᠶᠠᠷ ᠴᠠᠭ ᠬᠦᠷᠲᠡᠯᠡ - ᠥᠨᠥ ᠰᠢᠶᠣᠣ ᠵᠢᠶᠣᠣ ᠲᠢᠶᠠᠨ ᠪᠠᠰᠠ ᠭᠠᠷᠴᠤ ᠢᠷᠡᠭᠰᠡᠨᠦᠭᠡᠢ》 ᠭᠡᠵᠡᠢ᠃ ᠶᠡᠷᠦᠳᠡᠶᠢᠨ ᠴᠠᠭᠲᠤ ᠬᠡᠨ ᠬᠥᠮᠦᠨ ᠦᠭᠡᠶᠢ ᠢᠩᠭᠢᠵᠦ ᠶᠠᠷᠢᠬᠤ ᠪᠤᠢ᠂ ᠵᠣᠬᠢᠶᠠᠯᠢ ᠢᠩᠭᠢᠵᠦ ᠶᠠᠷᠰᠢᠭ ᠪᠢᠴᠢᠪᠡᠯ ᠲᠦᠪᠡᠭᠦᠨ ᠲᠤᠢᠯᠳᠤ ᠬᠦᠷᠬᠦ ᠪᠣᠯᠤᠨᠠ᠂ ᠭᠡᠲᠡᠯᠡ ᠣᠨᠴᠠ ᠣᠷᠴᠢᠨ ᠲᠣᠭᠤᠷᠢᠨ᠂ ᠨᠥᠬᠦᠴᠡᠯ ᠪᠣᠯᠤᠯᠴᠠᠭᠠ᠂ ᠠᠭᠤᠷ ᠠᠮᠢᠰᠭᠤᠯᠤᠨ ᠳᠣᠣᠷᠠ᠂ ᠯᠦ ᠰᠢᠶᠦ᠋ᠨ ᠲᠡᠭᠦᠨᠢᠶᠡᠷ ᠨᠢᠭᠡᠨ ᠵᠦᠢᠯᠦᠨ ᠨᠠᠷᠢᠨ ᠪᠤᠳᠤᠯᠢᠶᠠᠨᠲᠠᠢ - ᠦᠭᠡ ᠶᠠᠷᠢᠶᠠᠪᠠᠷ ᠢᠯᠡᠳᠭᠡᠬᠦᠳᠦ ᠪᠡᠷᠬᠡ ᠰᠠᠨᠠᠭᠠ ᠰᠡᠳᠭᠢᠯᠭᠡᠶᠢ ᠢᠯᠡᠳᠭᠡᠵᠦ ᠬᠥᠮᠦᠰᠲᠦ ᠬᠤᠷᠴᠠ ᠬᠠᠴᠢᠨ ᠤᠷᠠᠯᠢᠭᠤᠨ ᠬᠦᠷᠲᠡᠮᠵᠢᠶᠢ ᠣᠯᠭᠤᠭᠰᠠᠨ ᠪᠠᠢᠵᠠᠢ᠃
ᠯᠢᠦ ᠰᠢᠶᠧᠡᠴᠡ: 《ᠥᠭᠦᠯᠡᠪᠦᠷᠢᠶᠢ ᠱᠤᠯᠤᠵᠤ ᠪᠣᠯᠬᠤᠦᠭᠡᠢ ᠠᠨᠤ ᠰᠡᠪᠰᠡᠭᠡᠷᠦᠨ ᠬᠠᠷᠠᠭᠠ᠂ ᠦᠰᠦᠭᠡᠴᠡ ᠬᠠᠰᠤᠵᠤ ᠦᠯᠦ ᠪᠣᠯᠬᠤᠯᠠ᠂ ᠨᠢᠭᠲᠠᠶᠢᠨ ᠤᠴᠢᠷ》 ᠭᠡᠰᠡᠨ ᠵᠦᠢᠲᠡᠢ ᠪᠠᠢᠨᠠ᠃ ᠲᠣᠪᠴᠢ ᠠᠪᠰᠠᠷᠭᠠ ᠪᠦᠬᠦᠨᠢ ᠴᠥᠮ 《ᠱᠤᠯᠤᠮᠠᠷ ᠭᠠᠵᠠᠷᠦᠭᠡᠢ》᠂ 《ᠬᠠᠰᠤᠵᠤ ᠦᠯᠦ ᠪᠣᠯᠬᠤ》ᠪᠠᠷ ᠪᠠᠷᠢᠮᠵᠢᠶᠠ ᠪᠣᠯᠭᠠᠬᠤᠳᠤ ᠴᠥᠮ ᠰᠢᠯᠢᠵᠦ ᠲᠤᠩᠭᠠᠬᠤ ᠬᠡᠷᠡᠭᠲᠡᠢ᠃ ᠭᠡᠲᠡᠯᠡ ᠡᠨᠡᠬᠦ ᠰᠢᠯᠢᠵᠦ ᠲᠤᠩᠭᠠᠬᠤ ᠶᠠᠪᠤᠴᠠᠨᠢ ᠳᠠᠩ ᠭᠠᠭᠴᠠ ᠥᠭᠦᠯᠡᠪᠦᠷᠢᠶᠢ ᠡᠪᠲᠡᠢ ᠲᠣᠬᠢᠷᠠᠭᠤᠯᠬᠤ ᠶᠠᠪᠤᠳᠠᠯ ᠲᠡᠳᠦᠢ ᠪᠤᠰᠤ᠃ ᠳᠡᠭᠡᠷᠡ ᠲᠠᠲᠠᠭᠰᠠᠨ ᠬᠡᠳᠦᠨ ᠵᠢᠱ᠋ᠢᠶᠡᠪᠡᠷ ᠠᠪᠴᠤ ᠬᠡᠯᠡᠬᠦᠳᠦ᠂ ᠵᠣᠬᠢᠶᠠᠭᠴᠢ ᠲᠡᠭᠦᠨᠢᠪᠡᠨ ᠪᠢᠴᠢᠬᠦ ᠦᠶᠡᠳᠦ ᠣᠶᠤᠨ ᠲᠠᠷᠢᠬᠢᠪᠠᠨ ᠲᠡᠭᠡᠵᠦ ᠶᠡᠬᠡᠬᠡᠨ ᠰᠢᠪᠬᠠᠭᠰᠠᠨᠴᠤ ᠪᠤᠰᠤ ᠭᠡᠵᠦ ᠪᠢ ᠪᠣᠳᠤᠨᠠ᠃ ᠬᠡᠷᠪᠡ ᠠᠮᠢᠳᠤᠷᠠᠯᠤᠨ ᠳᠣᠲᠤᠷᠠᠠᠴᠠ ᠡᠰᠢ ᠠᠪᠴᠤ᠂ ᠬᠠᠢᠷᠠ ᠰᠡᠳᠭᠢᠯᠭᠡᠪᠡᠨ ᠲᠦᠰᠢᠭᠯᠡᠪᠡᠯ ᠲᠣᠪᠴᠢ ᠨᠤᠷᠱᠤᠭᠤᠶᠢ ᠡᠪᠲᠡᠢ ᠲᠣᠬᠢᠷᠠᠭᠤᠯᠬᠤ ᠭᠡᠭᠴᠢ ᠳᠡᠮᠡᠢ ᠪᠡᠷᠬᠡ ᠪᠢᠰᠢᠶᠦᠮ᠃ ᠭᠦ᠋ ᠶᠠᠨ ᠡᠦ ᠬᠡᠯᠡᠭᠰᠡᠨᠨᠢ: 《ᠵᠣᠬᠢᠶᠠᠯ ᠪᠢᠴᠢᠭᠲᠦᠷ ᠶᠠᠭᠤᠨᠳᠤ ᠨᠤᠷᠱᠤᠭᠤ ᠲᠣᠪᠴᠢ ᠪᠤᠢ? ᠡᠷᠲᠡᠨᠦ ᠬᠥᠮᠦᠨᠦ ᠥᠭᠦᠯᠡᠭᠰᠡᠨ ᠢᠨᠦ᠂ ᠤᠰᠤᠨᠤ ᠳᠡᠭᠡᠷᠡᠬᠢ ᠰᠠᠯᠬᠢᠨ ᠥᠪᠡᠷᠦᠨ ᠠᠶᠠᠪᠠᠷ ᠠᠷ ᠲᠠᠲᠠᠭᠤᠯᠤᠮᠤᠢ᠂ ᠬᠡᠷᠪᠡ ᠥᠪᠡᠷᠦᠨ ᠠᠶᠠᠪᠠᠷ ᠪᠤᠰᠤ᠂ ᠬᠥᠮᠦᠨᠦ ᠰᠠᠨᠠᠭᠠᠪᠠᠷ ᠵᠣᠷᠢᠭᠤᠳᠠ ᠨᠤᠷᠱᠤᠭᠤ ᠲᠣᠪᠴᠢ ᠭᠠᠷᠭᠠᠪᠠᠰᠤ ᠠᠯᠳᠠᠬᠤ ᠪᠣᠯᠠᠢ!》 ᠭᠡᠵᠡᠢ!
ᠡᠳᠦᠭᠡ ᠬᠠᠷᠠᠬᠠᠨ ᠵᠣᠬᠢᠶᠠᠯᠢ ᠤᠷᠲᠤᠯᠠᠭᠤᠯᠬᠤ ᠬᠡᠯᠪᠡᠷᠢᠯ ᠭᠠᠷᠴᠤ ᠪᠤᠢ: ᠥᠭᠦᠯᠡᠯᠭᠡᠨᠢ ᠲᠤᠭᠤᠵᠢᠴᠤᠰᠢᠭ᠋᠂ ᠲᠤᠭᠤᠵᠢᠨᠢ ᠷᠤᠮᠠᠨᠴᠤᠰᠢᠭ᠋᠂ ᠷᠤᠮᠠᠨᠨᠢ ᠨᠢᠭᠡ ᠪᠣᠲᠢ᠂ ᠬᠣᠶᠠᠷ ᠪᠣᠲᠢ᠂ ᠭᠤᠷᠪᠠᠨ ᠪᠣᠲᠢ ᠁᠃ ᠲᠡᠢᠮᠦ ᠳ᠋ᠠ᠂ ᠵᠠᠷᠢᠮ ᠵᠣᠬᠢᠶᠠᠯ ᠤᠷᠲᠤᠳᠠᠭᠠᠨ ᠰᠠᠢᠨ᠂ ᠤᠷᠲᠤ ᠪᠣᠯᠭᠠᠬᠤᠦᠭᠡᠢ ᠪᠣᠯ ᠪᠣᠯᠳᠠᠭᠦᠭᠡᠢᠶᠤᠮ ᠪᠠᠢᠨᠠ᠃ ᠭᠡᠪᠡᠴᠦ ᠣᠯᠠᠩᠬᠢ ᠵᠣᠬᠢᠶᠠᠯ ᠲᠡᠢᠮᠦ ᠤᠷᠲᠤ ᠪᠢᠴᠢᠭᠰᠡᠨᠦ ᠬᠡᠷᠡᠭ ᠠᠯᠠᠭᠠ᠂ ᠦᠨᠡᠬᠡᠷᠴᠦ 《 ᠤᠰᠤᠷᠬᠠᠭ》 ᠪᠠᠢᠭᠠᠳ ᠪᠠᠢᠳᠠᠭᠶᠤᠮ᠃ ᠵᠣᠬᠢᠶᠠᠯᠢ ᠳᠡᠩᠳᠡᠭᠦᠦ ᠤᠷᠲᠤ ᠪᠢᠴᠢᠬᠦᠶᠢᠨ ᠰᠢᠯᠲᠠᠭᠠᠨ ᠶᠡᠬᠡ ᠣᠯᠠᠨ᠂ ᠶᠠᠭᠤᠨᠤ ᠡᠮᠦᠨᠡ ᠠᠮᠢᠳᠤᠷᠠᠯᠢ ᠰᠢᠯᠢᠵᠦ ᠲᠤᠩᠭᠠᠬᠤ ᠠᠰᠠᠭᠤᠳᠠᠯ - ᠤᠷᠠᠯᠢᠭᠤᠨ ᠬᠤᠷᠢᠶᠠᠩᠭᠤᠢᠯᠠᠯᠤᠨ ᠠᠰᠠᠭᠤᠳᠠᠯ ᠪᠤᠢ᠃ ᠭᠡᠪᠡᠴᠦ ᠲᠡᠭᠦᠨᠦ ᠳᠣᠲᠤᠷᠠ ᠤᠷᠠᠯᠢᠭᠤᠨ ᠠᠷᠭᠠ ᠪᠠᠷᠢᠯ ᠪᠠ ᠬᠡᠯᠡ ᠶᠠᠷᠢᠶᠠᠨᠤ ᠪᠣᠯᠪᠠᠰᠤᠷᠠᠯᠢᠶᠠᠷ ᠲᠣᠭᠲᠠᠭᠰᠠᠨ ᠶᠠᠪᠤᠳᠠᠯ ᠪᠠᠰᠠ ᠪᠤᠢ ᠭᠡᠳᠡᠭᠢ ᠬᠠᠢᠬᠤᠷᠬᠤᠦᠭᠡᠢ ᠪᠠᠢᠵᠤ ᠪᠣᠯᠬᠤᠦᠭᠡᠢ᠃ ᠲᠣᠪᠴᠢ ᠪᠥᠭᠡᠳ ᠤᠰᠤᠪᠬᠢ᠂ ᠨᠤᠷᠱᠤᠭᠤ ᠪᠥᠭᠡᠳ ᠨᠦᠰᠡᠷ ᠪᠠᠢᠳᠠᠭ᠂ ᠬᠣᠶᠠᠷ ᠭᠡᠮ ᠬᠡᠵᠢᠶᠡᠳᠡ ᠳᠠᠪᠬᠤᠷᠯᠠᠵᠤ ᠪᠠᠢᠳᠠᠭ ᠪᠢᠯᠡ᠃ ᠵᠠᠷᠢᠮ ᠨᠢᠭᠡ ᠵᠣᠬᠢᠶᠠᠯ ᠠᠭᠤᠯᠭᠠᠪᠠᠷ ᠵᠦᠭᠡᠷᠰᠢᠭ ᠪᠣᠯᠪᠠᠴᠤ ᠤᠷᠲᠤ ᠬᠣᠷᠮᠤᠢ ᠴᠢᠷᠦᠭᠰᠡᠨᠰᠢᠭ ᠲᠤᠯᠠ ᠲᠡᠭᠦᠨᠢ ᠤᠩᠰᠢᠬᠤᠳᠤ ᠦᠨᠡᠬᠡᠷ ᠴᠢᠯᠠᠭᠤ ᠡᠭᠦᠷᠴᠦ ᠵᠦᠴᠦᠭᠡ ᠦᠵᠡᠬᠦᠰᠢᠭ ᠪᠣᠳᠤᠯ ᠣᠷᠤᠵᠤ᠂ ᠲᠠᠮᠢᠷ ᠠᠯᠳᠠᠷᠠᠵᠤ ᠲᠣᠯᠤᠭᠠᠢ ᠡᠪᠡᠳᠬᠦᠳᠦ ᠬᠦᠷᠳᠡᠭᠶᠦᠮ᠃ ᠬᠠᠷᠢᠨ ᠶᠡᠬᠡ ᠵᠣᠬᠢᠶᠠᠯᠴᠢᠨᠠᠷᠤᠨ ᠵᠣᠬᠢᠶᠠᠯᠢ ᠤᠩᠰᠢᠬᠤᠳᠤ ᠶᠡᠷᠦᠨᠢ ᠰᠠᠯᠬᠢ ᠣᠷᠤᠭᠤᠯᠬᠤ ᠣᠩᠭᠤᠴᠠᠰᠢᠭ᠋ ᠬᠥᠩᠭᠡᠨ ᠭᠠᠪᠰᠢᠭᠠᠢ ᠰᠠᠨᠠᠭᠳᠠᠳᠠᠭ ᠪᠢᠯᠡ᠃
ᠡᠭᠦᠨᠢ ᠪᠣᠳᠤᠵᠤ ᠦᠵᠡᠪᠡᠯ᠂ ᠵᠣᠬᠢᠶᠠᠯᠢ ᠲᠣᠪᠴᠢ ᠠᠪᠰᠠᠷᠭᠠ ᠪᠢᠴᠢᠬᠦᠨᠢ ᠴᠢᠬᠤᠯᠠ᠂ ᠵᠣᠬᠢᠶᠠᠯᠤᠨ ᠲᠣᠪᠴᠢ ᠨᠤᠷᠱᠤᠭᠤᠨᠢ ᠬᠥᠭ ᠬᠡᠮᠢᠶᠡᠨ ᠠᠯᠳᠠᠪᠠᠯ ᠲᠤᠰᠠᠦᠭᠡᠢ ᠭᠡᠳᠡᠭ ᠬᠠᠭᠤᠴᠢᠷᠠᠭᠰᠠᠨ ᠰᠡᠳᠦᠪᠢ ᠳᠠᠬᠢᠨ ᠰᠡᠷᠭᠦᠭᠡᠬᠦᠳᠦ ᠢᠯᠡᠭᠦᠴᠡ ᠶᠠᠪᠤᠳᠠᠯ ᠠᠷᠠᠢ ᠪᠢᠰᠢ ᠪᠢᠵᠡ᠃